Romanos 3:26 - Dios Iwene

²⁶ Ja̧danö, babema, Jesúsnö ösödadönö jö̧ba̧lo̧ Diosma, Bidöma suli̧ jwibadö, jö̧ba̧lö. Jau chömöledö, Jesúsma woinobetjö̧, Dios suli̧ jwii̧ wenema öwawobe, ja̧danö Dios jojodönö suli̧ jwitjinö ja̧i̧ wenebi öwawobe.

Romanos 3:26 ပူးပေါင်းရင်းမြစ်များ

Isaías 42:21

Jau chömöledö, Isabenö Jo̧ Suli̧ Jwibo̧ Diosma jwaikwöda lȩebo jö̧a̧li̧danö lȩbebo̧. Jo̧kwajabetjö̧ iteda wei̧ yöawobö ösödinobe, —Bi̧ya ökwödönö weti̧ma inesö mikwawi̧, a̧ja̧kwö kwö̧jaduwobö jo̧be, —jö̧ba̧lö.

Isaías 45:21

Jobekwö a̧ja̧kwö, jobadönö dösödi̧ma otiwa jö̧ba̧lö kwomukwataduwitjö̧ma, baikwö abebö cha̧jakwaduwakwö: Bakobe yöba̧lakwawö kwedaduwo, ökwödö kwösödaduwawö̧tjö dite babe baledakwa̧ yöawinojobö, jö̧ba̧lö. Ina baledapji, dite jweinö yöawinada, —Bejenö baledakobe, —jö̧ba̧lö? Kwösödaduwawö̧tjö bakwo̧bi yöawinokobe, jö̧tö? Ötjö Isabenö Jo̧ Diosda babe baledakwa̧ yöbawinama. Ötjödasa Diosbo̧ma, jelo̧ diosbo̧, ötjödajayo̧ma deobe yelösöda. Ötjöda bakwainö otiwanö ja̧bö jo̧sa, ötjöda tjö̧jibinö pjabato̧ma, jelo̧ma deobe.

Lucas 1:80

Juanma otiwanö öda̧peachinobe, ja̧danö o̧'wo̧ luwo̧nö ujuluwachibanö ö̧jinobe, ja̧danö jojodö deobe ö̧jinobe, Israel jojodö tjöba a'otjö yöawakwa̧ möle badekwachenanö kabatö.

Romanos 3:25

Jau chömöledö, Jesúsda woinobetjö̧, Jesúsnö ösödadönö lȩbebö̧kö̧ Diosma. Jejenö ja̧bö i̧sebobe Diosma, iteda suli̧ jwii̧bi, jojodönö suli̧ jwitjinö ja̧i̧bi. Jau chömöledö, damötjö Diosma lȩlö̧jinö edö, jojodö sulabenö ja̧tji̧ lȩebinokobe.

Romanos 3:27

Ja̧danö, bakwo̧, Aaa, otiwo̧sa, ¿jö̧a̧loböma jo̧beji̧? Jwiobe yelösöda chömöledö. Bakwo̧bi deobe iteda ja̧bö suli̧ jwibo̧ baiboböma, bakwo̧bi Dios weina ja̧bo̧ma deobetjö̧. Okobe deinö Jesúsnö ösödöda ichibadö chömöledö. Jo̧kwajabetjö̧ bakwo̧bi ötjöma otiwo̧sa jö̧a̧loböma jwiobe yelösöda, iteda ja̧bö suli̧ jwibo̧ baibokobetjö̧.

Romanos 3:30

Bakwo̧da tjuluwo̧ Diosma, judío jojodöbi, judío jojodöböködöbi. Ja̧danö, judío jojodönöbi, judío jojodöböködönöbi Jesúsnö tjösödobetjö̧ bakwainö suli̧ jwibadö batjibanö ja̧bo̧ Diosma.

Romanos 4:5

Jo̧kwaijayonö, jejenömaökö suli̧ jwibadö babibadöma. Idöda otidibö ichiböködö la'akatjöda. Jau chömöledö, otiwa jawa ja̧böma ichikwokobe. Sule Dios yöawi̧ a̧ja̧kwö ösödöda ichikwobe. Ja̧danö, Diosma jweinö yöbawo̧, jö̧ba̧lö, tjösödiökwe, tjösödi̧ omukwatö jobadö̧ Dios yöawi̧ ösödadönöma yöawobe Diosma, Bidöma otiwadö, suli̧ jwibadö, jö̧ba̧lö.

Romanos 8:33

Ja̧danö, ¿bakwo̧bi ö̧jobeji̧, ökwödö Dios omudawö ujuninawö̧nö wanedö yöawakwo̧ma? ¿Diosma ökwödönö wanedö yöawenaji̧, Bidöma sulabedö, jö̧ba̧lö? Yöbawö̧kö̧ chömöledö, Diosda ida̧ökö yöbawina, Bidöma sulabe jwibadö, jö̧ba̧lö.

Deuteronomio 32:4

Jo̧ba Diosma inesö tjöeba̧la̧wa inawadanöbo̧, ja̧danö okobe jwiinö ja̧bö ö̧ji̧ma, otiwanö ja̧bö jo̧. Jojodönö wainökwena edökönö, bakwainö jweinö edo̧ jojodönö. Jo̧ba dösödökwe Diosma omöna yöba̧lö̧kö̧, ba̧kwelöjatebö jö̧a̧li̧danö ja̧bo̧, ja̧danö la'akatjöda sulabenö ja̧bö̧kö̧.

Apocalipsis 15:3

Ja̧danö, jobadöma jobe ja̧nö lo̧tjobe chedijatö. Ja̧ lo̧tji̧ma, Dios ömöayo̧ Moisésmine lo̧inabi, Obeja Itji̧danö Jo̧ lo̧inabi, ja̧ lo̧tji̧ma. Ja̧ lo̧tji̧ma baikwö laebobe: Duluwo̧ Dios, ökwöma jwiinö juluwo̧ja. Kwujulu i̧sebo̧ja. Kwujulu kwi̧sebobe edö, Ayö, jö̧ba̧lö, yebabinö dö̧jobe, döbajale jalaka baibanö. Kwujulu i̧sebö ja̧köbi̧ma jweinö omukwatö, otiwanö ja̧bo̧ja. Ökwöma ba̧kwȩlö̧jatebö inesö la'aka luwo̧ja.