Hipru 10:7 - Waris

⁷ Heva os kava os ona, Sesoa, nonglo, kava men prov. Men novol velohv kamomba tombaira, Kana Sesoa, kava doa prona, velmba, nomba yimba temba nengvpa. Buk Song 40:6-8

Hipru 10:7 ပူးပေါင်းရင်းမြစ်များ

Stat 3:15

Yemba kava os venav, yimba ungevlirinina ungund, eva ungevliriniva yena ungund. Eva kava verava, yetindiva muskonam vinvra hona ungevlirinina towandmba, si yenam osangas yunalm. Honamba ungevlirinina towandalliniva si yemba nonglavrava, si yena kumba singthavav, wo yimba si hemba monglaval kangthovav.

Yonna Yesusmoa 4:34

Doa Yesus unna, kanamba innemba, nom velm, henoi ten hom kam wolaihapranam, manam manam henam velm. Kanamba innemba, lelnam vipialm andram, nom hev ten vraohnam kam velm.

Yonna Yesusmoa 5:30

Yesusva mendah ishunvna Yutanindna kuwulm, kava es eva vevav mana vemava kavna nengavnangnamba, owai. Kava nomangas wohengv, ten kam omnanam velm hev, wo noinda kanamba lesvhoawolalmba lehra lohv. Manara, kava kavna nengavnangnamba vevmoa. Kava osm vev, heoa und lothora, temba himba kamba wolaihapranamba.

Yonna Yesusmoa 6:38

Kava holvopena senaminiva, velm nom, kam Sesoa nengmanavram, nom velm. Kava osmba pronamoa, vevra manimani ambo kavna nengavnangna.