Aposel 15:7 - Waris

⁷ Himba nom moam os naengho vrowoloh vrinamba, owai. Doa Pita phonamba, unna, seh, yimba nonora av, nomba temba nemetva doarava venamba. Sesoa pusvundthoana kamba yerinimba, wulluhunilm indhanam besal nemelmom Yutanindna meisnindm. Himba hillina besal nemelmomba kainda, wo himba undnahonam av daipotava.

Aposel 15:7 ပူးပေါင်းရင်းမြစ်များ

Yonna Yesusmoa 15:16

Yimba kamba kikih vrinamoa, ka yemba kikih vewol vena. Wo ka daswolna honamba andrava yemba, bukithengu velmba, movolmba kethapralmba. Kava ninginv yemba, kethapralm movolm, osm noi si yunalmba lohvav. Wo aramba si manimani yemba daswolvra, yimba osihminivrava hemba kana nihilnamba.

Yonna Yesusmoa 3:27

Yon unna, lehra Yesusva nomba temba vevpa osva, manara, Sesoana aralna nengavnangra nomba temba phov.

Aposel 1:16

seh, Sesoana tombaimorava Sesoasongolva ishovna Devitna moalamangra, osmba os si vevav. Sesoasongolva ishomnavna Yutasm, mongo pivrini, himba manimani mongawulm pimongo vivna. Sesoasongolva os ona, Yutas si deisumbi sihavav, Yesusmba ungundva kevralmba. Sesoasongol doara heva ishona, wo pimba doa men nunglina pivna novnamba.

Aposel 1:24

Wo doa moalamangnindva sembayang vinivna, hev umnivna, mendekli, yimba nonora luhunv indkumbina nowolmba. Indthueinu kam, henam mongomba hona indhanarini samblava, yimba mongomba kikih vrena, velmba hona andramba. Yutasva kohosihana hona andrariniva, memba himba vevnamba, wo dom gana, hev di wohlohvho vevnam. Yeoa indthueinu kam, heni si Yutasna vuherava lohvhoavav moalamangnindrinielmba.

Aposel 10:19

Pitava mendah nengewovna nom inungpunungm. Wo heva Sesoasongol omnana, hello, samblamong indhanamba yem aslalv.

Aposel 10:20

Phorava, holapeo windeimondra. Wongao hemoa, manam yimba sah owol vevav. Ka wolapra vei hemba yeindamba.

Aposel 13:2

Nonamba himba sembayangmba vewuvmonavnamba mendeklimba, innemba dawonam wohnongoliheina. Wo doa Sesoasongol unna, kam kihpiewulminu Barnapasim Solim, vaomana evelm kana moainal andram. Kava doara doa hemba kihlahawolna nomba, evelmba.

Aposel 15:14

Simonmba pimba ishuni, oi, Sesoava os nithinna seilnonoava hevna undmba Yutanindna meisnindmba. Himba hemba sowona hevelm, kekaiv vena Polina Barnapasina moara.

Aposel 15:2

Wo heva os Poli Barnapasiva ohovunvna nomba moamba, wo tandwol evena no indhanamba noindava. Wo Kristusnindva indkumbiva ningvna, wolanga velm Poli Barnapasimba mongla indhanahonam Yerusalemram. Di himba daha ihishunvma mindnamba honamba moalamangnindm eva kuwulm Kristusnindnam.

Aposel 15:39

Wo Poliva Barnapasiva sahonam ohononglawolna hevmba noinda. Di momong evewohanamba, indakonda indamonam engawolna. Barnapasva Yon Makm omnanamba, botra waivonganamba, os waingana Saiprusram.

Aposel 20:24

Heva os kava nengvnamoa kavna nihmba. Manara, honi mendekliva lohvna kaindava, kaoa wohvepiara kavna andraoa mendeklinaoa. Kava wohvepialm vevna andram, nom mendekli Yesus vraohnam kam, ishomana vinilm indhanam besal nemelmom Sesoana wavram.

Aposel 21:16

Monglava Yesustindiva diva Sisariarava aevulvnamba, himba nungiangana kamba os. Venamba, di Nasonna deuvra wonpulvona Yerusalemra. Himba hevpa lohvna Saiprusnindrini. Nemetva doarava himba mongo Yesustindirini lohna. Wo kamba wonangana hena deuvram, wo di kava hemongo aevulvna.

Aposel 3:18

Heva os doara heva doa Sesoava ona osva, honamba si os vevav. Himba ishona moashulnindna moalamangra osva, kana Kristusva kinmba si guarava, daha. Wo daipotava Sesoava doa manam manam vewol vena, pepra velm hona monanam, memba Yesusmba dahanamba.

Aposel 4:25

Kana simbelva Devitva yena andranindrini lohna, yesongolnapopol himba ona osva, Manara vavawonamba petharava Yutana meisungundmba indkumbiva wusapramana vev? Manaram himba lehwol ovuv nengavnangva?

Aposel 9:15

Wo heva os mendekli omnana Ananaiasmba, gao, kava doa kikih vrena Solmba, andra mendekliram. Himba kamomba ishomana vinvav nom Yutanindna ungundm, king kuwulm, Israelnindm.

Vilipai 2:14

Vildavm manimani beswonam moahui, manam yimba pevmba alhuvra.