Hipru 9:16 - Waris

¹⁶ Sesoava nengavnangva os vrena, Kristusmsna dahara, wo os Sesoatindimba si awothowol vevav Sesoava. Yimba nonora av, osmba nonamba indhanariniva nengvrava, osva si kamba dahavav sewonamba, wo himba verava, tombaira novol vewol vevra, osmba henoi si vaohothovav manimani kanapuwulva. Wo doa no indhanariniva nengvrava, vaohotholmba, nomba manimani no henapuwulva, heoa hevmoa ambara vithinda indhanamoa indkumbim, osm aralva hona wohnamba doa tanam doara wohdahana.

Hipru 9:16 ပူးပေါင်းရင်းမြစ်များ

Rom 5:12

Pimba nonora av, osva indkoklava doa pethanindmba mera vena, manara, mani temba vena Atamba. Wo indkoklava wulphona dalalm. Wo honamba memba, noinda osva indkumbimba dalvra, manara, indkumbiva indkokla vina.

Rom 6:23

Nonamba mongova indkoklava vevrava, himba nendkond vrev, nom ten indkokla wulprovm, daham. Wo heva os owai, Sesoava daswolv pimba ambo nis und, noi yunalm alm Kristus Yesus pivna mendeklinamera.

1 Korin 15:22

Indkumbiva memba pivva avpa, Atamna sespelva si wohdalvra. Wo eva ambo osta, Kristusindangasta pimba indkumbiva si os avra beswonamba hengava.

Hipru 1:3

Wo ombolva pusamba vethana woklamsna Sesoanamba, wo pim lavhoaluhunv. Himba aimund ambo snal, Sesoa hev ten avm. Manimani memba Sesoava vewol venamba, ombolva kekaiv ilohv mongawatilm hevna keknasowolmona. Ombol kilumbshuawol vevna pimba sahaposwonindmba, wuvolmba almba. Wo doa himba av Sesoana nihanasis, mendekli king kuwulinda senakembellini.

Hipru 13:20

Kava sembayang vev, osm Sesoa si yemba vinvav, osm yimba wevsabesalna avra, wo yimba vivra, nomba osva himba temba undva vrevpa. Sesoava noi, pim ten sandhavm, indwonam alm, himba noi, ten wolaihaphonam pokamarini pina mendeklim Yesus Kristusm, mendekli sipsipna kekalvhonindrini. Sesoava wolaihaphona hemba, noinda tovolva hevna dahallinira. Henamba tovolva pinamba novmba wuleihinna, osm Sesoana moamba tanam, nom Sesoa ten wonvenam hevtindim. Wo hona moamba si mueisowa vevavmoa yunalm, wohloholm, nonapopolm alm beswonam. Kava sembayang vev, osm Sesoava Kristusnashara si vinvav pimba, noindava himba indk vethavpa. Wo eva Yesus Kristusnanamba himba pimba indkumbimba daswolvav no wevsana, hev ten und vevm, wo elsusva pivva hemba okuluvmona vevra. Tanamta.

Hipru 9:15

Noinda Kristusva nemel wulprunna moamba Sesoanaminiva hevtindimba. Hindmba nomba temba Sesoava kekaiv venamba, doa hemba wohlundthoav awothowolnangas, os doara Sesoa hev ten ovrahunnam. Honamba awothowolva si yunalm wohlohvav. Himba si os wohavav yunalm, manara, Kristusmba dahana, osm indhanamba temba avnamba doaraminimonamba, himba hemba si kilumbshuawol vevav.

Hipru 9:17

Tombaimomba nomba ombam ambo nonamba, osmba indhanariniva mendah lohvra. Honamba vivra, nonamangas hemba dahavrava sism.

Yems 2:10

Wo mongova osva wohengwol vevrava temurava Sesoana lohohmomba, wo heva os himba mongomba engvramoa lohohmomba, himba doa wohindkokla vei, osva moamba nomba wohpilpikohana, temba lohohmorava lohvpa.