Santiago 5:13 - Dios Iwene

¹³ Chö̧ja̧wo̧dö, ökwödötjö bakwo̧nö usula emawinö baledena jo̧bama Diosnö aebobö jo̧be, jo̧banö pjaatobö. Ja̧danö, ökwödötjö bakwo̧ o̧'wo̧ ösöwanö jo̧ma, Diosnö lo̧obö jo̧be, Otiwanö pjakatajabe, jö̧ba̧lö.

Santiago 5:13 ပူးပေါင်းရင်းမြစ်များ

1 Crónicas 16:9

Isabenö Jo̧nö lo̧daduwo, —Otiwo̧ja, —jö̧ba̧lö lo̧daduwonö. Iteda ujulu i̧sȩbina, jojodö edajitjökö jawa i̧sȩbinama yödawaduwo.

Diosnö ösödo̧ Job mikwo̧ usula emawina jawa 33:26

Jejenö balediökwe, Diosnö aebena, jadanö Diosma aebi̧ a̧ja̧kwö ösödena. O̧'wo ösöwachibanö Dios öba a'o ichibena, ja̧danö Diosma jo̧banö ösödakobe, –Bitema chöba a'o wene jwibo̧, –jö̧ba̧lö.

Isaías 65:14

Ja̧danö chömöayedö tjo̧'wo ösöwachibanö jwötjeba̧lonö, ökwödöma kwo̧'woduwi tjo̧bekwö budekwö jwökeba̧laduwakwedöja, —Dakwö ja̧dakwajö, —jö̧ba̧lö.

Daniel 5:4

Jobadöma ubasobu o̧'dobu owö, tjösödawö̧ orotjö otikwedö o̧'wo̧ jawabi, platatjö otikwedö o̧'wo̧ jawabi, broncetjö otikwedö o̧'wo̧ jawabi, 'dii jawatjö otikwedö o̧'wo̧ jawabi, towisötetjö otikwedö o̧'wo̧ jawabi, inawatjö otikwedö o̧'wo̧ jawabi tjösödinobe, dösödawö̧ma isabenö Diostjö bajalekwönönö juluwadö jö̧ba̧lö.

Mateo 26:30

Ikenama, lo̧awa Diosnö lo̧bajadö, jobetjö labebö Olivo ötjaba'o mö'ösa'obe tji̧'yinobe.

Lucas 23:42

Ikenama Jesúsnö yöa̧linobe: —Chuluwo̧ Jesús, ötjöma ökwönö ösödo̧sa, jo̧kwajabetjö̧ yöbawö weköbena ja̧nö la'aka luwo̧ ja̧nö webö yökawenama, ötjönö ökwönö ösödo̧nö kwomukwatotjö— jö̧ba̧lö aebinobe Jesúsnö.

1 Corintios 14:15

Ja̧danö, otiwanö ja̧ti̧ma ¿diya̧da? Baikwö otiwa chömöledö: Chiwenenö atebobö otiwa, cho̧'wo̧ luwo̧nöbi, chomukwati̧nöbi Diosnö atebakobetjö̧ chömöledö. Ja̧danö lo̧tenama, chiwenenö lo̧tena, cho̧'wo̧ luwo̧nöbi, chomukwati̧nöbi lo̧takobetjö̧.

1 Corintios 14:26

Jau chömöledö, yötawaja̧danö jo̧be, jo̧kwajabetjö̧ baikwö wetaduwakwö ja̧bö kwö̧jaduwo jö̧ba̧lö: Ko̧ko̧kwö Diosnö kwösödaduwenama, bakwo̧ lo̧awa lo̧o jö̧ba̧lö ujuna̧lena. Ja̧danö, jelo̧ ba̧ja̧dakwawa öba̧ja̧do jö̧ba̧lö ujuna̧lena. Ja̧danö, jelo̧ Dios jo̧banö i̧sebina jawa yöawo jö̧ba̧lö ujuna̧lena. Ja̧danö, jelo̧ ju'wedö tjiwenenö yöawakwawa jawa yöawo jö̧ba̧lö ujuna̧lena. Ja̧danö, jelo̧ ju'wedö tjiwenenö yötja̧li̧ labebö lobö yöawo jö̧ba̧lö ujuna̧lena. Jau chömöledö, okobe jwiinö ko̧ko̧kwö ja̧köbaduwi̧ma, Jesúsnö ösödadö tjöda̧peacho jö̧a̧li̧ jawada ja̧köbaduwo.

Efesios 5:19

Jejenö, ökwödö bakwo̧nökwena Dios O̧'wo̧ Luwo̧ öba̧ja̧da̧lonö, bakobe ko̧ko̧kwa̧lö pjabatakwawö, lo̧bö ju̧kwaduwi chömöledö. Dios iwenetjö, Salmos mikwawa'ye jawabi lo̧köbaduwo. Ju'wi lo̧awabi Diosnö ösödö otiwa jawa wene lo̧köbaduwo. Ja̧danö, Dios O̧'wo̧ Luwo̧ kwo̧'wo̧ luwo̧duwinö öba̧ja̧di̧bi lo̧köbaduwo. Jejenö, Dios a̧ja̧kwa̧lonö kwo̧'wo̧ luwo̧duwinö ösöwanö omukwatö lo̧köbaduwo, Diosnö ösödö.

Hebreos 5:7

Ja̧danö, Jesúsma, böjȩnö jojo babibö bötjachajo̧ma yelösöda usula emawinobe. Ja̧danö Diosnö, woawatjö ö̧jibinö juluwo̧ Diosnöma budekwabinö aebinobe woawatjö ö̧jibinö pjaatobö. Jo̧kwaijayonö Diosma, ö̧jibinö pjabatökönö weinobe usula emawö woobö. Chömöledö ¿Diosma a̧ja̧kwinököji̧ iteda Itji̧ ubudekwi̧ma? Isabenö a̧ja̧kwinobe, Jesúsma Diosnö yebabinö edö jo̧ba wei̧ a̧ja̧kwöda ö̧jinobetjö̧.

Santiago 5:10

Chö̧ja̧wo̧dö omukwataduwi damötjö da'dödömine, Dios yöawi̧ yöbawadönö. Jobadöma Dios iwene yötjawobetjö̧ yelösöda usula emawiatjinobe. Ja̧danö, usula tjemawijayonö tjo̧'wo̧ 'dibachibö tji̧'yinobe. Chö̧ja̧wo̧dö, jobadö tjö̧jinadanö ökwödöbi kwö̧jaduwobö jo̧be.

Apocalipsis 14:3

Ja̧ iwene ökwöi̧ma mölejȩbe ja̧nö lo̧badö lo̧tji̧, Diosnö ösödö. Jobadöma Dios ö̧bemi, ja̧danö, ö'wejemu luwa, tjöbajalebiya a̧tja̧bayedöda ju̧kwawö̧ tjö̧jemi, ja̧danö, damö la'aka luwedö tjö̧bajemi badekwanö ja̧nö lo̧tjobe cha̧ja̧kwijatö. Jobadö lotji̧ma 'yayi̧ lo̧awa. Ja̧danö, ja̧ 'yayi̧ lo̧awama, jobadö ciento cuarenta y cuatro ömadö, Obeja Itji̧danö Jo̧kwö ja̧döma, jobadöda ja̧ 'yayi̧ lo̧awa waisachibadö, böjȩ jojodötjö Dios omudawö eminawö̧ma. Ju'wedöma, ja̧ 'yayi̧ lo̧awa tjöwaisachiboböma jwibadö.

Apocalipsis 7:10

Ja̧danö, labinö jwöbeba̧lö tjösödi̧ma cha̧ja̧kwijatö: —Bidöda ökwödö dö̧jibinö pjabatadöma, inesö ba̧kwawakanö bo̧nö Duluwo̧ Diosbi, Obeja Itji̧danö Jo̧bi— jwöbeba̧lö tjösödobe chedijatö.