Romanos 9:9 - Dios Iwene

⁹ Jau chömöledö, baikwö laebobe Dios iwene, Abraham a̧dekwanö itji̧nö jemakwa̧ma: Babedajayena ju'wi o̧banö yemidanö tebachö chichocha. Chichenama kwilekwo Sara ida̧ökö jitji̧nö jujuna̧lakwuju, jö̧ba̧lö laebobe Dios iwene, Dios Abrahamnö yöawinama.

Romanos 9:9 ပူးပေါင်းရင်းမြစ်များ

Génesis 17:21

Jo̧kwaijayonö kwitji̧ Isaacnö, ja̧danö Isaactjö tupadanö jojodönöbi chiwene yöbawö chujunina badekwachinö dösölö̧jinö edö pjatatakwo̧sa. Abraham, yötawakwö, ju'wi o̧ba babedajayena Sarama jo̧banöma jemakobe— yöbawijetö Diosma Abrahamnöma.

Génesis 18:10

Ja̧danö jobadötjö bakwo̧ yöbawijetö: —Abraham. Isabenö, babedajayena ju'wi o̧banö yemidanö chichocha. Chichenama kwilekwo Sarama ida̧ökö jitji̧nö jujuna̧lakobe— yöbawijetö. Ja̧danö, Sarama apjude okwakwöchobe, yö̧ne ja̧nö jo̧ba yöawi̧ma a̧ja̧kwa̧lijotö.

Génesis 18:14

Abraham, ötjö, Isabenö Jo̧ Diosma ¿baledobö weti̧ waiyi̧ma jo̧beji̧'? Jo̧okobe. Jweinö yöta̧la Abraham, kwilekwo Sarama kwitji̧nö jemakobe. Babedajayena ju'wi o̧ba ichenama yemidanö chichocha. Chichenama Sara jitji̧nö jujuna̧lakobe— jö̧ba̧lijetö Isabenö Jo̧ Diosma Abrahamnöma.

Génesis 21:2

Jo̧kwaobetjö̧ Sarama metu'wo ji̧jotö. Ja̧danö, Abraham pöe ö̧jena itji̧nö emijotö Sarama, Dios jö̧a̧lina möle.

Hechos 5:38

Jo̧kwaobetjö̧ babema yöta̧la ökwödönöma. Dite'ada̧laduwo, sulabenö wedaduwoko bidönöma. Bidönöbi jejenö baledena, ju'wedönö baledinadanö. Bidö tjomukwati̧ma jojodö tjomukwati̧da ji̧tjö̧ma, mikwawökena. 'Dö̧ibajena.

Hebreos 11:17

Ja̧danö Abrahamma, Diosnö o̧'wo̧ öwana̧lobetjö̧ Dios wei̧ a̧ja̧kwinobe, jo̧dawo̧ itji̧ Isaacnö iyobö wei̧ma, u̧lume'a 'wibebö juwö. Diosma Abraham itenöda isabenö ösödö a̧ja̧kwojobö edobö jejenö weinobe. Ja̧danö döwaisa chömöledö. Ajayinöma Diosma Abrahamnö, Ökwö kwitji̧, Isaactjöda, ökwötjö tupadanö jojodö tjöbötjachakobe, jö̧ba̧lö, yöbawö ujuninobe. Jejenö yöbawö ujuninajayonö Diosma weinobe Abrahamnö, jo̧ba itji̧ Isaacnö iyobö. Ja̧danö, Abrahamma Diosnö o̧'wo̧ wana̧lö ö̧jobetjö̧, jo̧ba wei̧ a̧ja̧kwinobe, Diosma chitji̧ wobajaletjö tjeachajoböma juluwo̧, jö̧ba̧lö. Ja̧danö, itji̧nö juwö iyawemi wame wanajo̧ u̧lume'a 'wiebotö jö̧ba̧lö isa̧pi̧ i̧sebinobe Abrahamma. Jo̧kwaijayonö jejenö i̧sebena Diosma jwöinobe, Kabatakwawi, jö̧ba̧lö. Jejenö balediökwe Abrahamma omukwatinobe, Diosma chitji̧nö wobajaletjö tjeachajinö tjeatajabe, jö̧ba̧lö. Isabenö chömöledö, ja̧ baledinama i̧sebobe, Abrahamma Diosnö o̧'wo̧ wana̧lö ö̧jinobe, jö̧ba̧lö.