Romanos 3:17 - Dios Iwene

¹⁷ Ja̧danö jobadö tjö̧ji̧ma, tjo̧'wo̧ söinöma jö̧ködö, sule ölakwabikwawöda ju̧kwadö.

Romanos 3:17 ပူးပေါင်းရင်းမြစ်များ

Isaías 59:8

Ökwödöma wene jwiinö jojodökwö dösölö̧jinö ja̧kwawa wajwibadöja chömöledö, okobe jwiinö ja̧bö kwö̧jaduwi̧ma Dios wei̧ a̧ja̧kwökönö ja̧döja. Isabenö suli̧ waedadöja ökwödö israel jojodöma, baikwö wanedö yöta̧la: Mana kwotidaduwenama, jweinö otidökönö, wi̧su̧amada otidadöja, ja̧danö okobe deinö kwotidaduwaja̧ mananö kwebachadöma, la'akatjöda wene jwiinö otiwanö tjö̧jö̧kakwedö.

Mateo 7:14

Jau chömöledö, ja̧kwawa jawasade apjudema, ja'yuwade, ja̧danö ja̧kwawa manama, wayama, ja̧danö ja'yubeda jojodö jade apjude badekwajadö. Jade ja'yuwadenöda tekachaduwo chömöledö— jö̧ba̧lö wanedö yöawinobe Jesúsma.

Lucas 1:79

yȩa'wo okwa ju̧kwadö woawa juluwawö̧nöma dewinö idejatobö, ja̧danö wene jwiama mana i̧sebobö, wene jwibö ja̧ mananöda otiwanö kwedachakobetjö̧, jö̧ba̧lö yöawinobe Zacaríasma itji̧ Juannö, tupakwö baledakwa̧ yöbawö.

Romanos 3:16

Ju'wibi okobe jwiinö kwetjachobema, suli̧ waedö kwebachadö. Ja̧danö, kwetjachajabe okobema, okobe ju̧kwadö jojodö usula tjemawinö ja̧badö.

Romanos 3:18

Ju'wibi, jweinö yebabinöma omukwatöködö Diosnöma, ¡Ayö! Ju'winö okobe deinö lȩebakwo̧, jö̧ba̧lö. Jejenö laebobe Dios iwenema, böjȩ jojodönöma.

Romanos 5:1

Ja̧danö, ökwödö Jesúsda dö̧jibinö pjabato̧, jö̧ba̧lö dösödiökwe, Diosma jö̧a̧linobe, Chedemi bidöma suli̧ jwibadö, jö̧ba̧lö. Jejenö jö̧a̧linobetjö̧, wene jwibadö otiwanö dö̧jobe Dioskwö. Ja̧ wene jwibadö dö̧ji̧ma, Duluwo̧ Jesucristoda ja̧ina.