Romanos 7:12 - Dios Iwene

¹² Jau chömöledö, Moisés iwȩyudinama jwiinö otiwinobe, Diostjöda ichinobetjö̧. Ja̧danö, Moisés iwȩyudinama otiwanö yöawobe Dios ösödi̧ma. Jau chömöledö, okobe jwiinö Dios weina Moisés iwȩyudinama jwiinö otiwinobe.

Romanos 7:12 ပူးပေါင်းရင်းမြစ်များ

Romanos 12:2

Ja̧danö, ju'wedö böjȩ jojodö ja̧bö tjö̧ji̧danöma ja̧bö kwö̧jaduwoko chömöledö. Diosma kwomukwataduwi̧ balewachinö ja̧obö ösödo̧, ja̧danö balewachinö ja̧obö weköbaduwo, 'yayi̧ jawada omukwatadö bakibaduwanö. Ja̧danö, Dios ökwödö kwomukwataduwi̧ balewachinö ja̧itjö̧ma, Dios ösödi̧ jawa kwöwaisaduwena, inesö otiwa jawa, sulabe jwii̧ jawama.

Romanos 3:31

Jau chömöledö, Jesúsnö ösödöda dö̧jibobe, Moisés iwȩyudina ja̧bömaökö. Jo̧kwaijayonö, Moisés iwȩyudinama mikwawökö, jö̧ba̧lö, lodibokobe chömöledö. Wainö, Moisés iwȩyudinama otiwa, jwea, jö̧ba̧lö, yödawobe.

Romanos 7:14

Jau chömöledö, Dios weinama jwiinö otiwobe, jo̧batjöda ichobetjö̧. Ötjödasa wene juna̧lo̧ma, böjȩ jojochobetjö̧. Ja̧danö, suli̧ ömöayo̧danö chichejekwa chömöledö.

Romanos 7:16

Chömöledö, Moisés iwȩyudinama chösöda ötjöma, Jweinö iwȩyudinobe, jö̧ba̧lö. Isabenö jweinö iwȩyudinobe Dios öpöjödi̧ jawa, ja̧danö ötjöbi ja̧ jawa chöpöjöda, Isabenö sula, jö̧ba̧lö chömöledö. Ja̧danö, ötjöma chösöda Moisés iwȩyudinama chömöledö, Otiwa jö̧ba̧lö. Jo̧kwaijayonö, jejenö chomukwatijayonö, yayonö ja̧ chöpöjödi̧ jawada ja̧bo̧sa.

Deuteronomio 10:12

Tupakwö yöawinobe Moisesma, israel jojodönö: —Ja̧danö chömöledö israel jojodö, kwuluwo̧duwi Isabenö Jo̧ Dios ökwödönö wei̧ma, di̧ya? Sule bi̧yada weobe chömöledö: Kwuluwo̧duwi Isabenö Jo̧ Diosnö yebabinö omukwatö, jo̧ba ösödi̧danö ja̧bö ja̧nö, jo̧banö ile nibebö kwösödaduwobö. Ja̧danö okobe jwiinö kwomajadöduwinöbi, kwo̧'woduwinöbi jwaikwöda kwuluwo̧duwi Isabenö Jo̧ Dios ömöayedö kwö̧jaduwobö,

Deuteronomio 4:8

Ja̧danö bi̧ya ökwödönö yötawi̧, duluwo̧ Dios ökwödönö wei̧ jawa kwomukwataduwo chömöledö. Duluwo̧ Diosma okobe jwiinö iteda wei̧ jawa ökwödönö iyö weajabe, okobe jwiinö otiwanö ja̧bö dö̧jakwa̧ otiwanö döwaisakobetjö̧, jö̧tö? Ju'wedöja? Inesö juluwadö tjitebo jojodöbi jwitjobe chömöledö, ökwödö israel jojodöda inesö otiwi̧ weawa juna̧ladösa chömöledö, a̧ja̧kwö dö̧jakobetjö̧, —jö̧ba̧lö yöawinobe Moisesma, israel jojodönö.

1 Timoteo 1:8

Jau Timoteo, döwaisa, Dios weinama otiwa, Dios weinadanö omukwatö yöbawö weditjö̧ma.