Romanos 3:7 - Dios Iwene

⁷ Jau chömöledö, ju'wedö yötja̧lena, Aaa, ötjö sulabenö ja̧ti̧ma, Dios suli̧ jwii̧ weneda i̧sebö yöawobe. Jojodö ötjö sulabenö ja̧ti̧ edö, Diosnö tjomukwatena, Aaa, Diosma wainö jo̧, suli̧ jwibo̧, jö̧ba̧lö. Ja̧danö, Diosnö pjabato̧sa, jö̧ba̧lö, omukwatadö. Ja̧danö, ¿tajawedö lȩebobö Diosma ötjönöma? Lȩebitjö̧ma sulena, jö̧ba̧lö, yötja̧lena.

Romanos 3:7 ပူးပေါင်းရင်းမြစ်များ

Génesis 37:20

Kwabö lobö laju okwa jadonö. Jemi ikenama yödawo, ¡Ayö! Tebo luwo̧ okobe jwiinö ukwajabeta döjawo̧nöma, jö̧ba̧lö. Jejenöma jo̧ba i̧'wi̧dikwinama jweinöma baibökakobe— jö̧ba̧lijadötö José öpöedöma.

Éxodo 14:30

Ja̧ mölema, Isabenö Jo̧ma jejenö Israel jojodönö Egipto jojodötjö tjö̧jibinö pjabatijetö. Ja̧danö, Israel jojodöma edijadötö Egipto jojodö o̧bawö wobajadö, o̧pesobu ö'öbönö lö̧jadönö.

Éxodo 14:5

Ja̧danö, faraónma Israel jojodö 'dötjibaja̧ yötjawi̧ a̧ja̧kwena jo̧bama, iteda ipjea ömöayedöbi Israel jojodönö latjebobö katjatakwawaja̧ jelobekwö omukwatö yöba̧lakwawijadötö: —¡Ayö! tajawedö omukwatökönö latjebobö wedajada, ökwödö wedi̧ tjotidobö weba̧lajidawö̧nöma. Jweinö domukwatijökötö— yöba̧lakwawijadötö.

Éxodo 3:19

Jo̧kwaijayonö jo̧ba omukwatakwa̧ma chöwaisa. Öpöjödö yöa̧lakobe, Latjebobö wetokobe, jö̧ba̧lö. Jejenö omukwatitjö̧ ötjö jwiinö chujuluma chi̧sebocha Israel jojodönö latjebobö weobö.

Mateo 26:34

Yöa̧lökwe, Jesúsma Pedronö yöawinobe: —Isabenö yötawakwö Pedro, makö akala jwöakwa̧ abönö, wa̧pötakwanö yökawakwo̧ja, Jesúsnö wajwitökwe jö̧ba̧lö— yöawinobe.

Hechos 2:23

Ina yöbawijetö: —Ökwödöma sulabedönö weköbaduwijatö ösötenö bȩtjobö Jesúsnöma, ö'wöchinö baibanö. Ja̧ weköbinaduwima Diosma la'akatjöda waisijetö. Diosma la'akatjöda Jesúsnö baledakwa̧ waisö, omukwatö junijetö Jesúsnöma.

Romanos 3:4

Ja̧maökö chömöledö, okobe deinö böjȩ jojodö jö̧tja̧li̧ waekwijayonö, Diosda kabatökönö jö̧a̧li̧danö ja̧bo̧ma chömöledö. Dios iwene wȩyudinama, biya̧ wene iwȩyudinobe, Diosnö iwȩyudenama. Baikwö iwȩyudinobe: Dios, ökwö yöka̧lenama, otiwanö öwawachibakobe, jweinöda yöba̧lo̧ja jö̧ba̧lö. Ja̧danö, lȩekwa luwedö tjöba a'otjö yöka̧lenama, lȩekwa luwedöbi yötjawakwedö, Bitema isabenö jweinö yöba̧lo̧, jö̧ba̧lö, jö̧ba̧lö iwȩyudinobe.