Hipru 3:13 - Waris

¹³ Heva os sia okomba nonam nonam, yeoa pevmoa suwenamandna ovrevm. Vewuvm honaoa ambo elsus. Akolvra vevm, osm mongova yeriniva si homeis puehalnindrinielm lohvm, wo und koholotho vrevm, manara, sahaposwona bumbrisilla. Ata yimba os maim nengvra, mani eva lohv honindava? Heva os Sesoava yemba mendah nengvewolowov.

Hipru 3:13 ပူးပေါင်းရင်းမြစ်များ

Aposel 11:23

Barnapasva besal indhanarini lohvna Sesoasongolnana, eva keknam undnahonam wohlohvna. Nonamba himba phovnamba Antiokrava, wo nongalv, osva ona, os Sesoava awothowol vena hemba, wo himba und kanandhana. Wo himba henga hena nengavnangmba tuhowol ovunna Antiokrava. Hev unna, yimba manam kivrawuliha vrivra, almba undnahonamba keknamba. Elsus wohengivm mendeklimoa pevna undnahonam. Nonamba indhanamba mindnam pelpethavna mendeklitindilmba.

Rom 7:11

Nomba kana doaramini undva indhanarinimsna lohvna, wo monamba silelvna, kam indkokla vrelm no lohohmona, osm dahara.

Evesus 4:22

Yemba numhowol vivna, wuleihalm pevnam doaraminim undm, wuleihu almoa osmoa, temba pevpa nemetva avnamba sahonamba. No doaramini indkoklarata mindnamba wohindkokla vilonata, manara noinda indhanamba plel vena mana vemakoklara, himba yunalm vewuvmona velm vivna.

1 Tesalonaika 2:11

Yimba nonora av, kava popeng vewol vivna yemba, os ten aral vewol vinvm hevna otolm.

1 Tesalonaika 4:18

Wo doa yeoa eishoraohvm henom, henom hona moaoa indakonda indkumbimoa, apishapisha vevm pevmoa.

1 Tesalonaika 5:11

Wo noinda osva yeoa moaoa besal eishunvm henom, henom, apishapisha vevm pevna mongawa Kristusnindna undmoa keknam, os ten daipota pev vivm.

2 Timoti 4:2

Wo noinda osva yeoa keknam wohloho, ishomana vinilmoa besalnemelmomoa. Yimba ambo osangas plasra aka vevra elsusva. Osva ovra, himba nomba hellemba owai viv, eva osva ovra, himba nomba hellelm viv. Novnavhora numhowol vevm, heva os taivwonam ambo. Ishunvm indhanamoa, nom hev ten ningvm velm, ishunvm, nonamba himba indkokla vivnamba, wo suwenamandna vewol ovovm hemoa.

Hipru 13:22

Seh, kava yemba os ninginv, keknam beswonam hillivm hona moam, men kav novol vinvm yem, suwenamendna vewol ovolm. Wo heva os honamba memba tombaiva hutemothol, mani tokolma.

Yems 1:14

Heva os und heva hev ambo phowol vev, indhanarinimba mana vemaramba eiselmba. Hevna und desvulohmana vevra, wo wohkek vethavra yunalm hemba.