Hipru 10:5 - Waris

⁵ Noinda osva nonamba Kristusva provnamba petharamba, hev omnana Sesoam, Yimba nengvmoa, osva tata lu, noi kam wuweihimnu, weisumblololm suwera. Yimba nengvmoa, osva kam dambroh vivm innenna. Heva yimba kam kikih vrena nihm, yem engalm.

Hipru 10:5 ပူးပေါင်းရင်းမြစ်များ

Stat 3:15

Yemba kava os venav, yimba ungevlirinina ungund, eva ungevliriniva yena ungund. Eva kava verava, yetindiva muskonam vinvra hona ungevlirinina towandmba, si yenam osangas yunalm. Honamba ungevlirinina towandalliniva si yemba nonglavrava, si yena kumba singthavav, wo yimba si hemba monglaval kangthovav.

Lukna Yesusmoa 1:35

Doa ovsongolnindriniva henga omnana, Sesoasongolva yemba si ehlathamnavrava, wo Sesoa senaminiva yemba poauothovav. Doa osva yemba si ena vethavav, otolm lenge tuendisrinim. Wo noinda Sesoava si omnavav, kana ombolva, besal.

Lukna Yesusmoa 7:19

Doa Yon Baptaisva hellenamba, wo hevtindirini samblam wolanga vena, ona, yeoa engavm, Yesus mendeklim os ohosahmano, es hevpa yimba Kristusnonoa lohvma? Nomba indhanariniva temba osva umnivpa, si provav. Doa Yesusna moaoa kam henga wulepramno. Yesusva Kristusnonoava owaingava, pimba henga dawonam si aevulmanavav Kristusnonoamba.

Yonna Yesusmoa 1:14

Honamba Sesoana moamba nilhana indhanarinielm, wo kamongo himba mongawulm aevulvna. Kava nunglimnivna hena pusambava, osm himba mongasal ombolva Sesoana arana. Hemba wolaihaprana petharam, wo hemba pilivhoawol lohwolv, vei, wavrana eva moanonoana.

Galesia 4:4

Heva os nonamba Sesoava nengvnamba, Sesoa doa hevna ombolmba wolaihaprana petharamba. Hena ombolmba Maria lengna, nonamba mendah lohohmomba kamba Yutanindmba sising viavna. Wo heva os no ombolva wohengvna lohohmomba.

1 Timoti 3:16

Yimba puerati vretava, pivna undva sembayangnamba mendeklielm. Himba doa indhanarinielm nilhana, pimba doa nunglina hemba. Sesoasongolla osva liheina, henamba wevsava tanamolnamangas, wo nunglina ovsongolnindva. Wo hena moanamba annindm annindm os numhowol vewuvmona vevna, nom Yutanindna meisungundm. Wo pethanindva hemba keknam undnahonam amnavna, wo Sesoa waivongana senamba, wo nihilva himba mendekliva vravna.

Hipru 1:6

Wo nonamba Sesoava hevna yiveltowondmba ombolmba waiprovnamba hona petharamba, himba os ona, wohposvhoara yunalm Sesoana ovsongolnindoa, hemba okuluvmona velmba.

Hipru 10:10

Yesus Kristusva wohvena, nomba temba Sesoava nengmanavnamba, hemba velmba. Wo noinda honamba pimba kilumbshuawol vena, osm Sesoanangas avra, hevm he ophonam nihnahonam. Kristusva hona andrava vena mongawulm, wo yunalm wohloholm.

Hipru 10:7

Heva os kava os ona, Sesoa, nonglo, kava men prov. Men novol velohv kamomba tombaira, Kana Sesoa, kava doa prona, velmba, nomba yimba temba nengvpa. Buk Song 40:6-8

Hipru 10:8

Hona doaramini Sesoana tombaimorava, himba seilmba os oi, yimba nengvmoa, osmba tataoa kamoa suweramoa wohwuweihimnu, eva innennaoa kam dembraho. Yimba nengvmoa, suweramba sengalmba, nonamba indhanamba kilumbshuawol velmba. Honamba andrava memba Mosesna lohohmona moara, heva os Kristusva doa nemelm pulphona wevsava.

Hipru 2:14

Nom otolm maimba Yesusva temba unvna, mundilm tendona onganam, hevna nihilnahonam men avnam. Wo Yesusva eva hevpa osta nilhanata, nihilva snal ilohvna, ten he avnam nona. Himba honamba osm memba vena, hemba dahavav, wo hona monana himba indkokla vrevav indhanarinimba, henamini phov, osmba vev, os gav, os gav, indhanamba dalalmba. Himba nomba yunam Setan.

Hipru 5:7

Mendahva huiva petharava Yesusva avnamba, himba wenamona mindnam sembayangmba vevandnam velohmanavnam aralmba. Ona, ara, kam lopslaho, kamba dahavavmoa. Wo hena sembayangmba wohhellangas vevna, manara himba ambo os ona, Sesoa, kava owai, mana vemava memba yimba kamba velmba venavpa, ambo yeinda lohv.

Hipru 8:3

Indkumbina sembayang andranindna kuwulna andrava luhunv, himba dambroh vev indhanana innemba besalva Sesoam, eva tatasowava wohwuweihamnavna, nonam indkoklam maisasa vewol vinilm. Wo eva pina sembayang andranindna kuwulmsnaoa eva os venarata Sesoamoa.

1 Pita 2:24

Kristusmba dahana krusera, wo hevna nihsesoana himba pimba kilumb shuawol vena pivna indkoklariniva. Himba honamba memba osm vena, pioa doa wuleihalohra, Sesoam indkokla vrelmoa, dendal alohra. Osm lehna, himba pimba sishona vewol vinna hevna wosavana.

2 Yon 1:7

Hello, esvema doa kekel vethana hona petharava gurudaspolva daipotava. Himba ishuvmoa, osva Yesus Kristusva prona petharamba, wo indhanarinielm nilhana. Himba memba gurunonoava owai, wo avra Kristusna ungundalm.