Romanos 7:3 - Dios Iwene

³ Ja̧danö, jilekwe ina ö̧jayi jelo̧nö jemenama, Jilekwebö̧kö̧kwö sulabenö ja̧buju, yötja̧lena jobujunöma. Jo̧kwaijayonö, jilekwenö wobekwinujuma, wene jwibuju, jelo̧nö jemijayonö. Ja̧danö, jilekwenö wojekwinobetjö̧, jelo̧nö jemijayonö, jobujunö yötja̧lökena, Jilekwebö̧kö̧kwö sulabenö ja̧buju, jö̧ba̧lö.

Romanos 7:3 ပူးပေါင်းရင်းမြစ်များ

Éxodo 20:14

Ja̧danö ju'wibi wetaduwakwö ömadönö: Jelo̧ ilekwokwö sulabenö ja̧bö kwalewaduwoko. Ja̧danö ya̧dönö wetaduwakwö: Kwilekwebö̧kö̧kwö sulabenö ja̧bö kwalewaduwoko.

Mateo 5:32

Jo̧kwaijayonö, babema baikwö yötawaduwakwö chömöledö: Bakwo̧ iteda ilekwo sulabenö jelo̧kwö jö̧jököjayonö jobujunö kaatibitjö̧ma, jilekwebö̧kö̧kwö jö̧jobö ja̧obe ilekwonö, ja̧danö kaatibinokonö ilekwo bajibanö emo̧ma, jelo̧ ilekwonö ö̧jobe— jö̧ba̧lö yöawinobe Jesúsma.

Romanos 7:2

Jau chömöledö, baikwö wanedö yötawa: Bakwuju, jilekwenö ju̧juma, jilekwekwöda jö̧jobö jo̧be. Ja̧danö, Diosma weinobe, Kwilekwe ina ö̧jayi jelo̧nöma kwema, jö̧ba̧lö. Jo̧kwaijayonö, jilekwenö wobekwinujunöma jejenöma, Jelo̧nöma kwema, jö̧ba̧löma weokoko.

Romanos 7:4

Ökwödöbi ja̧danö chömöledö. Ökwödöbi ida̧ökö wodinobe chömöledö. Dios edemi Jesús woinenama, ökwödöbi bakobe Cristokwö a̧jö wodinobe. Jau chömöledö, Moisés iwȩyudina junibö, Jesúskwö a̧jö wodinobe. Ja̧danö jejenö wodinobetjö̧, Moisés iwȩyudinama ökwödönö weokobe babema, ida̧ökö wodinobetjö̧. Ja̧danö, babema Cristokwöda dö̧jobe. Jau chömöledö, Dios woawatjö tjeachajinö ja̧inökwekwöda dö̧jobe babema. Ja̧danö, jo̧bakwöda dö̧jobetjö̧, babema Dios ösödinö ja̧dobö jo̧be.