Hipru 13:8 - Waris

⁸ Yesus Kristusva eva osta luhunv pimba, om, detim, wo osangas yunalm.

Hipru 13:8 ပူးပေါင်းရင်းမြစ်များ

Stat 21:33

Doa Apraham ti endhana di pora murapeta Bersepara, doa Yawem sembayang vemnana, ona, yimba mendekli, yimba si wuleihavavmoa.

2 Korin 1:19

Ka, Sailas, Timoti, kava yemba doa eishoraohna Yesus Kristusna moamba. Wo yimba nonora pev av, osva Kristusva osva owol vevmoa, osva tanam, tanamta, eva owai, owainonoa. Himba osangas owol vev, tanam, tanamta. Manara, himba mona, Sesoana omokalthamomba heinam prov, wo nomba henaminiva vevpa, piinam prunv.

2 Korin 1:20

Sesoava doa pimba ovlahinna moamba mendekli. No Sesoana moarava Kristusva osva olohv, tanam. Noinda nonamba pimba Sesoana moamba hillivpa, pimba Sesoam os umniv, tanam, Yesus Kristusina. Wo pimba Sesoana nihilmba opivolv.

Hipru 1:12

Yimba si pepetowolwolvav kayen tokolmsna. Yimba si vewolwolvra pikianmsna, nomba vethavra, nomba selvlahavra. Wo heva os yimba pevmba es eva weihaloh vrevav? Wo yenamba almba yunalmba si huti vevavmoa. Buk Song 102:25-27

Yems 1:17

manimani memba beswonamba phovpa, wo manimani besalva Sesoanamini phov. Honamba manimani besalva phov nomini, ten Sesoa venam okombam, weism, paim. Sesoava ambo nis daswolv, wo himba hengava weihaloh vewol vevmoa, himba snamba owai, oi mana vemana aenisongol, temba osva hutel lohavpa, henga tokol lohv, owai.

Yut 1:25

Hengas Sesoava. Hengasta, he lopshav pimba, Yesus Kristusna andranamba, pivna mendeklina, wo pioa hena nihilmoa okolalohra. Heoa wohavra minindrini king kuwulalmba, wo wulav mendekli keknasowolva, wo himba osva manana manana kuwul wulluhunvra. Vena, nemet doara, eva daipota men, himba ambo osangas wohav. Wo himba si osangasta sewonamba yunalm wohavra. Tanamta.

Poaitamoa 1:11

Nomba moalamangva os opiavna, novol vewol veo nomoa, memba yimba nonglavpa, wo dembhanga vungu vinvm tombaioa nooa no 7pelaram Kristusnindm hindm nom, hindm nom indakonda, Evesuskotanindm, Smernakotanindm, Perkamumkotanindm, Taiatairakotanindm, Sartiskotanindm, Pilatelpiakotanindm, eva Laotisiakotanindm.

Poaitamoa 1:4

Yonnamini nom 7 pelaram Kristusnindm, hindm nom, hindm nom, indakonda yem Asiaprovinsnindm. Sesoa, henoi ten avnam, eva lohvm, eva si provavm, heoa yemoa wavra vovhueinvrava, wo os yimba undwonamba avav. Wo eva Sesoasongolva, temba wohavpa murapetava Sesoana king kuwulna vuherava, heoa yemoa wavra vovhueinvrava, wo os yimba undwonamba avav.

Poaitamoa 1:8

Mendekliva Sesoava os ona, kava tamol eva brol. Ka honi anam, eva lohvm, eva si provavm. Kangas memba, manimani kanapopol vilov.