Ikenama Moisés öba a'o baledö baikwö jwöbijetö: Ötjödasa Isabenö Jo̧ma, ötjödasa Isabenö Jo̧ma. Ötjödasa lȩlö̧jinö edo̧ Diosma, ja̧danö, dö̧sölö̧jinö edö pjabato̧ Diosma. Ja̧danö, ötjödasa jojodönö juluwanö cho̧'wo sulinö edö̧kö̧ Diosma. Ja̧danö, ötjödasa jwiinö ile nibebo̧ Diosma, balewachökönö. Ja̧danö, ötjödasa yöbawö chujuni̧danö ja̧bo̧ Diosma.
Romanos 2:4 - Dios Iwene4 Chömöledö, Diosma lekwe ite'ada̧lobe ökwödönöma. Lȩbebökönö lekwe ite'ada̧lobe, sulabenö ja̧köbaduwijayonö. Ja̧danö ite'ada̧lobema, ¿kwomukwataduwökenaji̧? Diosma lekwe ite'ada̧lobe ökwödönöma, sulabenö kwomukwataduwi̧ kwöbalewachaduwo jö̧ba̧lö, jweinö kwomukwataduwo jö̧ba̧lö. အခန်းကိုကြည့်ပါ။ |
Romanos 2:4
51 ပူးပေါင်းရင်းမြစ်များ
Jo̧kwaijayonö jobekwö baledoböma ösödö̧kö̧ Isabenö Jo̧ma. Jo̧bama o̧'wo 'dibachibö, lekwe teada̧lo̧, ökwödönö dösölö̧jinö pjaatobö ösödobetjö̧. Iteda ujulu i̧sȩbö, ökwödönö lȩlöjinö edobö ösödo̧ chömöledö. Jau chömöledö, Isabenö Jo̧ Diosma, otiwanö ja̧o jö̧a̧li̧danö ja̧bö jo̧, ja̧danö okobe deinö jo̧banö tjo'wo wana̧lö teada̧ladönö isabenö otiwanö pjabato̧, jo̧ba yöawi̧ kwa̧ja̧kwaduwo chömöledö.
Jau chömöledö, Dios ja̧i̧ kwomukwataduwo, Diosma lȩbeböbi lȩbebo̧, ja̧danö lȩlö̧jinö edöbi lȩlö̧jinö edo̧. Mebinadö Israel jojodönöma, lȩbebo̧ Diosma, jo̧kwaijayonö ökwödö Israel jojodöböködönöma lȩlö̧jinö edo̧. Jo̧kwajabetjö̧, ökwödö Israel jojodöböködöma Dios yöawi̧ kwösödaduwo ina ökwödönö lȩlö̧jinö edobö, ja̧danö ökwödönöbi tjebö loapji jö̧ba̧lö.
Diosma isabenö otiwanö lȩlö̧jinö edo̧ chömöledö, otiwa jawa mikwa jwiinö iyö. Isabenö okobe jwiinö waiso̧ Diosma, ja̧danö okobe jwiinö ja̧i̧ma, waisanö ja̧bo̧. Bakwo̧bi deobe okobe jwiinö Dios omukwati̧ waiso̧ma, jweinö labebö lobö yöawo jö̧ba̧lö. Ja̧danö, bakwo̧bi deobe Dios ja̧i̧ waiso̧ma chömöledö.
Jau chömöledö, Diosma mikwa jwiinö otiwa jawa iyö, suli̧tjö dö̧jibanö ja̧inobe, ¿jö̧tö? Ja̧danö, okobe jwiinö Moisés iwȩyudina ja̧bö kwö̧jaduwo, jö̧ba̧lö weinokobe, ¿jö̧tö? Jo̧kwajabetjö̧, ¿dakwö ja̧dakwa̧da chömöledö? Okobe jwiinö Moisés iwȩyudina ja̧bö kwö̧jaduwo, jö̧ba̧lö weinokobetjö̧, ¿jwaikwöda sulabenö ja̧bö dö̧jenaji̧ chömöledö? Jejenömaökö chömöledö.
Ja̧danö, Diosnö atebobe kwo̧'wo̧ luwo̧duwinö do̧batö kwöwaisachibaduwobö Dios ökwödönö jwiinö otiwa jawa iyi̧ma, tjo̧'wo̧ luwo̧ jawa. Chömöledö, Diosma jwöbijetö ökwödönöma iteda ömöledö bakibaduwobö. Ja̧danö, ökwödönö, iteda ömöledö babibadönöma, jwiinö otiwi̧, kwo̧'wo̧ luwo̧duwi jawa iyobö jwöbijetö Diosma ökwödönöma.
Chömöledö, ötjöma ju'wedö Dios ömöledö babibinadötjö baikwönönöda jo̧sa. Jejenöijayonö Diosma ötjönö lȩlö̧jino edö 'da̧batö ujuninobe, judío jojodöböködönö yötawobö, Cristoma jwiinö pjabato̧, jwiinö otiwo̧, jwiinö juluwo̧, jö̧ba̧lö. Ja̧ jawa, Cristo pjaati̧, otiwi̧, ujuluwi̧ jawa kaatiboböma jwibo̧, jö̧ba̧lö, yötawobö 'da̧batö ujuninökwesa.
Jojodö ajayinö wajwitjina wene Diosma iteda ömöledönö i̧sebobö jö̧a̧lobe, inesö otiwi̧ wenema. Ja̧danö ja̧ wenema sule judío jojodönöda i̧sebobömaökö, judío jojodöböködönöbi ja̧ ajayinö wajwitjina wene i̧sebobe chömöledö. Ja̧ wajwitjina wenema biya̧ chömöledö, Cristoma kwo̧'wo̧ luwo̧duwinö ö̧jobetjö̧, inesö otiwobe mölejȩbe kwö̧jaduwakwedöja jö̧ba̧lö.
Jejenö chotidobe kwomajadeduwinö kwujuluwachibaduwakobetjö̧, ja̧danö bakobe kwömöledö Jesúsnö ösödadökwö dötewanö ja̧nö kwösödabikwawaduwakobetjö̧. Jau chömöledö, Dios ajayinö tojö ujuninökwenö kwöwaisaduwobö chösöda, Cristonöda kwöwaisaduwobö chösöda chömöledö, isabenö otiwanö kwöwaisaduwakobetjö̧, Dios i̧tji̧mubedösa jö̧ba̧lö.
Jo̧kwaijayonö Diosma lȩlö̧jinö edinobe ötjönöma. Jau, Cristo Jesús kabatökönö o̧'wo̧ 'dibachibö lȩlö̧jinö edi̧ma öwaetjöda öwawo jö̧ba̧lö, Diosma ötjönö, sulabedötjö o̧penönö sulabenö ja̧binanö lȩlö̧jinö edinobe. Ja̧danö, o̧'wo̧ 'dibachibö lȩlö̧jinö edinobe ötjönöma, ju'wedöma edö tjöwaisachibobö, Aaa, Cristo Jesúsma isabenö kabatökönö o̧'wo̧ 'dibachibö sulabenö ja̧badönö lȩlö̧jinö edo̧, jö̧ba̧lö. Ja̧danö jobadöbi ösödö ba̧kwȩlö̧jatebö ja̧kwawa juna̧ladö batjibakobetjö̧, ötjönö lȩlö̧jinö edinobe Duluwo̧ma.
Cristonö ösödadötjö balada luwedönö baikwö yöbawidönö Timoteo, Aaa, ju'wedönötjö o̧penönöbedösa, jö̧ba̧lö tjomukwatokobö. Ja̧danö, böjȩ jawa tjujuna̧li̧, tupakwö jwiakwa̧ jawa tjujuna̧li̧ma tjo̧'wo̧ tjöwana̧lokobö yöbawidönö, Diosnöda tjo̧'wo̧ tjöwana̧lobö jo̧be. Jau, jo̧ba Diosda okobe jwiinö ökwödönö iyo̧ma, do̧'wo̧ ösöwanö dö̧jobö.
Jau chömöledö, kwöwaisaduwa, dö̧jibinö pjabato̧ Duluwo̧ Jesucristoma, la'aka luwo̧ ja̧nö yöbawö ö̧jakobe, ja̧danö ökwödö jo̧banö ösödadöma jo̧bakwö dö̧jakwedösa, ¿jö̧tö? Ja̧danö chömöledö, ju'wibi yötawaduwakwö, yötawaja̧danö jwaikwöda ja̧bö kwö̧jaduwobö kwisakwaduwitjö̧ma, jobe tekachaduwenama Diosma isabenö jwiinö otiwanö ökwödönö iyakobe, ina böjȩnö kwö̧jaduwayi chösödi̧danö otiwanö ja̧bö ji̧nadöja jö̧ba̧lö.
Ja̧danö Duluwo̧ juluwanö ichökö wenema, baikwö kwomukwataduwobö jo̧be, Ba̧jekwadö tjö̧jibobö ite'ada̧lobetjö̧ juluwanö ichö̧kö̧, jö̧ba̧lö. Jau chömöledö ökwödönö chiwȩyudi̧danö, dösödökwe döjawo̧ Pablobi iwȩyudinobe, Duluwo̧ yemidanö ichakwa̧ jawama. Jau chömöledö, Diosma Pablonö ja̧ jawa waisanö omukwatobö iyinobe,
Ja̧danö ju'wedö jo̧banö tjomukwatobe, Aaa, Duluwo̧ma iteda yöbawö ujuninadanöma juluwanö yemidanö ichö̧kö̧, juluwanö ichatjö̧bö, jö̧ba̧lö tjomukwatobe. Jo̧kwaijayonö, ja̧maökö chömöledö, ökwödö böjȩ jojodönö lȩlö̧jinö edobetjö̧, juluwanöma ichokobe chömöledö. Jau chömöledö, bakwo̧bi Dios lȩebi̧tjö emoböma öpöjöda Duluwo̧ma, okobe deinö sulabenö tjomukwati̧ kabatibö tjöbalewachobö ösödo̧. Ja̧danö jejenö ösödobetjö̧ juluwanöma ichokobe, ju'wedöbi sulabenö tjomukwati̧ kabatibö tjöbalewachakobetjö̧.
ကြော်ငြာတွေ