Santiago 5:17 - Dios Iwene

¹⁷ Chö̧ja̧wo̧dö döwaisa damötjö Elías mikwo̧ ö̧jinama. Elíasma ökwödödanö ji̧na. Ja̧danö, ökwödö domukwati̧danö omukwatö ji̧na. Isabenö, jo̧kwadabo̧ ö̧jijayonö Diosnö abeböda aebinobe, yemidanö yemidanöbi, o̧'wo̧ luwo̧nö me'dawachibökönö, Diosma ojwiyo o̧binö weokobö. Jejenö aebiökwe Diosma lekwe, o̧ba wa̧pötakwa ja'öbi ojwiyo o̧binö weinokobe böjȩnöma.

Santiago 5:17 ပူးပေါင်းရင်းမြစ်များ

1 Reyes 17:1

Ja̧danö, Galaad niji comunidad Tisbe jojo Elias mikwo̧ma, Acab öba a'o ichibö yöawinobe: —Israel jojodö tjösödökwe Isabenö Jo̧ Diosma isabenö jo̧, ja̧danö chuluwo Isabenö Jo̧ öba a'o ja̧nö, baikwö yötawakwö Acab, biya o̧biyama, ojwiyo o̧bökakobe, ja̧danö si̧li̧'idö tji'olibi tjoduwökakobe, ötjö Eliasma, –Babe ojwiyo o̧bakobe, –jö̧ba̧lö yötawenanö kabatö, —jö̧ba̧lö Acabnö yöawinobe Eliasma.

1 Reyes 18:1

Lekwe möle, döbalataja o̧biya baledibanö ojwiyo o̧binokobe Israel nijitjö. Jemi ikenama, wapöbakwa o̧ba ja'ö, Isabenö Jo̧ma iteda yöawi̧ yöawinobe Eliasnö, —Tjowita Elias, babe Acab ö̧jobekwö kwi̧'yo, ja̧danö Acab öba a'o kwöwawacho, ja̧danö jemi ikenama ojwiyo yemidanö o̧bobö wetocha, —jö̧ba̧lö.

Lucas 4:25

Ja̧danö, ötjö chujulu chi̧sebobö akebaduwi̧ma, baikwö yötawaduwakwö: Damötjö Elías ö̧jinena baledinadanö, ja̧danö Eliseo ö̧jinena baledinadanö ja̧kobe ökwödönö. Baikwö wanedö yötawa: Dios iwene yöbawo̧ Elías ö̧jina wene kwöwaisaduwa, wa̧pötakwa o̧biya ja'ö baledibanö Diosma mölejȩ utumatinobe, ojwiyo o̧bökönö, ¿jö̧tö? Jau, Israel niji bakwameachibanö jwiinö a̧wi̧chi̧ lö̧jinobe, ja̧danö Israel jojodötjö tji̧lȩkwa̧mu wobekwinadö ya̧döma ba̧jekwadö tjö̧jinobe usula emawö, ¿jö̧tö?

Hechos 10:26

Jo̧kwaijayonö Pedroma jo̧banö a̧lapedijetö, A̧laibi, ötjöma jojosa, jö̧ba̧lö.

Hechos 14:15

—Ökwödöma ¿tajawedö jejenö kwösödaduwa ökwödönöma? Ökwödöma woawedösa, ökwödödanö. Kwo̧'wo̧ kwöwana̧laduwawö̧böködösa. Ökwödöma otiwa jawa wene yöbawö dichajabe baima, ökwödönöma yöbawö. Mikwa jwii̧ jawa kwösödaduwi̧ma kabatibö Diosnö kwösödaduwobö yöbawö dichajabe. ¿Wajwiköbaduwiji̧? Diosma 'yabayo̧. Jo̧banöda kwösödaduwo, mikwa jwii̧ jawa kwösödaduwi̧ma kabatibö. Jo̧bama mölejȩbi, mölejȩnö köba̧ladönöbi, ojwe nöödöbi, ojwe okwa ju̧kwadönöbi, böjȩbi, böjȩnö ju̧kwadönöbi otidina. Okobe jwiinö böjȩnö ju̧kwi̧ma Diosda otidijetö—yöbawijetö Pabloma.

Romanos 11:2

Diosma iteda ömöledönöma kaatibinokobe, damötjö 'da̧batö ujuninawö̧nöma. ¿Ina Elías ö̧jina wene kwomukwataduwiji̧, Elías Diosnö yöawina wenema? Baikwö laebobe Dios iwene, Elías Diosnö yöawinama:

Apocalipsis 11:6

Jobadöma Dios ujulu i̧sebadö. Ja̧danö, lekwe möle, mil doscientos sesenta möle yötjawonö ojwiyo o̧bökönö webadö. Ja̧danö, ojwebiyabi ku̧kwi̧nö baibanö webadö. Ja̧danö, böjȩ okobe jwiinö sulabenö baibi̧ jawa baibanö webadö, ba̧kwȩlö̧jatebö tjösödena.