Hipru 7:19 - Waris

¹⁹ Manara, Mosesna lohohmomba mana vemamba weihaloh vrevavmoa besalalmba. Wo heva os daipotava doa Sesoa pimba besal monamba vuenghinna. Wo hona monana pimba ambvra murapetamba Sesoaindamba, nemeltovm selthoalm.

Hipru 7:19 ပူးပေါင်းရင်းမြစ်များ

Yonna Yesusmoa 1:17

Sesoava doa holothunna lohohmomba pimba Mosesna englisra, heva os wavrana moanonoana provna Yesus Kristusnamini.

Yonna Yesusmoa 14:6

Yesus omnana, monamba araindamba men kangasta. Moanonoana plalva menta kava kav. Wo kaindangas indhanamba tanamba undnamba av.

Rom 5:2

Pivna undnahonara, Kristusva doa wonprona pimba, Sesoana awothowolna wavrana, nona men daipota piv noinda losnamona avm. Wo pimba indk vithiv, manara osra pimba ningvpa, os pimba aevulvav beswonam Sesoana kembellava hevna pusambanakambara.

Rom 7:7

Yimba ata maim os ningvra, kava dihi os ov, vei, indkokla, eva Sesoana lohohmoa mongal lohv? Owai, lohohmomba besalangas, manara, himba mona, kava lihalmba, osmba manam indkoklava uv. Kava owaimomolmba, ata lihavavmoa, osva manam uv, osmba mana vemam nengv sahoklalm, lohohmomba osva omba owai vetava, yimba manam muemb hleinvra owapevna mana vemamba.

Rom 8:3

Sesoana lohohmomba keknamba lohvnamoa, pimba lopshalmba, ambo sena kleihalohvna. Maim uvra, lohohmomba oi vovhueinna pina pivna undkoklara. Wo heva os Sesoava vena, nomba lohohmomba owai vevavpa nomba. Himba wolaihaprana hevna ombolmba hona petharamba sna mongawa nihna, men piv pivm wileisilvm sahaposwora. Himba wolaihaprana hevna ombolmba, pim kilumbshuawolalm pivna indkoklarinim. Wo osva Sesoava kinwonda hohlomnavna hevna ombolmba pina indkumbina vhoramba.

Galesia 2:16

Heva os pivva nonora, osva indhanariniva lehrava lohvavmoa Sesoana novrava, engmanalmba lohohmomba. Owai, Yesus Kristus doa lehwol vena, osmba ovna, hona indhanariniva lehra lohv Sesoana novrava. Wo eva pioa osta, undnahonam amnav Yesus Kristusm, osm ora pimba lehra lovahv Sesoana novrava. Pivva lehrava Sesoana novrava noinda lovahv, pimba Kristusnind, noindangasva owai, pimba memba lohohmomba engivpa. Manara, mongova owai, vevavmoa beswonamba Sesoana novrava, engvrivpa lohohmomba.

Galesia 3:21

Es hevpa, osm honamba lohohmomba esiwohavmoa Sesoana omokalthamoiva? Esiwohavta, manara, no lohohmonapopolva indhanamba atava, osva pivva beswonam engivra lohohmomba, lehrava lovahvra Sesoana novrava.

Galesia 3:24

Wo memba osm, lohohmomba kanamba gurumsna luhunvna, venamba, Kristus prona. Kristusva pronamba sismba, kava osva avna lehrava Sesoana novrava undnahonarava.

Evesus 3:12

Noinda Kristusinda pivva ambv Sesoaindava beswonamba pepehhuiva. Pimba honamba vivav, noinda doa pimba lovahthamnana Kristusmba undnahonamba.

Kolosi 1:27

Sesoava undva vrinvna pimba hevtindimba, levrapivolalm hona poaitamomba, nomba temba hevpa wuleinvnamba hevtindimba. Eva yem kavna Yutanindna meisungundm. Honamba poaitamomba besalnonoa, pusamba vethangav vavawonamba. Honamba poaitamomba memba Kristus hev, he noi ten yeina einvm. Wo noinda hengas pinamba plalva datho aiwoluhunv, Sesoaindamba almba.

1 Timoti 1:1

Kava Pol, kava Yesus Kristusna moalamangnindrini. Kava hona moamba yem novol vipipramnav, Timoti. Yimba undnahonam Yesus Kristusmba lohmanav, os men kav vevm, wo noinda yemba kava os nengmanav, yimba maim oi, kavna ombolnonoa. Sesoa ara himba pimba lopslahawol vev, kamba hev pusvundthoana moalamangnindrinielmba. Eva Yesus Kristusva himba kamba pusvundthoana hona andram, wo pimba hemba nengviluwuv, prolm, pim vuhe besallam sandhalm. Sesoa arapev eva Yesus Kristus yemba undalm vewol evevra, eva beswonam wavra evevhomnavra, wo yimba beswonam undwonam noinda avav.

Hipru 10:1

Lohohmorava ambo pimba naengho vriv aenisongolmsna, nomba manimani si besalva phovavpa sewonamba Kristusnanamba. Heva os lohohmomba mani nihnamolnamma, osva ora, noi pimba si kilumbshuawol vevav. Pimba wiyera av, manara, indhanamba nomba temba hona lohohmosingiva avnamba, no mongawa wevsana tatamba weisang velvohvna, weisumblololmba, no tahonnam no tahonnam osangas. Wo no tatasowamba Sesoamba venalmba, kilumbshuawol venamoa, nomba temba muramba ambnamba, sembayang venalmba Sesoamba.

Hipru 11:40

Manara, Sesoava nengavnangva vrena, mana vemam daswolalm pimba besalmangasm. Wo himba si avav beswonam, wo heva os pimongo mongawulm, Kristusindava.

Hipru 11:6

Heva os undnahonahuirava, an eva vrevav Sesoamba, osva noinda undoa lothora, owai. Himba nomba prolmba vevrava Sesoaindamba, undnahonam keknam lohvra, wo himba keknam nengvra, osva Sesoava beswonamangas vewol vinv indhanamba, nomba temba hemba aslalvpa.

Hipru 3:6

Wo heva os Kristusva keknam wohlohvna Sesoana hevna ombol, he Sesoatindina kuwulva wulluhunv. Wo pimba tanamba avavta Sesoatindilmba, pivva osva allava keknamba undnahonamba, wo nengviluwuvra, vuhemba besalva, Sesoa doa pimba ovlahinna.

Hipru 4:16

Noinda pioa amblohra pepehhui beswonam amballam Sesoana novram, di ten hev no moainalvhora ovavho vevm. Di pimba si nunglivav, osva eva himba pimba undalm vewol vevta. Wo himba si pimba wavra vovhueinvav, pim kolvrowolalm, nonamba pimba und vivrava.

Hipru 6:18

Honamba mana vema samblava, es eva weihaloh vrowolvav. Sesoava es eva dasalmba ovov, nonamba himba ishovnamba moamba, wo es eva himba dasalmba ovov, nonamba himba pemokaltha ovravnamba. Honamba mana vemava samblava pimba numhowol evev, henoi men ambvm Sesoaindam, nouwalm. Himba deiswilv pimba, nengviluwuvulm, nom hev ten pim ovrahunnam.

Hipru 7:11

Lohohmomba indhanamba honi vrahunna, sembayang andranindna andraoa wohluhunvra Livaitindiraoa. Heva os hena moarava indhanamba kilumbshuawol venamoa Sesoana novrava, owainonoa. Wo osoa henga mongo prunvna, hemba andra vinilmba. Nom snam kava onginv, men Melkisetekm, snamba owai, Aronmba temba lohnamba, himba sembayang andranindna kuwulalm luhunvna Mosesna novrava.

Hipru 7:20

Osta hevm mendeklinonoa, osva Sesoa pemokalthana vrena, nonamba himba Yesusmba aivongo vevnamba mendekli sembayang andranindrinielmsnamba. Nonamba sembayang andranindrinitovpa hohlo vrowovnamba Livaitindiva, hengava mongova pemokalthanamoa, owai.

Hipru 7:25

Wo noinda himba elsus wohlopshowov, nomba himba temba ambvpa Sesoaindamba heinda. Himba honamba vevav, manara noinda himba elsus wohav lihra, Sesoamba osahmanalm no indhanaindamba, nom henoi ten pepra vevm Sesoana novram.

Hipru 8:6

Wo heva os nomba sembayang andranindna andrava, temba Sesoava Yesusmba vraohnamba, mendeklinonoa, kuvhoav nomba andrava, temba deiswilnamba monglamba sembayang andranindmba Livaitindimba. Wo eva ambo osoa, nemel moamba, noi Yesus ten wulprunnam Sesoanamini hevtindiram, mendeklinonoa, henga kuvhoav kololmba doaraminimba. Wo eva nomba manam manam, pimba nemelmomba temba wulprunnamba, wohkuvhoawol vev doaraminimomba.

Hipru 9:9

Honamba memba lihinv pim daipotamini, wo nomba os nungliv, manimani nis ambo wulpromnav, eva daipotava temba altasengrava wohwuweihimnivpa Sesoamba, owai, sembayangnindmba nomba hevmba kanandhowol vevavmoa, noinda hevpa os ningvav, osva kava mendah indkoklanahonam aevulv.

Yems 4:8

Ambo mumra nihra pepavo Sesoainda, wo eva si Sesoava os yeindava nihrava petheinvavta. Yimba sahaposwonind, wo posvando pevm poramsna. Yimba vev, Sesoam engalm viv, eva pethanindmongo mongawamokot viv mongawulm. Sesvhona vewol viu pevna mongalmangas nengavnangmoa.