Romanos 3:12 - Dios Iwene

¹² Okobe deinö Diostjö 'da̧bachibö tji̧'yinobe, bakobe sulabenö ja̧tjobö. Okobe deinö sulabenö ja̧badö, bakwo̧bi deobe otiwanö ja̧bo̧ma.

Romanos 3:12 ပူးပေါင်းရင်းမြစ်များ

Génesis 1:31

Diosma okobe jwiinö otidaja̧ edinö jwiinö ösödijetö, otiwa, jöba̧lö. Ikenama yi̧böbi yi̧bijetö. Ja̧danö, dewachöbi dewachijetö. Jejenö baibijetö jelemutjö bakwöta mölema.

Éxodo 32:8

Ida̧kö ötjö wetina a̧ja̧kwökönö lotjajabe. Jobadöma orotjö otikwa ökwölanö tubinö tobajadö isobu isa'onö tjotjebinobe, pakaya itji̧danö ichejekwo̧ laebinö. Jemi ikenama o'wo jawa ösödö juwö tjiyajabe a̧ji̧kwakwawedönöma. Ja̧danö, yötjalobe, Ökwödö Israel jojodö dösödökwe dios biteda, jö̧ba̧lö. Biteda Egiptotjö ladebinö öbibö pjabatinama, jö̧ba̧lö, yötja̧lobe— yöbawijetö Isabenö Jo̧ma Moisésnöma. Ina yöbawijetö:

Isaías 53:6

Jau, obejadö le'dewö tji̧'yidanö, okobe deinö ökwödöma bakwo̧nökwena dösödobekwö 'ya̧nö, Diostjö 'da̧bachibö di̧'yajabe, ja̧danö 'da̧bachibö di̧'yiökwe, ökwödönö lȩebo jö̧a̧linobe. Jo̧kwaijayonö, ökwödö dusulama, joba iteda ömöayo̧nöda öwaninobe Isabenö Jo̧ma, jo̧bada lȩekwa emakobetjö̧.

Isaías 59:8

Ökwödöma wene jwiinö jojodökwö dösölö̧jinö ja̧kwawa wajwibadöja chömöledö, okobe jwiinö ja̧bö kwö̧jaduwi̧ma Dios wei̧ a̧ja̧kwökönö ja̧döja. Isabenö suli̧ waedadöja ökwödö israel jojodöma, baikwö wanedö yöta̧la: Mana kwotidaduwenama, jweinö otidökönö, wi̧su̧amada otidadöja, ja̧danö okobe deinö kwotidaduwaja̧ mananö kwebachadöma, la'akatjöda wene jwiinö otiwanö tjö̧jö̧kakwedö.

Isaías 64:6

Okobe deinö kwöba a'otjö yȩbekwadödanö babibadösa chuluwo̧. Ja̧danö otiwanö ja̧badösa jö̧ba̧lö yöda̧li̧jayonö, ja̧di̧ma yȩekwado̧, iwonö lu̧ju pjajawa̧do̧danö ichejekwobe. Ökwödöma towisöja kököachibi̧danö ichejekwadösa, ja̧danö jwa̧le'epjo e'ewibobedanö, sulabenö ja̧bö dö̧ji̧ma jelobekwö badibanö öibawö̧sa.

Romanos 3:11

Ja̧danö, isabenö waisadöbi deobe, Diosnö isakwö ösödadöbi deobe.

Romanos 3:13

Ja̧danö, jojodönö tjö'wötotö jö̧ba̧lö omöna yöba̧ladö, kabatökönö suli̧ tjöwaedotö jö̧ba̧lö omöna yöba̧ladö. Ja̧danö, wanedö yöta̧la: Yötja̧lenama, tjomadeba juna̧ladö a̧ko̧'dö̧ nibadödanö ichejekwadö.

Efesios 2:3

Jau chömöledö, ajayinöma Diosnö öpöjödadö ja̧tji̧danö ökwödöbi okobe deinö sulabenö ja̧bö ju̧kwiadinobe, Diosnö öpöjödö, domajade okwanö sulabe wei̧da ja̧bö. Ökwödö sulabe dösödi̧da, sulabe domukwati̧da ja̧bö ju̧kwiadinobe. Jo̧kwaobetjö̧ ökwödöma Diostjö 'da̧bachibö ja̧döma Dios lȩebi̧tjö lȩebakwawö̧da ji̧nadösa, chömöledö, okobe deinö Diostjö 'da̧bachibö böjȩnö ju̧kwadödanö.

Filemón 1:11

Jo̧ba Onésimonö kwöwaisökwe Filemón, jo̧bama ökwöda midö kweminökwe kwömöayo̧obetjö̧. Isabenö ajayinöma kwömöayo̧ sulabo̧ ö̧jinobe Onésimoma, jo̧kwaijayonö sulabö̧kö̧ babema, isabenö ötjönöbi mikwawo̧ baibajabe, ja̧danö ökwönöbi mikwawo̧ baibajabe.

1 Pedro 2:25

Jau chömöledö, ajayinöma ökwödöma o̧bȩja̧dö le'dewinadödanö kwebachinadöja, jo̧kwaijayonö ökwödönö te'ada̧lo̧ Jesúskwö, kwo̧'wo̧ luwo̧duwinö tjöbeba̧lö te'ada̧lo̧kwö tjekachajinaduwobe.