Jo̧kwaobetjö̧ jo̧banö kwabö lobökönö, mikwanö jö̧ba̧lö diyo idönö, ismaelitas jojodönö. Jejenöma döjawo̧nö, ökwödö dökwösobu u'wi jojonöma sulabenö kwabö lodökakobe—jö̧ba̧lijetö. Jejenö jö̧a̧lawö̧ öpöedöma: —Jau kwatjö̧ma, otiwa. Kwabö lodoko döjawo̧nöma. Mikwanö jö̧ba̧lö diyo— jö̧ba̧lijadötö José öpöedöma.
Romanos 7:14 - Dios Iwene14 Jau chömöledö, Dios weinama jwiinö otiwobe, jo̧batjöda ichobetjö̧. Ötjödasa wene juna̧lo̧ma, böjȩ jojochobetjö̧. Ja̧danö, suli̧ ömöayo̧danö chichejekwa chömöledö. အခန်းကိုကြည့်ပါ။ |
Romanos 7:14
38 ပူးပေါင်းရင်းမြစ်များ
Ja̧danö, o̧'wo jawa ösödö, idöda tji̧tji̧mu ömadönöbi ya̧dönöbi kwabö juwö tjiyinobe. Ja̧danö tupakwö baledakwa̧ yöbawadönö abebö tja̧ja̧kwinobe, ja̧danö mea boawa sulabenö ja̧tjinobe. Isabenö okobe jwiinö Isabenö Jo̧ öpöjödi̧ jawa ja̧badö batjibanö tjiyawinobe israel jojodöma, Isabenö Jo̧ jwiinö jobadönö ödameakwawenanö baibanö.
ja̧danö ökwönö edajo̧, ajayinö omukwatö yöta̧laja̧ma chötabakwobe, –Ötjö Jobma isabenö mikwawö̧kö̧sa, yöta̧loko jawa sulabenö yöta̧lajabe, –jö̧ba̧lö. Jau chuluwo̧, sulabenö chomukwataja̧ kabatibö chöbalewachajabe, jadanö chomukwati̧ chöbalewachaja̧ i̧sȩbö, nijiso̧pjanöbi, ökwölaso̧pjanöbi bamato̧sa, –Isabenö Dios öba a'otjö mikwawö̧kö̧sa, sulabenö ja̧köba, jö̧ba̧lö Diosnö̧ yöta̧lobö, —jö̧ba̧lö atadinobe Jobma Diosnö.
Baikwö wanedö yöawobe Diosma, israel jojodönö: Chitji̧mu, kwojo'donö, tajawedö jelobekwö öbibö tje'ewinada? Jobujunö kabatibö, chilekwonö katatibobö wȩyukwöja chi̧wȩyudajabetjö̧, jobujunö öbibö tje'ewinaji̧? Ja̧danö ökwödö chi̧tji̧mubedö, ju'wedö tjömöayedö bakibaduwanö kwö̧jaduwi̧ma, ju'wedönö chumusidobetjö̧, ju'wedö tjömöayedö bakibaduwanö iyö lotinaji̧? Ja̧maökö chitji̧mu, ökwödö sulabenö ja̧bö kwö̧jaduwobetjö̧, iyö lotinawö̧ja. Kwojo'doduwibi ja̧danö, sulabenö ja̧bö jö̧jinobetjö̧, jelobekwö öbibö tje'ewinoko.
Jobekwö edö, jwiinö yetaibijatö, ja̧danö yöta̧lijatö, —Ayö, ötjöwe, isabenö debö chi̧'yakwo̧sa, ötjö sulabo̧ma chöbajalenö inesö la'aka luwo̧ Okobe Jwiinö Juluwo̧ Isabenö Jo̧ Diosnö chedajobetjö̧. Jau, sulabenö yöba̧lo̧chobetjö̧, cha̧jȩ yȩökwesa, ja̧danö chömöledö israel jojodö tja̧jȩ yȩbadö tjö̧'da̧de jo̧sa, ötjöwe, isabenö debö chi̧'yakwo̧sa, —jö̧ba̧lö yebabinö yöta̧lijatö.
Jo̧kwaijayonö jemi bajalekwönönö baikwö yötawaduwakwö ötjöma chömöledö: Sule kwömöledöso̧nö kwabö loköbitjö̧damaökö, kwömöledöso̧nö kwölabitjö̧bi, lȩekwa jo̧be jö̧ba̧lö. Ja̧danö, kwömöledöso̧nö sulabenö yöka̧litjö̧ma, lȩekwa luwedö tjöba a'o kwö̧jena, ja̧danö kwömöledöso̧nö wajwibo̧ja, mikwawö̧kö̧ja jö̧ba̧lö yöka̧litjö̧ma, ökwöla nöolatjö Dios lȩebakwa̧tjö kwemena, jö̧ba̧lö yötawaduwakwö.
Jejenö baibiawö̧, Simónbi, jo̧bakwö otidajibadö Zebedeo i̧tji̧mu Jacobobi, Juanbi, ju'wedö Simónkwö ju̧kwadöbi tjöbajale jalaka baibanö tjedinobe, Ayö, bitema ¿tijö? ¿Dakwö jejenö beiso̧jö? ¿Dakwö ba̧jekwadönö jwodobö weajö? jö̧ba̧lö. Ja̧danö Simónma Jesús öba a'o bȩbachibö, u̧yu̧ku̧nö bamatö Jesúsnö yöa̧linobe: —Chuluwo̧, ötjöma sulabenö ja̧bö jo̧chobetjö̧ ökwökwö chö̧joböma jwibo̧sa, jo̧kwajabetjö̧ ötjötjö 'da̧bachibö 'ya̧wi— jö̧ba̧lö aebinobe Simónma Jesúsnö. Jejenö aebökwe, Jesúsma Simónnö atadinobe: —Yebabökönuwi Simón. Baikwö wanedö yötawakwö: Babe ba̧i̧ jwobö kwotidajabema, isabenö bemi tupakwöma jojodönöda jwobö kwotidakwo̧ja— jö̧ba̧lö.
Jau chömöledö, isabenö Diosma judío jojodöböködönötjö o̧penönö pjaatinobe ökwödönö judío jojodönöda chömöledö. Jejenö pjaatinobetjö̧, ¿dakwö kwomukwataduwa chömöledö? ¿Dakwö omukwatö yöka̧laduwa? ¿Judío jojodöböködönötjö o̧penönö otiwadödobeji̧, ökwödö judío jojodöma? Ja̧maökö. Ida̧ökö i̧sebö yötawajabe, okobe deinö otiwöködösa, jö̧ba̧lö, bakwaibedösa, suli̧ ömöayedödanöbedösa, jö̧ba̧lö, judío jojodöbi, judío jojodöböködöbi, jö̧ba̧lö, yötawajabe.
Chömöledö, ötjöma ju'wedö Dios ömöledö babibinadötjö baikwönönöda jo̧sa. Jejenöijayonö Diosma ötjönö lȩlö̧jino edö 'da̧batö ujuninobe, judío jojodöböködönö yötawobö, Cristoma jwiinö pjabato̧, jwiinö otiwo̧, jwiinö juluwo̧, jö̧ba̧lö. Ja̧ jawa, Cristo pjaati̧, otiwi̧, ujuluwi̧ jawa kaatiboböma jwibo̧, jö̧ba̧lö, yötawobö 'da̧batö ujuninökwesa.
Isabenö chömöledö, Dios wei̧ a̧ja̧kwö jwaikwöda di̧'yaduwo Dioskwö ö'wachö döbamatakobetjö̧ do̧'wo̧ luwo̧ okwanö. Dios iwene, Jesúsnötjö yöawinama yelösöda juluwobetjö̧ Dios wei̧ da̧ja̧kwobö jo̧be. Ja̧danö chömöledö, Dios iwene, 'yaba̧lo̧ iweneobetjö̧ 'yaa̧lakwawa wene, Dios ökwödökwö ja̧nö yöawi̧ma. Ja̧danö Dios iwenema, do̧'wo̧ luwo̧ okwanö teachobe, ökwödönö öbibö. Chömöledö wanedö yötawaduwakwö: Dios iwenema isa̧pi̧ bakwachekwadanö sȩi̧, jwiinö sȩapi̧danö ji̧. Ja̧danö, Dios iwenema isa̧pi̧ jwiinö sȩapi̧tjö o̧penönö sȩapi̧. Ja̧danö, isa̧pi̧ jwiinö sȩapi̧ tju̧yu̧ju̧ko̧emibi tjiwe'onöbi ichibinö 'wiibi̧danö Dios iwenema teachobe do̧'wo̧ luwo̧ okwanö. Jejenö Dios iwene do̧'wo̧ luwo̧ okwanö teachena ökwödö domukwati̧ma wajuwanö i̧sekwobe. Ja̧danö, Dios iwenema do̧'wo̧ luwo̧ okwanö tebachö Dios yöawi̧danö ökwödönö jweeba̧lobe, Kwomukwati̧ma biya̧ sula, jö̧ba̧lö.
ကြော်ငြာတွေ