Santiago 5:6 - Dios Iwene

⁶ Ja̧danö, ökwödö juna̧ladöma yelösöda sulabenö omukwatö ja̧köbinaduwobe ju'wedönö, ökwödönö sulabenö omukwatöködönöma. Ja̧danö, jobadö otiwanö omukwatö ju̧kwadönö jwökeba̧linaduwobe böjȩnö lȩbebö yöbawo̧nöma, Sulabenö ja̧tjinobe, jö̧ba̧lö. Ja̧danö, ju'wedönö kwabö lotjobö weköbinaduwobe. Isabenö, ökwödö sulabenö ja̧badöma, sulabenö ja̧böködönö kwabö loköbinaduwobe. Biya̧da yötawa ökwödö juna̧ladönöma. A̧ja̧kwaduwitjö. Isabenö, ju'wi möle usula kwemaduwakwedöja.

Santiago 5:6 ပူးပေါင်းရင်းမြစ်များ

Isaías 5:23

Ja̧danö, ju'wibi ju'wedö tjimidawö̧, sulabenö ja̧badönö pjabatadö, sulabenö ja̧tjijayonö, —Bidöma wene jwibadö, sulabenö ja̧böködö, —jö̧ba̧lö omöna yöba̧ladö, ja̧danö sulabenö ja̧böködönö pjatjato jö̧tja̧lijayonö, pjabatökönö suli̧ waedadö.

Isaías 53:7

Jo̧kwajabetjö̧ jwiinö inia tjöbö usula emawinobe Dios ömöayo̧ma, jo̧kwaijayonö usula emawijayonö, yöba̧lökönö wi̧inöda ö̧jinobe. Jau, obeja kwabö lotjobö ötjibökwe wi̧inö i̧'yidanö, ja̧danö obeja öwö'ye 'witjökwe wi̧inö ö̧jidanö, bakobe wi̧inö ja̧nö yöa̧linokobe.

Mateo 21:38

Jejenö omukwatö, itji̧nö weinobe, jo̧kwaijayonö, batjo luwo̧ itji̧nö tjedenama, batjo otidadöma yötja̧lakwawinobe idödada: Bitema iteda abe'do woaja̧ okobe, abe'do otidaja̧ omudajibakwo̧, jo̧kwajabetjö̧ bitenö kwabö loditjö̧ma, biyu öbatjoajayuma ökwödöda döbatjo baibakobe, jö̧ba̧lö omukwatakwawö yötja̧lakwawinobe.

Mateo 27:20

Pilato jojodönö ditenö ejatö latebakwa̧da aebenama, ö'weje pjabatadö la'aka tjuluwedöbi damöbi jojodönö wetjinobe: —Pilatonö akebaduwo, Barrabás mikwo̧nö ejatö laebobö, ja̧danö Jesúsnö kwabö loobö akebaduwo— jö̧ba̧lö.

Mateo 5:39

Jo̧kwaijayonö, wainö wetaduwakwö chömöledö baikwö: Sulabenö ja̧badönö kwölabikwawaduwoko jö̧ba̧lö. Jelo̧ kwibekasa'wonö 'bȩitjö̧ma, jalachibi bakwachobesa'wobi 'bȩobö, balekwa mikwama jo̧banö 'bȩköboko.

Hechos 22:14

Jo̧bama ötjönöma yöawijatö, Saulo, da'dödömine tjuluwo̧ Diosma ökwönö 'da̧batö ujuninobe, jo̧ba ösödi̧ kwöwaisachibobö. Diosma ökwönö 'da̧batö ujuninobe iteda itji̧nö, iteda wei̧ ja̧bo̧nö, suli̧ jwibo̧nö waisachiböbi kwöwaisachibobö, iwene a̧ja̧kwöbi kwa̧ja̧kwobö.

Hechos 7:52

Da'dödöminema, Dios yöawi̧ yöbawinadönö sulabenö ja̧tjinobe. Bakwo̧bi deobe sulabenö ja̧tjinökökwema. Dioskwö wene jwibo̧ ichakwa̧ yöbawinadönöbi kwabö lobijadötö. Babema ökwödöma da'dödöminema Dios yöawi̧ yöbawinadönö sulabenö ja̧tji̧danö ökwödöbi ja̧köbaduwijatö. Ja̧danö, ökwödöma Dios yöawi̧ yötjawinökwenö sulabenö iyö loköbaduwijadötö tjö'wötobö webö.

Hechos 8:32

Jejenö jö̧a̧liökwe Felipema koluka okwa nöchö a̧jibijetö. A̧jibö a̧ja̧kwijetö Etiopía jojo yöa̧lobema, Isaías iwȩyudina. Baikwö yöba̧lijetö: Jo̧bama obeja jwöbeba̧lökönö ö̧ji̧danö jo̧, u̧lume'a 'witjebobö öbibö tji̧'yinökwema. Ja̧danö, obeja öwö'ye 'witjonö jwöbeba̧lökönö ö̧ji̧danö jo̧.

Hebreos 10:38

Ja̧danö ötjö chömöledö, Bidöma suli̧ jwibadö, jö̧ba̧lö, jö̧ta̧lawö̧ma ötjö yötawi̧ ösödö ja̧dö. Jo̧kwaijayonö jobadötjö ju'wedöma tjebachajö tji̧'yitjö̧ma cho̧'wo̧ tjo̧inö edö chö̧jena. Jejenö laebobe Dios iwenetjö.

Santiago 2:6

Chö̧ja̧wo̧dö, Diosma usulasedönö, Jwiinö mikwawadö, jö̧ba̧lö, edijayonö ökwödöma kwo̧'wo̧ luwo̧duwinö sulabenö kwedaduwobe, Mikwawöködö, jö̧ba̧lö. Jejenö kwomukwataduwobö jwiobe chö̧ja̧wo̧dö. Ja̧danö, ju'wi jawabi omukwataduwi: ¿Tijidöda ökwödönö sulabenö inia tjököbaduwinö baledobö webadöma? ¿Juna̧löködöji̧? Jobadömaökö, juna̧ladöda. Jau omukwataduwi. Juna̧ladöma ökwödönö lȩekwa yöbawo̧ ö̧jobekwö e'ewö jwötjeba̧lobe jo̧banöma, Lȩbebidönö, jö̧ba̧lö.

Santiago 4:2

Yelösöda, kwomajadeduwinö kwedaduwobe ju'wi jawabi, ju'wi jawabi böjȩ jawa kwujuna̧laduwobö. Jejenö kwujuna̧laduwobö kwösödaduwijayonö waekwobe. Kwujuna̧laduwokobe. Jo̧kwaobetjö̧ kwomajadeduwinö jwiinö sulabenö baibanö, Chujuna̧lobö chösöda jelo̧nö kwabö lotitjö̧bi, jö̧ba̧lö, kwomukwataduwena. Yelösöda, ju'wedö tjujuna̧li̧ sulabenö edö, ö'wiabinö, Ötjöbi chujuna̧lowe, jö̧ba̧lö, kwomukwataduwijayonö, kwujuna̧laduwoböma waekwobe. Jo̧kwaobetjö̧ dameakwö baibanö kwömöledöduwikwö wene juna̧lö, kwo̧'wo̧ luwo̧duwi okwanö sulabenö edö, ja̧danö jobadökwö ölakwabikwawö kwö̧jaduwobe. Ja̧danö chö̧ja̧wo̧dö, abebö cha̧ja̧kwaduwakwö. ¿Tajawedö kwujuna̧laduwobö kwösödaduwi̧ma kwujuna̧laduwokobeda? Yötawaduwakwö. Ju'wikwenama Diosnö akebaduwokobetjö̧ kwujuna̧laduwokobe.

1 Pedro 4:18

Dios iwene laebi̧danö jo̧be chömöledö, baikwö laebobe Dios iwenema: Sulabe jwibadöma Dios lȩebi̧tjö tjö̧jibijayonö usula emawö ju̧kwadö. Ja̧danö, jobadö ji̧badöma usula tjemawitjö̧ma, Diosnö öpöjödadönöma ¿dakwö baledakwa̧jö Diosnö öpöjödö sulabenö ja̧badönöma? ¡Jobadö usula tjemawitjö̧ bajalekwönönö nöinö usula tjemawakwedö! jö̧ba̧lö laebobe.