Hipru 3:7 - Waris

⁷ Hillu, pioa daipotaoa engalvohra Sesoasongolm. Himba os ona, Daipota hillu, nom ten Sesoa ishunvm yem.

Hipru 3:7 ပူးပေါင်းရင်းမြစ်များ

Matiu 17:5

Pitava mendah ishovna, wo henanam teko hena novpa sowaivmanavna, wo os wohmera vena, wo himba moam hillivna, no tekomerini phovna, hem ishunvna, memba kana ombolnonoa, kava mindnam und wohvev, yeoa yunalm helluvmona venavm hena moamoa.

Matiu 22:43

Yesus unna, lehra, heva os Devitmba Sesoasongol wuhmoh ovravna hemba, wo himba ona, Kristusva si kana mendekli lohvav. Nomba moamba Devitnamba men novol velohv os,

Makna Yesusmoa 12:36

Yimba nonora, doara Sesoasongol no Devitna nengavnangm otuhtna, wo Devitva noinda novol vena os, Doa Sesoa kana mendeklim ishomnav Kristusm, os yemba kava mendeklielm pusvundthoav kavna nihanasis, osm kav men lohvm, wo si ungundmba yenamba ka engilinvav, yena keusingi lovahmanavav. Buk Song 110:1

Yonna Yesusmoa 10:16

Wo kanamba monglava sipsippa lovahv, heva os hona pueilmerava owai huiva. Wo kaoa hemoa wonproita eva. Himba si eva hillivrata kana moalamangmba, wo osva si lohvav, mongal sipsiptindiva, mongal kekalvhonindrini.

Yonna Yesusmoa 10:27

Kanamba sipsippa aong velvohv kana moalamangmba. Kava lihawol vev hemba, wo himba kamba wohengpetv.

Yonna Yesusmoa 10:3

Wo indhanariniva nomba tuvpa kekalvho vrowovrava, hemba velaihamnavra tuvpa. Wo sipsippa hillimnivra moalamangmba no kekalvhonindrininamba. Himba wonewol vevra hevna sipsipmba, nihilm indakondakonda sevelunvra, wo os himba deisumbi lohmana vevra hemba.

Yonna Yesusmoa 5:25

Kava ishunv yemba tanam. Doa nambaiva mura vev, wo doa phona, indhanamba temba sihanamba, himba si hillivra moalamangmba Sesoana ombolnamba. Wo himba nomba si hillivrava, himba si undna beswonam avav.

Aposel 1:16

seh, Sesoana tombaimorava Sesoasongolva ishovna Devitna moalamangra, osmba os si vevav. Sesoasongolva ishomnavna Yutasm, mongo pivrini, himba manimani mongawulm pimongo vivna. Sesoasongolva os ona, Yutas si deisumbi sihavav, Yesusmba ungundva kevralmba. Sesoasongol doara heva ishona, wo pimba doa men nunglina pivna novnamba.

Aposel 28:25

Wo hevm di alhue, wo monglava Yutanindva doa phopialm vivna. Wo heva os Pol henga mongmom osivrinna hem, Sesoasongolva ishunna moanonoa pina simbehumunna Aisaiana moashulnindrinina moalamangra. Wo nomba moamba yem prunv,

Aposel 8:29

Wo Sesoasongol omnana Pilipm, garava, no karisram di murapeta lohvhoa.

Hipru 10:15

Sesoasongolva eva ishunnata pimba honamba. Seilmba himba os ona,

Hipru 3:13

Heva os sia okomba nonam nonam, yeoa pevmoa suwenamandna ovrevm. Vewuvm honaoa ambo elsus. Akolvra vevm, osm mongova yeriniva si homeis puehalnindrinielm lohvm, wo und koholotho vrevm, manara, sahaposwona bumbrisilla. Ata yimba os maim nengvra, mani eva lohv honindava? Heva os Sesoava yemba mendah nengvewolowov.

Hipru 3:15

Sesoana doaramini tombaimorava os novol velohv, Deti hillu, nomoa himba temba ishovpa. Manam yemba alhwol vevra, osva nemetva temba nonamba yenamba simbehumunpevpa meisva sahonamba hehara omnavnamba sesmba Sesoamba. Buk Song 95:7-8

Hipru 4:7

Wo doa Sesoa nengavnangm sesvho vrevna mongnanamba, os sevriv, deti. Himba ishona detimomba doa doara heva nemet Devitnana. Noi mongal tombaimomba, nemet ten kav yem ishunim. Detiva hillu, nom he ten ishovm. Manam yimba kelsombovhova vivra. Buk Song 95:7-8 Hona moarava pimba nonora av, daipotava pinamba mendah tuvpa velaihaluhunv, Sesoana ehavhoramba saivolmba.

Hipru 9:8

Sesoasongol honamba vrinv pimba, nethalmba, osmba nonamba nomba lairduvpa mendah lohvna, monamba owai lohvnamoa, osmba pivva saivra kamar kuloholnonoaramba, Sesoaindamba murapetamba.

2 Pita 1:21

Mongova owai, moashulnindriniva os nengv, isholmba. Heva os indhanariniva ishumniv Sesoasongolnana, isholmba moamba Sesoanamba.

Poaitamoa 3:20

Hillu, men kava, kava tuvrava lohv, wo vendawov tuvm. Mongova helletava kana moalamangmba, wo tuvpa velavhoatava, kava si siharava, inne enevra hei. Wo himba si kai enevra.