Hipru 5:9 - Waris

⁹ Wo os Sesoava hemba englava wuleihawolna, luhunilm pina sembayang andranindna kuwulmsna besalnonoava. Wo himba lopshav monakoklariniva hindm, nom ten henoi hem keknam engivm.

Hipru 5:9 ပူးပေါင်းရင်းမြစ်များ

Matiu 17:5

Pitava mendah ishovna, wo henanam teko hena novpa sowaivmanavna, wo os wohmera vena, wo himba moam hillivna, no tekomerini phovna, hem ishunvna, memba kana ombolnonoa, kava mindnam und wohvev, yeoa yunalm helluvmona venavm hena moamoa.

Lukna Yesusmoa 13:32

Yesus unna, owai, himba kamba muembnavho ambo ovrav. Yeoa ango, os umnu no indhanarinimoa, Yesusva os ona, kava andra vev, tihsongom engalalm, wo indhanamba sishona vewol vevra. Kava ambo eskand andra vevav honamba deti simera, doa imnisi os kava wohvepiavav.

Yonna Yesusmoa 19:30

Wo Yesusva nenamba, wo hev ona, doata, os kuva koavpemnavna, dahavna.

Aposel 3:15

No indhanariniva memba, pimba henambaramba nemelundnamba almba, men pev doa helvakomandhinata. Heva os Sesoava wolaihaphona pokamariniva henga. Kava nonora ahav honamba, kava hena moalamangnind.

Aposel 4:12

Yesusangas mongasal, hengas lopshav indhanamba. Yesus mongasalna nihilla pivva indkumbiva tendona onganamba pethariniva osva avav beswonam. Manara, hemangas Sesoava pusvundthoana, pimba hengamba lopshalmba.

Aposel 5:32

Kava doa nunglina, honamba manimani vevnamba. Wo Sesoasongol honamba yunalmba ambarava wulpulvovna, osmba tanamolnam. Sesoava doa daswolna hevsongolva henomba, temba himba nomba hemba keknamba engivpa.

Rom 1:5

Wo no Yesus Kristusnanangasta, Sesoava vraohna kamba moainalva andrava, loholmba moalamangnindrinielmba. Honamba memba os, deisumbi sihalm indhanam pethanindm indkumbim, osm keknam undnahonam alm, eva temuram keknam wohengalm. Kava vev hona andrava Yesus Kristusna.

Rom 10:16

Noinda kava Pol os ov, Yutanindva mindnam doa hillina nemelmomba, heva os ambo espeta keknamba wohkevrina. Noinda Aisaia os ona, Mendekli, an doava moamba kevrana, memba kava nomba moashulnindva eishunvpa? Aisaia 53:1

Rom 15:18

Kava ata ishovavmoa nomba manimani, memba kava kavpa venamba. Kava ata nomangas ishovra, Kristus noi ten venam kana englana, deisumbi sihalm Yutanindna meisungundm, Sesoam engalm. Himba wohengivna Sesoamba, noinda osra, nomba ka vevna, ishovna, eva vevnam.

Rom 2:8

Wo heva os indhanamba monglava hevmangas duus avramana vev, wo ningvmoa, engalmba moanonoamba. Himba nom lovahkav, hev ten vivm nongas. Sesoava si daswolvav hemba hevna lomothangas ambo wuspronahonam.

Rom 6:17

Nemetva doarava yimba indkoklana andranindilm avna, indkokla yemba wondiavna. Wo heva os pimba umniv Sesoam nona, os yimba lehra, manara, yimba keknam temura wohengiv besalnemelmomba, nomba yemba temba numhowol vivnamba.

2 Korin 10:5

Wo kav vera, manam manam kuvhoawol vera, ten noinda indhanam eiswol vevm, nom kuvhoalm vev Sesoana nowolm. Kava av no nengavnangrava, wo os wohviv, osm indkumbioa engalmoa Kristusmoa.

Vilipai 2:12

Seh, yimba elsus wohengivna kamba. Yimba wohengivna, nonamba kava yemba wonavnamba. Memba honamba mendekli osva, yimba wohengiv kamba daipotava pevho, eva kava oklava avra. Manara, Sesoava doa yemba lopshana, wo noinda yeoa keknam wohnuwi vruwuvm hona andramoa henamoa. Wo eva yemoa eiswol vivm penahonam.

2 Tesalonaika 1:8

Himba si provav suwenahonam senaminiva, hindm nom kinm holothunilm, ten henoi ahnam lovahwolvm Sesoamongo. Wo osoa hev vei, engivmoa besalnemelmomba pivna mendekli Yesus Kristusnamba.

2 Tesalonaika 2:16

Kava sembayang vewuv, osm mendekli Yesus Kristus hev, eva Sesoa pivna aral, si yemba pepeisha vewol evevra, osm yimba undwonam avra, noindam manimani, ten pev vivrivm besalwevsanangas, eva moana eishovram. Sesoava pimba mindnam und vewol vev. Hevna wavrara himba daswolna besal undva pimba, osm si pimba vuhebesalla avav. Wo nomba undva si os wohlohvav yunalm vitivhoahui, wo pimba si undwonamangas avra.

2 Timoti 2:10

Wo ambo heva kava kavmba piapahavra otollinimsna, vralmba kinmba. Kava wohvev honamba, osra nomba Sesoava temba kikih vewol venamba hevtindilm, heoa beswonam ara, nona Yesus Kristusindaoa. Wo himba si avra hemongova beswonamangas yunalm yunalm.

Hipru 1:14

Heva os ovsongolnindva ivtovolva, himba andra viniv Sesoam, wo hev hemba wolawollohv, nom kolvrowolalm, hem nom he si henga lopshavavm.

Hipru 11:40

Manara, Sesoava nengavnangva vrena, mana vemam daswolalm pimba besalmangasm. Wo himba si avav beswonam, wo heva os pimongo mongawulm, Kristusindava.

Hipru 11:8

Aprahamba keknam undnahonam lohmanavna Sesoamba, wo mongawa aong hellena, mongona petharamba galmba domba, Sesoava temba doarava wohomnanamba, vraholmba. Himba hevna pethamba wuleihalahaphona, himba hevpa mendah tit vevna, osmba hem kava gav?

Hipru 12:2

Pioa ambo naongla vrelohra Yesusmangas. He pinamba keknamba undnahonamba almba sonovhueinna, wo himba pimba vinvna, osm keknam ara hevna velgona. Yesusva kinmba guana, krusera wikleihivnam. Wo heva os himba wohvravna louva krusesrava senamba louhui. Manara, himba nengna, ona, Sesoava si kamba indk vethalmba vraohvav sewonam. Wo daipotava himba Sesoana nihanasis king kuwulna vuheramsna av.

Hipru 2:10

Sesoava manam manam hengas vena, wo hena hevelm wohlohv. Wo noinda himba lehra undva vrena, indkumbimba hevna towandalmba wonalm vev hevna kembellam hevna pusambanakambara. Sesoava doara undva vrena, osva Yesusva si indhanamba lopshavav, heva os hevpa si kinmba nihsesoanahonam vravav. Wo no nihsesoanamba Sesoava engla wuleihawolvna, henomba temba kuwulva deisumbingavpa indhanamba monakoklarininapenamba senakembellamba.

Hipru 2:3

Heva os nemel moanonoava, pimba nonamba lopshalmba, mendekli hevm. Wo noinda osva tanam pimba si kinmba vrivra, pivva osva allava, ovra, owai, ambo gekala uv honamba. Yesus mendekli hev honamba nemelmomba seilva ishona, monakoklarinimba lopshalmba, wo moalamangnindva nomba temba hemba hella vrivnamba, pim indkumbim wohlihalm vinna, osm hona lopshalmba monakoklariniva tanamolnam.

Hipru 9:12

Kristusva sihana Sesoaindamba mongawulmangas, wo himba englanamba lungi sihanamoa memena tovol, eva sapi otolna tovol, osva nemetva temba sembayang andranindna kuwulva velvohvnamba. Himba hevm hevna nihm kihopiana hevna tovolna. Himba sihana Sesoaindamba, pim kilumb shuawolalm, ambo osangas honaoa lotholohvra yunalm yunalm.

Hipru 9:15

Noinda Kristusva nemel wulprunna moamba Sesoanaminiva hevtindimba. Hindmba nomba temba Sesoava kekaiv venamba, doa hemba wohlundthoav awothowolnangas, os doara Sesoa hev ten ovrahunnam. Honamba awothowolva si yunalm wohlohvav. Himba si os wohavav yunalm, manara, Kristusmba dahana, osm indhanamba temba avnamba doaraminimonamba, himba hemba si kilumbshuawol vevav.

Hipru 9:28

Wo eva osta Kristusva himba hevmba mongawulm holvoraohna Sesoamba nihnahonam, indhanana indkoklam poswol vinilm. Wo himba henga si sismba provav, heva os indkoklamba poswol vinilmba owai. Himba si provavpa hengava, wohlopshalm, nom ten henoi nengvilivm hem.

1 Pita 1:22

Daipotava doa yimba pevmba dendalalmangas weihaloh vreprana, mana vema kethahui. Manara, yimba wohengivpa moanonoam. Daipotava yimba doa und vewol viv pevna mongawa Kristusnindm. Undnahonam und vewol vivm monglamoa pevna undnahonam.

1 Yon 5:20

Wo eva pivva henga nonora av, osva Sesoana ombolva doa prona, wo doa daswolna nowolva, nonoramba almba. Daipotava pivva doa liheiv Sesoamba, nomba temba avpa Sesoanonoa. Wo pimba doa wohpepavena nihnahonam Sesoamongo, eva ombol Yesus Kristus. Himba eva Sesoanonoata, wo himba plalva, osva pimba wohavav yunalm yunalm.

Yut 1:21

Elsus yeoa nengavnangoa vrivm, osoa Sesoava kamba mindnam undalm vewol vev. Wo nengviluwuvm mendeklim Yesus Kristusm, himba si provavpa, pim wavra vovhueinilm, nonam yunalm wohalm.