1 Korin 1:4 - Waris

⁴ Kava elsus kavna Sesoamba olohmanav yeindamba, yimba lehra, noinda wavrava nomba Sesoanamba, temba yemba daswolnamba Kristus Yesusnanamba.

1 Korin 1:4 ပူးပေါင်းရင်းမြစ်များ

Matiu 19:11

Yesus unna, tendomuhna wevsava os men, indkumbiva engivmoa, indkumbiva ongamba si vravav. Heva os Sesoava doa doara pusvund vena indhanamba monglava, wo tendomuh lovahvav. Monglava indhanamba doara aval snal ambo nihkoklana tetwond vevna, wo noinda osva es eva tetwond vevra, owai, wo himba tendomuh lovahvra. Monglava indhanamba henamba doara teilsuva velarombol vinvna, wo noinda himba si tendomuhva wohavav. Wo monglava indhanamba nihbesalangas, wo heva os himba Sesoamangas andra venalm viv, wo himba si tendomuhva wohlovahvav, noinda kava Sesoana nemeltindim andra vinv. Yeoa indakonda hillivm kana moam, wo engivm, himba nomba heva hevnalhra hevnalhra indakonda.

Yonna Yesusmoa 10:30

Kava araiva mongawundna mongal ahav.

Yonna Yesusmoa 14:14

Yimba sahmanavrava mana vemava kana nihilnamba, kava vengas vevra.

Yonna Yesusmoa 14:16

Kava si aramba sahmanavra, wo himba si yemba mongom indhanarinimba wolaihaprinvav. Himba honana si yemba kolvrowol vevav, wonalm yunalm yem.

Yonna Yesusmoa 14:26

Heva os kokoldombnindriniva si yemba numhowol vevra, osva manam manam. Himba si otuhtwol vevra yemba, nengalm nom manimani, ten kav yem ishunvnam. Honamba kokoldombnindriniva Sesoasongol, hemba Sesoa si wolaihapravav kana nihilnana.

Yonna Yesusmoa 15:26

Kava si wolaihaprinvav yemba kokoldombnindrinim kavna aranaminiva. Himba Sesoasongol, himba wulav moanonoa. Nonamba himba provavpa, himba si ishunvra kamom yemba.

Aposel 11:23

Barnapasva besal indhanarini lohvna Sesoasongolnana, eva keknam undnahonam wohlohvna. Nonamba himba phovnamba Antiokrava, wo nongalv, osva ona, os Sesoava awothowol vena hemba, wo himba und kanandhana. Wo himba henga hena nengavnangmba tuhowol ovunna Antiokrava. Hev unna, yimba manam kivrawuliha vrivra, almba undnahonamba keknamba. Elsus wohengivm mendeklimoa pevna undnahonam. Nonamba indhanamba mindnam pelpethavna mendeklitindilmba.

Aposel 21:20

Nonamba himba hillivnamba honamba, himba wulovolvna Sesoana nihilmba mindnam. Wo hev umnina Polm, seh, men pev nonglav, osva doa esvema plombmsna lithana Yutanindva, nilhapralmba Kristusnindilmba. Wo heva os himba os ningv, lehra mendekli, engalmba lohohmomba Mosesnamba.

Rom 1:8

Kava ata ossna ovav, kava os omnav kavna Sesoamba, Yesus Kristusna nihilnana, yimba lehra, yeindam indkumbi-indam. Kava os omnav, Sesoa yimba lehra, osra annind annind huiva petharava eishomana vev yena mendekli undnahonamba keknamba almba.

Rom 6:17

Nemetva doarava yimba indkoklana andranindilm avna, indkokla yemba wondiavna. Wo heva os pimba umniv Sesoam nona, os yimba lehra, manara, yimba keknam temura wohengiv besalnemelmomba, nomba yemba temba numhowol vivnamba.

1 Korin 1:3

Sesoa pina aral, eva pina mendekli Yesus Kristus yemoa undalm waivewol vera, wo osva yimba undwonam avav.

1 Timoti 1:14

Owai, mendekliva kamba undalm vrevna, wo noinda himba kamba kolvrana. Wo noinda kava daipotava hemba undnahonamba keknamba lohmanav, wo und vev hemba.