Aposel 26:2 - Waris

² Hev ona, King Akripa, kava ata esesm opla vrowol vinvra, nomba kinmba Yutanindva kamba ohuhlimnivnamba. Wo kava os nengv, memba besal lehra hevm, osmba kava ata ishovra yena novra detiva.

Aposel 26:2 ပူးပေါင်းရင်းမြစ်များ

Matiu 10:19

Nonamba no indhanakoklava yemba kekaiv vivrava, yemba wetatmomba wonisholmba, manam yimba duus vivav, manamoa ata kava ishunvav no indhanamba? Owai, Sesoasongol yena nengavnangrava si ishunvra, os unvm hemoa. Yimba os ishuvra, mani pevna nengavnangnamangasma, si Sesoasongol ishunvra yena nengavnangrava.

Lukna Yesusmoa 12:11

Yemba katindimba, si sism indhanamba yemba wetat owol vivav sembayangna kuwulinda eva duanginda, himba Yesustindi. Wo heva os manam yimba mindnamba duus vivav nonamba, es hevpa pimba ishunvav? Owai, Sesoasongolva nonamba yemba otuhowol vevav, os ishunu no indhanamoa.

Lukna Yesusmoa 21:12

Honamba si phovav pethara, heva os seilmba yemba si indhanamba kekaiv vivav, kin huhlinvav. Yemba si sembayangduvra wetat vewol vivav, doa hukumda wolasuv vevav. Yemba duanginda wetatmomba ishunvav, Yesustindi. Heva os manam yimba duus vivav, ishunu kana nemelmom.

Aposel 25:26

Heva os kava eva manamoa tombairava novol venavav, pingamnalmba Sisamba? Kava doa hulvundthoai yena indkumbina novra, vei, ye King Akripa avna. Kava os nengv, yimba sah ovravav hemba, wo yeoa kam dembraho no moaoa, novol velm tombairam.

Aposel 26:1

Wo doa Akripa omnana Polmba, wou, ye eva ishotok, pevm nonam dandana ovralm. Wo Polva hevna engla lionamba, ishunvna.

Aposel 26:19

Polva mendah Akripam ishomnavna, os kava Sesoana andrava vevna. Hev omnana, king Akripa, kava nonamba nonglanamba inungpunungramsnamba senakembellinimba, kava keknam wohengv.

Aposel 26:26

King Akripava wohlevrapiana mindnam manam manam honamba. Noinda kava temura wohvelokusathamnavna hemba. Himba doa doara wohhellena honamba manam manam, manara honamba Yesusmomba poaitava lohvmoa.

Aposel 26:3

Kava indk vethav, yemba ishomnalmba, noinda yimba nonora wohluhunv mindnam kana Yutanindna wevsamba, eva nom ten kav Yutanind noina ahaiwo ahavm. Wo noinda kava yemba osva nengmanav, beswonam temura hellevm kana moam honam, men kav yem ishomnavm.

Aposel 26:7

Honi memba moamba, ten 12pelara Yutatindinind ningvnam, Sesoava si osangas vevav. Hona moarava Yutanindva kana owalva sembayang vinivnamba sia okomba. Kava kavpa eva keknam wohwulluhvta nomba moamba, heva os himba kamba kinmba opluthumnivna noindava. Wo nonawusra kamba himba wetat uni.