Hipru 11:7 - Waris

⁷ Hevna undnahonara Noava hellena Sesoana ongawolmomba nomba, osva manam manam mendah nonglavmoa. Himba wohengvna Sesoamba, wo bot mendekliva kueindinvna hevna ongatowondalmba, hemba lopshalmba. Osva himba museram amballam pethanindna wevsam wulphunvna, osva doa sahoklal av. Wo hevna undnahonarava, himba nilhavna sna indhanarinielm, ten lehrangas lohvm Sesoana novra.

Hipru 11:7 ပူးပေါင်းရင်းမြစ်များ

Stat 19:14

Kembelnindrini samblamba, nomba doara pusvundthoawulna Lotna mol samblamba, si honi evrowolmanavav. Doa Lot ganamba, unna, ehellatok, ata Yaweva yemba kembelnindmba kelvapiangavav, lelnam engo. Doa ehellenamba, Lotm ohomnana, yimba dasalm ov, wo owai evena.

Stat 6:13

Doa Sesoa Noam omnana, doa kava vevav, wo indhanamba si hemba wohsihavav. Himba ahalvamana nakra aevulv, beswonamba owai, noinda kava yunam wohkelvapiangalm vev pethanahonam.

Stat 6:22

Wo os vena Noava, Sesoa hev ten omnanam.

Stat 6:9

Noana moamba os lohv. Ombolva samblamong os phomnana, nihilva Sem, Ham, Yapet. Noava indhanarini besal, wo hevho besal lohvna Sesoana novra. Wo himba Sesoam mongawundna amana venavna.

Stat 7:23

Wo os Yaweva kelvapiangana nonamba, wo heva os Noatatanangas beswonamba wonavna botmerava, tatana tuawana wonvevna.

Stat 7:5

Wo Noava osoa vena, Yawe hev ten omnanam.

Stat 8:16

wonpihao botrinioa, pev ongapev towandpev kopev.

Matiu 2:12

Doa osva vepieinamba, henga angalm vevna himba. No sinimba inungpunungra Sesoana moam hillie, unna, manam yimba hengava Herot kuwulindamba angavav, owai, manam yimba ishumnivav hemba. Doa os angana weilmonam hevna petharam.

Matiu 24:15

Sewonam yimba katindiva si nunglivav, mana vemava sahoklalva Sesoana moainal vuherava tempelmerava. No mana vemakoklava, nemet doara moashulnindrini Daniel novol vewol venam. Sesoava si os ovav, owai, sahoklal. Himba nomba hona moamba tombairiniva nunglivrava, beswonam ningvm, plalm beswonam velokusa vivm pevm.

Matiu 24:25

Kava yem ishunv kavna nemeltindim daipotava, yeoa hillivm, yeoa pevmoa kokolma avramana vevm. Yemba no moangakalanindva osva unvrava, Kristusva doa proi sungeitrava, manam yimba hilwilvav. Himba os untava, men hovra kethalohv, manam yimba hilwilvav, owai.

Matiu 24:38

Hona indhanamba indwonam vaomana velavna, inne nevna, onganung vevna, indwonam anonglakaka vevna, nonamangasta himba maim vivna, Noava wonsihavna sip mendeklirava.

Matiu 3:7

Varisinind eva Satusinind, himba keknam wohengivna sembayang wevsam, wo himba nonglalm ambna Yonm. Kam ambo poswol veo pona, hev umnina Yonm. Yon unna, yimba sahoklal, an yemba unna, homba kaindamba ambalmba? Yimba os ningvma, kava si beswonamba lovahvav, sewonamba Sesoava lesvhoawol vevrava indhanamba, pimba si os beswonam avav. Owai, yimba ambo dasalm vinv, kava tanam kavmba weihaloh vewol viv.

Lukna Yesusmoa 17:26

Yesusva mendah ishunvna hevtindim, kava si prolmba vevrava, kava nungi lelnam si phovav. Os ten Noa nemet pueumbm nengvlomana venam. Nonamba indhanamba manam ata onengvhuta, ambo indwonam aevvna, inne ongases noi vewuvmona vevna. Doa Noava wonsihavna siprava, doa pueumbva nomba indkumbimba wohmera vena, wo hemba mueisowa vilona.

Rom 1:17

Besal nemelmomba novpa wolaihav, osmba ora, os Sesoava indhanamba nengsmoa ov, indhana windel. Pioa hemoa undnahonam amnara, wo osva himba pimba nengsmoa ovra, indhana windel. Hona monarangas pivva si lehrava avra hena novrava. Os ten doaramini tombaira novol velohvm, Indhanamba nomba undnahonamba amnavrava Sesoamba, si himba os nengsmoa ovav, indhana windel, wo himba si osva yunalm wohavav. Habakuk 2:4

Rom 10:6

Heva os Mosesva hevpa eva os onata, monamba eva mongova lohvta, keknamba amnalmba Kristusmba, osm beswonam alm Sesoana novrava. Os novol velohv, Manam uvra yimba pevmba, osva an si vongavav senakembellamba? Nomba temba osm, an si vongavav senakembellamba, suwihalmba Kristusmba, wo waipihavra homba petharamba?

Rom 3:22

Sesoava indhanamba nengsmoa ov, indhana windel, hevna undnahonara, ten hev amnavm Yesus Kristusm. Honamba memba tanam indkumbimba, nomba temba keknamba undnahonamba amnavpa Kristusmba. Vei piv Yutanind, eva ungund, pinamba mongasal monamba luhunv.

Rom 4:11

Aprahamba Sesoam undnahonam lohmanavna keknamba, wo sism henamba hutovpa kovhueimnina, inethalm, osm Sesoava hemba doa nengthana, indhanarini windel. Noinda hevna hutov kovhoalla, nonorava avav, osva himba indhanarini windel lohv Sesoana novrava hevna undnahonara. Wo noinda osva indkumbiva yimba Yutanindna meisungundmba, yimba nomba temba keknamba avpa undnahonamba, wo heva os yimba mendah khui pevnatovna av, wo Aprahamba simbelmsna luhunv yenamba. Wo noinda he simbelmsnamba luhunv indkumbimba, nonamba temba keknam amnavpa undnahonamba, wo Sesoava hemba indhana windel, maim nengsmoa ona.

Rom 4:13

Sesoa Apraham eva hevna umbeindpolm moamba ishunna, osva he si wohvaohuthuvav pethava vavawonamba. Wo heva os Sesoava Aprahamba nonglanamoa, osva himba Mosesna lohohmomba engvpa, wo noinda himba hemba nomba moamba vraohna. Owai, Sesoava hemba vraohna nomba moamba, manara, himba indhanarini windel lohvna Sesoana novrava hevna undnahonara.

Rom 9:30

Wo manam hevpa honamba memba onengvna? Memba onengna honamba, osm Israelnindna meisungundva himba lihvnamoa, osmba ora, kava lehra av Sesoana novrava. Wo heva os Sesoava doa hemba nengsmoa ona, indhana windel maimba, manara, noinda ten hev keknam undnahonam amnavnam.

Galesia 5:5

Sesoasongolnapopol pivva undnahonamba amnav Sesoamba, wo pimba nengviluwuv hemba, osm pimoa indhana windel maim nengsm ovra.

Vilipai 3:9

wo kava hena wohlohv daipotava. Memba daipotava kava lohvpa helmba, kava lehra windel lohv Sesoana novrava, wo honamba phovmoa mongona Mosesna lohohmoriniva. Sesoanamini phov kavna undnahonarini. Kava Kristusmba undnahonam lohmanavm, wo Sesoava kamba noinda osva nonglav, windel hevm.

Hipru 11:1

Undnahonamba osm uv, keknam amnavm manam manam, nom ten piv ningvm, Sesoa ten hev ovrahunnam pim. Wo undnahonam vei, osm levrapivolalm, nom manam manam, ten piv novna nonglam owai vivm, nihnamolnonoam.

Hipru 12:25

Wo doa novnavhora vivm, manam yimba aongva nukun vewol vivra, nonamba Sesoava ishovrava. Tomonalva kongswul vevna, hellelmba hemba, nonamba Sesoava hemba ongawolvnamba petharava. Wo Sesoava kinmba plothunna hemba. Daipotava Sesoava ongawolvna pimba senamini. Osrava mana vema si pimba ongolohvav, pivva aongva nukun vewol vitava, pimba si esvema vinvra kinmba.

Hipru 5:7

Mendahva huiva petharava Yesusva avnamba, himba wenamona mindnam sembayangmba vevandnam velohmanavnam aralmba. Ona, ara, kam lopslaho, kamba dahavavmoa. Wo hena sembayangmba wohhellangas vevna, manara himba ambo os ona, Sesoa, kava owai, mana vemava memba yimba kamba velmba venavpa, ambo yeinda lohv.

Hipru 8:5

Wo andrava nomba himba temba vildavpa petharava, ambo lihvriv nom sembayangduvnonoam, ten senakembella lohvm. Wo nonamba Mosesva velmba vevnamba Sesoana lairduvmba sembayangdamba, Sesoava hemba ongawolana, omnana, Ambo novnavhora vevm nomoa manam manam, yemba temba kava nethamnanamba nengavnangva diva doarava Sainai olorava. Kisim Bek 25:40

1 Pita 3:20

Noi indhanasongova himba Sesoana moamba pilpikovvna nemetva, nonamba Noana novrava. Heva os Sesoava lilnamba hemba indkokla vewol venamoa, Sesoava nengvewolavna no sahoklarava hemba, nonamba Noava mendahva botva kueindvnamba. Wo doa ambo eskand indhanamba 8pelara hemba nowana, botmerini pueumbriniva.

2 Pita 1:1

Simon Pitanamini, andranindrini, eva moalamangnindrini Yesus Kristusna. Yem hindm, nom ten ye amnavm undnahonam Sesoam kamongo. Pinamba undnahonamba nonamba almba, hevm besalangas. Yimba undnahonamba av, noinda pina Sesoava Yesus Kristusva wohlundthoav, eva wohvev, nomba ov, memba lehra. Himba eva pina lopshalnindrini, wo noinda himba yemba daswolna, hevmba undnahonamba almba.

2 Pita 2:5

Wo Sesoa bui vewol vena sahaposwo indhanamba, nomba doarava temba anamba. Himba pueumbna kelvapiana annindm annindm yunalm, indhanamba nomba himba temba Sesoamba indkokla vrivnamba. Heva os Sesoava venglahawol vena Noatatanamba honamba 8pelara. Noava no indhanarini, himba wulluhunvnam moam nom, dendalangasm alm Sesoana novram.

2 Pita 3:6

Wo sism henga pueumbva lehra vethangavna vavawonamba pethamba, wo pethava wohindkokla vrena.