Santiago 4:14 - Dios Iwene

¹⁴ Jo̧kwaijayonö yötawaduwakwö. Jejenö kwomukwataduwa. ¿Ökwödöma kwöwaisaduwiji̧ itekwayi kwö̧jaduwakwa̧ma? Wajwiköbaduwa. Isabenö, itekwayima ö'wö bakibaduwena. Yȩayi jo̧pji̧yakwawö omönanö jwiachi̧danö ökwödöbi omönanö deköbaduwena böjȩtjöma.

Santiago 4:14 ပူးပေါင်းရင်းမြစ်များ

2 Samuel 19:34

Jo̧kwaijayonö, jejenö yöa̧lökwe Barzilayma atadinobe, —Ida̧ökö pöe cho̧jobema, ö'wö batibakwa̧ möle yöneawachibobe, ötjöma Jerusalennö ja̧nö chi̧'yoböma jwiobe.

Proverbios 27:1

Bemi tupakwö laebakwa̧ma inesö la'aka luwo̧ Ezequías ömöayedöma ju'wi Salomón iwȩyudina eda̧lö tjiwȩyudina, Salomón woinobe okobe lekwinemi. Ja̧ tjiwȩyudinama baikwö laebobe, Salomón yöawina: Chömöledö, Diosda itekwayi baledakwa̧ waiso̧ma. Jo̧kwaobetjö̧ ökwödöma ¿dakwö yöka̧laduwobö, itekwayi chi̧'yocha, jö̧ba̧lö, ja̧danö itekwayi chotidocha, jö̧ba̧lö. Ökwödöma babe mö̧lȩtjö̧ itekwayi baledakwa̧ma wajwibadöja. Ja̧danö wajwiköbaduwobetjö̧ jobekwö yöka̧laduwoko itekwayi kwi̧'yaduwakwa̧, ja̧danö itekwayi kwotidaduwakwa̧. Diosda itekwayi baledakwa̧ waiso̧ma.

Isaías 2:22

Jobekwö isabenö baledakobe chömöledö, jo̧kwajabetjö̧ bö̧jȩ jojodönö omukwatö kwö̧jaduwi̧ma kabatibö, Dios ösödi̧ jawada omukwatö kwö̧jaduwo. Jau chömöledö, bö̧jȩ jojodöma Dios öba a'otjö isabenö mikwawöködö, bö̧jȩ jojodöma sule tjo̧'wo emöda ju̧kwadö, juluwöködö bö̧jȩ jojodöma, jo̧kwajabetjö̧ Diosnöda omukwatö kwö̧jaduwo.

Isaías 38:12

Wanedö yöta̧la, obejadönö teada̧lo̧ eju sabana'wotjö otikweju 'yebö jelobekwö tje'ewi̧danö, chö̧ji̧ 'yebö loobedanö ichejekwa. Jau, sabana'wo otido̧, sabana'wo o̧'bo̧di̧danö, chö̧ji̧ mölebiya otiwanö 'bo̧dö jo̧sa. Jo̧kwaijayonö ina chö̧ji̧ sabana'wo 'dö̧bö katatibököjayonö, sabana'wo 'dö̧awakatjö 'wibebö loobedanö ichejekwa. Jau chuluwo̧ Dios, yö̧te baibakwa̧ abönö, juluwanö chö̧ji̧ 'dö̧ibajobö weköbajobedanö ichejekwijatö.

Santiago 1:10

Ja̧danö, ökwödö chö̧ja̧wo̧dötjö böjȩ jawa juna̧ladönöbi yötawaduwakwö. Diosma ökwödönö nijakwö lödö yöa̧lobe, Ökwödö kwujuna̧laduwi̧ma mikwawökö, jö̧ba̧lö. Ja̧danö, chö̧ja̧wo̧dötjö juna̧ladö, ökwödönö yötawa. Kwo̧'wo̧duwi ösöwanö kwomukwataduwobö jo̧be, Dujuna̧lijayonö ja̧ dujuna̧li̧ma mikwawadö badibobö jwiobe, jö̧ba̧lö. Do̧'wo̧ luwo̧ jawada isabenö mikwawi̧, jö̧ba̧lö, kwomukwataduwobö jo̧be chö̧ja̧wo̧dö, böjȩtjö kwujuna̧laduwima ba̧kwȩlö̧jatebö kwujuna̧laduwökakobetjö̧. Ja̧danö, juna̧ladönöma ina yötawaduwa, wanedö: Mejenö pokwi̧ o̧bu̧bi̧ya bo̧i̧ imiamenö woi̧danö ökwödöbi woköbaduwakwedöja. Ja̧danö, kwujuna̧laduwi̧bi ju'wi mölema jwiakwa̧.

1 Pedro 1:24

Jau chömöledö, böjȩ jojodöma lekwema jö̧ködö, Dios iwene laebi̧danö, baikwö laebobe Dios iwenema: Okobe deinö böjȩ jojodöma, meje'yedanö ichejekwadö, ja̧danö tjotikwi̧ma, o̧bubiya otikwi̧danö ichejekwobe. Meje'yema wobö kököachibobe, ja̧danö o̧bubiama kököbachö tjoduwobe,

1 Pedro 4:7

Ja̧danö chömöledö, 'dö̧ibaji̧ möle yöneawachibobe. Jo̧kwajabetjö̧, jweinö omukwatö eda̧lakwawö kwö̧jaduwo, ja̧danö waisanö omukwatö Diosnö abebö kwö̧jaduwo.

1 Juan 2:17

Ja̧danö chö̧ja̧wo̧dö, jobadö Diosnö öpöjödadö sulabenö omukwatö tjö̧ji̧ma 'dö̧ibaji̧ ja̧kwawada. Ba̧kwȩlö̧jatebö ja̧kwawamaökö jejenö sulabenö omukwatö tjö̧ji̧ma. Jo̧kwaijayonö Dios wei̧ a̧ja̧kwö tjö̧ji̧ma ba̧kwȩlö̧jatebö ja̧kwawa, 'dö̧ibajökönö. Ja̧danö, Dios wei̧ a̧ja̧kwö ja̧döma ba̧kwȩlö̧jatebö tjö̧jakwedö.