Romanos 2:20 - Dios Iwene

²⁰ Ja̧danö, wajwibadönö jwebebo̧sa, tjemunöbi waisato̧sa, jö̧ba̧lö, kwomukwataduwena ökwödö judío jojodöma. Dios weina kwujuna̧laduwobetjö̧, okobe jwiinö waiso̧sa, okobe jwiinö jweinöda yöbawo̧sa, jö̧ba̧lö, kwomukwataduwena, ökwödö judío jojodöma.

Romanos 2:20 ပူးပေါင်းရင်းမြစ်များ

Mateo 11:25

Ja̧ möle, Jesúsma Diosnö aebinobe baikwö: —Chabe'do, mölejȩbe ju̧kwadöbi, böjȩnö ju̧kwadöbi tjuluwo̧ja. Chabe'do, otiwanö biya̧ jawa kwotoja̧lajabe, waisadöbi, nöinö waisachadöbi tjöwaisapji jö̧ba̧lö, jo̧kwaijayonö jobadö wajwitjijayonö, waisachöködönö otiwanö kwi̧sebajabe, ja̧danö jejenö kwi̧sebobetjö̧, otiwanö i̧sebo̧ja jö̧ba̧lö yötawakwö Chabe'do.

Romanos 2:19

Jau chömöledö, jejenö kwöwaisaduwobetjö̧, Aaa, ju'wedönötjö o̧penönö waisadösa, jö̧ba̧lö kwomukwataduwena. Ja̧danö, ju'wibi, kwomukwataduwi̧ wanedö yötawa: Baikwö kwomukwataduwena, Ötjöma judioso̧ma, tjöbajale tjewawadönö tötöba̧lö pjabato̧sa. Ja̧danö yȩa'wo okwa ju̧kwadönö otiwanö dewinö dejatinö jo̧sa, jö̧ba̧lö.

Romanos 3:31

Jau chömöledö, Jesúsnö ösödöda dö̧jibobe, Moisés iwȩyudina ja̧bömaökö. Jo̧kwaijayonö, Moisés iwȩyudinama mikwawökö, jö̧ba̧lö, lodibokobe chömöledö. Wainö, Moisés iwȩyudinama otiwa, jwea, jö̧ba̧lö, yödawobe.

Romanos 6:17

Ja̧danö, ökwödöma ajayinöma suli̧ ömöayedödanö kwuju̧kwinaduwobe. Jo̧kwaijayonö, suli̧ ömöayedödanö kwuju̧kwaduwemi ja'ötjö, Dios iwene kwa̧ja̧kwinaduwobe. Ja̧danö, isabenö wene a̧ja̧kwibö, jwaikwöda Dios iwene kwösödinaduwobe chömöledö.

1 Corintios 3:1

Chömöledö, ökwödö Corintionö ju̧kwadö Jesúsnö ösödadönö yötawenama, ju'wedö Dios O̧'wo̧ Luwo̧nö juna̧ladönö yötawi̧danö yötawobö jö̧ta̧lijayonö, waekwijatö. Jejenö yötawoböma jwiijatö chömöledö. Jau chömöledö, ökwödönö yötawenama, böjȩ jojodönö yötawi̧danö, ja̧danö iya̧nö Cristonö ösödadönö yötawi̧danö yötawijatö.

2 Timoteo 1:13

Jejenö jo̧be Timoteo, jo̧kwajabetjö̧ baikwö wetakwö Timoteo: Jweinö ökwönö ba̧ja̧dö yötawinadanö ja̧bö ja̧wi. Cristo Jesúskwö dötewanö ja̧nö, Cristonö ösödö kwö̧jo, ja̧danö ösödabikwawö kwö̧jo.

2 Timoteo 3:5

Jobadöma wamenö Diosnö ösödadödanö tjichejekwakobe Timoteo, jo̧kwaijayonö jejenö tjichejekwijayonö, okwanö tjöpöjödakobe, Dios ujulu jwia jö̧ba̧lö. Jobadötjö 'da̧bachibö ja̧wi Timoteo,

Tito 1:16

Jobadöma, Aaa, Diosnö waisadösa. jö̧ba̧lö yötjawijayonö, ja̧tji̧ma wainö i̧sebö yöbawadö, Diosnö öpöjödadösa, jö̧ba̧lö. Ja̧danö, jobadöma sulabedö, Dios wei̧ a̧ja̧kwökönö ja̧badö, ja̧danö ja'yubebi otiwanö ja̧bö tjuju̧kwoböma jwibadö.

Hebreos 5:13

Ja̧ wanedö yötawaja̧, tjemu ina da̧peachöködödanö da̧peachöködöja, jö̧ba̧lö, wanekwachobe. Ina Dios iwene kwa̧ja̧kwaduwijayonö waisachiböködöja. Ja̧danö, ina Dios iwene a̧ja̧kwö kwö̧jaduwi̧ ö'wiawakwawö̧jö̧nö kwomukwataduwobö wajwibadöja, Biya̧ma otiwa, biya̧ma sula, jö̧ba̧lö.

Santiago 3:1

Chö̧ja̧wo̧dö, ökwödö Jesúsnö ösödadöma okobe deinö ju'wikwenama ju'wi jawa, ju'wi jawabi, jelobekwö domukwatobe, jweinömaökö. Jejenö ökwödö yöda̧li̧bi yelösöda jelobekwö omukwatö yöda̧lobe. Jejenö ju'wikwenama jelobekwö omukwatö yöda̧lobetjö̧ yötawaduwakwö. Dios iwene yöbawadö bakibaduwobö kwösödaduwitjö̧ma kwomajadeduwinö ö'wiakwalö̧jönö kwomukwataduwobö jo̧be. Omukwataduwi. Diosma iteda iwene yöbawadö bakwo̧nökwena tjö̧jina edobe ¿chiwenema jweinö yötjawobeji̧? jö̧ba̧lö. Jau chö̧ja̧wo̧dö. Ju'wi möle, Dios lȩekwa yöawi̧ möle badekwachena Diosma ökwödö iteda iwene yöbawadö bakwo̧nökwena dö̧jina edö aebakobe ¿kwö̧ja̧wo̧dönö jweinö yökawinaji̧ chiwenema? jö̧ba̧lö. Isabenö chö̧ja̧wo̧dö, ökwödö Dios iwene yöbawadönö ju'wedö Jesúsnö ösödadönötjö o̧penönö eda̧lobe Diosma, dö̧ji̧ma, iteda iwene yödawobetjö̧. Isabenö, bakwo̧ ba̧kwȩlö̧jatebö jweinö omukwatö yöba̧lo̧ma yelösöda jo̧bama otiwanö da̧peachö jo̧, Dios ö̧jobö ösödi̧danö. Ja̧danö, jo̧ba otiwanö omukwatö yöba̧lo̧ma, ju'wi jawabi, okobe jwiinö ö̧ji̧ma jweinöda omukwatö jo̧. Jo̧bama sulabenö ja̧inö öibökökwe. Chö̧ja̧wo̧dö otiwanöda yöda̧lobö jo̧be, Dios dö̧jobö ösödi̧da ja̧nö, da̧peachö.

1 Pedro 2:2

Jau chömöledö, ja̧ jawa kabatibö, balekwa̧da kwösödaduwo chömöledö. Wanedö yötawa, tjemu iya̧nö tjeminawö̧danö, kwo̧'wo̧ luwo̧ jawa lechedanö ji̧ma kwösödaduwo chömöledö, otiwanö kwöda̧peachaduwobö.