1 Yon 2:3 - Waris

³ Pivva hellellava, nomba Sesoava temba pimba unvrava, velmba, wo osva pimba wiyera avra, osva pivva tanam liheiv Sesoamba.

1 Yon 2:3 ပူးပေါင်းရင်းမြစ်များ

Lukna Yesusmoa 6:46

Yimba indhanamba kamba elsus alv, mendekli maimba, doa heva os owai, yimba kana moamba kek vithivmoa, wo engivmoa. Himba nomba kana moamba kek vithivrava, wo engivrava, himba nomba besal aevulvav. Himba snal lovahv, oi indhanarini temba nengna, kava deuvm velm vev. Doa os himba petha tovawol vevna mindnam, doa milukulva besal di dembhapiha vungavna. Doa sismba pueumbva mendekli pronamba, ona deuvmba viluwulkohana, doa heva os owai, deuvpa keknam wohlohna, wo dalohnamoa, doa pueumbva gapiana.

Yonna Yesusmoa 14:15

Yimba kamba undva vitava, yimba si vivra manimani, nomba temba ishovnamba kava.

Yonna Yesusmoa 15:10

Kava wohhellengas vena kavna arana moamba, wo noinda himba kamba wohund vev. Wo yimba eva vetava osva, kana moamba engitava, yemba kava si und vewol wohvevra.

Yonna Yesusmoa 15:14

Yimba kana sehelnonoa, yimba vetava, osva nomba memba kava ishunvpa yemba.

Yonna Yesusmoa 17:3

Plalva, undva nonapopolmba yunalmba almba, memba osm, indhanariniva yemba lihavra, Sesoanonoava mongal, wo eva no indhanarinim lihavra, Yesus Kristusm, nom ten pev wolaihapranam.

2 Korin 4:6

Nemetva Sesoava os ona, upsil pusamba vethara sikulmeraoa. Noi Sesoava, he pusamba pipisihinna pina undmeramba, osm nunglivra pusambakambam Sesoanam, ten lohvm Kristusna novlomosra.

Hipru 5:9

Wo os Sesoava hemba englava wuleihawolna, luhunilm pina sembayang andranindna kuwulmsna besalnonoava. Wo himba lopshav monakoklariniva hindm, nom ten henoi hem keknam engivm.

1 Yon 2:13

Kava novol vipiprinv yem arahumunm, noinda yimba nonora amnav indhanarinimba, nomba temba doarava wohanamba, eva men daipota av. Kava novol vipiprinv yem tendotowondm, noinda yimba wohkuvhueina Setanmba doa.

1 Yon 3:14

Pivva wiyera av, osva pivva doa wuleihina monamba, nomba temba suwekembellamba dihelgavpa, wo doa phosohna, nemelundnam alm Sesoamongo. Pivva wiyera av honamba, noinda pivva und avramana vev pivna mongawa Kristusnindm. Himba nomba hona und vewolhuiva lohollava, himba mendah wohlohv mindilmsna Sesoana novrava.

1 Yon 3:19

Men hona monana pivva liheiv, osva pivva wohengiv moanonoam. Nonamba pimba ningvrava, osva dihi pivva indkokla vi, wo pivva lou vivra, nonamba pivva osva indwonam lovahvra Sesoana novrava. Manara noinda Sesoava mendeklinonoa, wo himba nonora av, osva pimba pivnamba mongawa Kristusnindmba und avramana vev.

1 Yon 3:6

Wo indhanariniva mongova Kristusmangasva wohengvrava, himba vaomana vevramoa indkoklava. Himba indkoklava vaomana vetava, pivva osva liheivav, himba beswonamba levrapivongovmoa Kristusmba temurava.

1 Yon 4:13

Pivva wiyera av, osva pivva wohengiv Sesoam, eva Sesoava einv piinda. Pivva honamba wiyera av, noinda Sesoa vrahunna pimba hevsongolva.

1 Yon 4:7

Seh, pioa pivmoa und avramana velohra, os henom, henom, noinda und avramanalva prov Sesoanamini. Mongova indhanariniva honamba wulluhtava, und avramanalva, lohv Sesoana ombol, eva Sesoamba himba levrapiav.

1 Yon 5:19

Pivva nonora av, osva pivva Sesoana av. Wo heva os Setan vavawonamba pethamba kevra aiwolohv.

1 Yon 5:2

Es hevpa pivva levrapivolna, osva pivva und vewol viv Sesoana towandalmba? Pivva wiyera av, manara noinda pivva und vivpa Sesoam, eva piv vei, engminivm moam temura.

1 Yon 5:3

Pivva tanamba Sesoamba und vellava, pivva si osva hena moam wohengivav. Wo eva Sesoana moamba mindnamba kin vinvmoa pimba.

Poaitamoa 12:17

Wo no saiholava osva wuspromnavnamba no ungevlirinimba i. Wo venamba, himba daosm nengandvrinvna monglam hena towandmba. Hena towandmba, nom ten engminivnam Sesoana lohohmom, eva ten levrapivolvnam Yesusna moanonoam, eisholm.

Poaitamoa 14:12

Memba honamba tombaimomba, osm Sesoatindinonoava keknam av. Heoa wohengivra Sesoana lohohmomoa, wo hevoa keknam indnahonam amnara Yesusmoa, heva kivrawuliha vrelm owaiva.

Poaitamoa 22:14

Nomba indhanamba, temba posvendnamba hevna pikianmba, heoa indk vithira. Manara, osva Sesoava si hemba wuhhovav, hlalmba timovpa, nomba no tirava kilihavpa. Himba wohsaivra tuvra kotameranonoamba.