Stat 15:2 - Waris

² Doa Apramba henga omnana, yimba Yawe mendekli av, wo yimba kamba mana emamba besalva vrahovrava, lehra. Heva os kava otolhui lohv, wo si kamba daharava, puewulva si ambalnindrini vaohothovav. Men kainda lohv, kana andranindrini, nihilva Elieser. Himba katindiriniva owai, himba Damaskus kembellini.

Stat 15:2 ပူးပေါင်းရင်းမြစ်များ

Stat 14:15

Doa boasna himba hevtatanam moang vuku vena, wo sinim poaita ambwul venamba, ambanamba owalwolalm, doa engilungu vena. Venamba, engilpihal ve, venamba, Hopa kembella di Damaskusra nohalm.

Stat 15:1

Doa sisva Apram inungpunung vevna, Sesoam hellevna, os ishomnavna, manam yimba ungundnapenamba pemba vevav. Kav si yemba kekalvho vromana venavav, wo mana ema besalangas si yemba kava nis ambo vrahovav.

Stat 15:3

Yimba kamba venanamoa doarava, osva ongaloa doara tuendisrinim lengmanara, wo noinda andranindriningas si kanamba vaohothovav.

Stat 24:10

Doa nomba andranindriniva ganamba, wohva mindnam kamelva 9pelara iangavna, ungevlirinim nonam sovalm ingavna. Wonganamba, Nahorna kembella wonphonamba di Mesopotamia pethara.

Stat 24:2

Doa andranindrini lohmanavna, hengas Aprahamna wohva kekalvho vrowovna. Wo Apraham omnana, yeoa garava, ongam silelguamno kavna ombolindam. Wo manam yimba huiva vravav hona Kenan petharava, owainonoa. Dom gao, ava ten kam lengnam, mongo noi vrao kavna aratindirinina molm. Heva os kamsna tanamolnam ishomno, si osva yimba tanamangas vevavma. Doa pevna englaoa hui yitho kana pohasingi, wo Yawena novra kam tanamolnam ishomno, ten Sesoa luhunvm ovm petham.

Stat 25:21

Doa Repekava phal avna, wo tlal Yawem osahmanavna nom. Doa himba hellenamba, wo Repekava ena vethana,

Stat 39:9

Honamba deuvnamba ka kuwulva wulluhv, osva hevpa temba, wo kamba ovomnanamoa mana vemamba, yemangas hena ongalm. Es hevpa kava osva sahonamba vevav Sesoana novrava, owai.

Stat 43:19

Wo tuvra doa saivvnamba, himba deuv kekalvhonindrinim di umnina os, yeoa kana moam hillinvm.

Stat 44:1

Innemba hlapianamba, doa Yosep omnana andranindrinim, wondara inneoa nunguwul vinu, honaoa indhanaoa mindnam ata iangavav. Eva henga hena diwondava nunguwul vungu vinu, henona, henona hevna innewondamera, inneram noi kam dembrahuim.

Aposel 7:5

Sesoava Aprahamba honamba mongova pethava kovoraohnamoa owaimomolmba hutewonamba. Heva os Sesoava ovrahona hemba, osva himba si honamba vrahunvav pethava hevm, eva simbepolm henam. Honamba doara heva Aprahamna novra, mendah ombolhui lohvna.

Rut 2:6

Wo he omnana, temba Naomina kol Moapongorini, ten Naomi waipronam.