Romanos 2:19 - Dios Iwene

¹⁹ Jau chömöledö, jejenö kwöwaisaduwobetjö̧, Aaa, ju'wedönötjö o̧penönö waisadösa, jö̧ba̧lö kwomukwataduwena. Ja̧danö, ju'wibi, kwomukwataduwi̧ wanedö yötawa: Baikwö kwomukwataduwena, Ötjöma judioso̧ma, tjöbajale tjewawadönö tötöba̧lö pjabato̧sa. Ja̧danö yȩa'wo okwa ju̧kwadönö otiwanö dewinö dejatinö jo̧sa, jö̧ba̧lö.

Romanos 2:19 ပူးပေါင်းရင်းမြစ်များ

Proverbios 26:12

Ja̧danö, ju'wibi yötawa: Isabenö, jweinö omukwatö̧kö̧nö pjatjatoböma jo̧be, omukwati̧ öbalewachibanö. Jobekwö pjaatobö jwiyobe jelo̧nö, ötjöma waiso̧sa jö̧ba̧lö omukwato̧nöma. Jao, ötjöma waiso̧sa jö̧ba̧lö omukwato̧nö pjatjatoböma jwiyobe, ja̧danö, omukwati̧ma la'akatjöda öbalewachökakwo̧. Ja̧danö, jobadötjö dujutajama, jweinö omukwatö̧kö̧nöda pjatjatobö jo̧be, omukwati̧ öbalewachibanö.

Isaías 49:6

—Ötjö chömöayo̧ ja̧nö, Jacob itji̧mu tupadanö jojodö sasokwena jojodönö, yemidanö ajayi tjitebonö Israel nijinö tjö̧jobö tjekatobö otiwa. Jo̧kwaijayonö ja̧ otikwa otiwijayonö, ja̧ otikwadama ba̧jȩkwachökena, jemi tupakwöbi kwotidobö chösöda. Jo̧kwajabetjö̧ ju'wibi tjitebotenia jojodönö dejato̧ bakibanö chujunakwo̧sa, tjö̧jibinö pjatatakwa̧ma, bö̧jȩ bakwachö̧jȩ ju̧kwadönöbi tjö̧jibinö pjatatakobetjö̧, —jö̧ba̧lö babe yöawobe ötjönö, jö̧ba̧lö laebobe Dios ömöayo̧ yöa̧li̧ma.

Isaías 5:21

Isabenö usula tjemawakwedö, —Waisanö omukwatadösa, okobe jwiinö waisakwawa jawa waisadösa, —jö̧ba̧lö sulabenö omukwatadöma.

Isaías 56:10

Jau, wene jwiinö kwujuluwaduwobö jo̧be, israel jojojodötjö eda̧lö tjöbeba̧ladöma tjöbajale tjewawadö tjö̧jobetjö̧, ja̧danö bakobe wajwibadö tjö̧jobetjö̧. Jau, jobadöma awi̧li̧dö wi̧ibedö, luböködödanö ichejekwadö, labidö tjichiawö lutjo jö̧tja̧lijayonö, luböködö. Jau, eda̧lö tjöbeba̧lökönö, bakobe bamatö, abibö tji̧'wi̧dikwobö ösödadö.

Mateo 4:16

Jobadö yȩa'wo okwa ju̧kwinadöma inesö dewi̧ tjedajabe, ja̧danö Diosnö tjöpöjödinobetjö̧ jobe bakwaida yȩa'woda ji̧najayonö, dewinö dejatajabe, jö̧ba̧lö wanedö iwȩyudinobe Isaíasma.

Mateo 5:14

Ja̧danö, ökwödöma dejewa'yu̧danö ichejekwadöja böjȩtjöma, otiwanö ja̧bö ja̧nö kwidejataduwo jö̧ba̧lö. Kwöwaisaduwa chömöledö, comunidad mö'ösa'o wa̧pekwa'otjö tjotiditjö̧ma, otiwanö öwawobe, ja̧danö tojawa jwii̧, ¿jö̧tö?

Mateo 6:23

jo̧kwaijayonö, kwöbajaleduwi sulitjö̧ma, okobe jwiinö kwiteba'oduwima yȩa'wo okwa jo̧bedanö ichejekwa, ¿jö̧tö? Ja̧danö chömöledö, Aaa, otiwanö edadösa jö̧ba̧lö kwomukwataduwijayonö sulabenö kwedaduwitjö̧ma, yȩa'wo okwa kwö̧jaduwi̧ma isabenö jwiinö yȩobe— jö̧ba̧lö yöawinobe.

Marcos 10:15

Isabenö yöta̧laduwakwö: Bakwo̧, tjemu Diosnö tjösödi̧danö ösödö jö̧kö̧ma, Dios La'aka Luwo̧ ö̧jobekwö teachökakwo̧—jö̧ba̧lijetö Jesúsma iteda öba̧ja̧di̧ waisachadönöma.

Lucas 1:79

yȩa'wo okwa ju̧kwadö woawa juluwawö̧nöma dewinö idejatobö, ja̧danö wene jwiama mana i̧sebobö, wene jwibö ja̧ mananöda otiwanö kwedachakobetjö̧, jö̧ba̧lö yöawinobe Zacaríasma itji̧ Juannö, tupakwö baledakwa̧ yöbawö.

Juan 9:34

Jejenö jö̧a̧lawö̧, tjöpöjödinobe: —Ökwöma ökwödö, waisadönö ¿kwöba̧ja̧diji̧? Ökwöma sulabo̧ja. Kwojo'do jeminena baikwö sulabo̧ja. ¿Dakwö kwöba̧ja̧dobö ökwödönöma?— jö̧tja̧linobe. Ja̧danö, jejenö jö̧ba̧lö labebö lotjinobe jo̧banö, judío jojodö ba̧nö tja̧ja̧kwejutjö.

Hechos 26:18

Jobadöma tjöbajale tjewawadödanö tjuju̧kwobe, tjo̧'wo̧ luwo̧ jawama. Jobadönö, yȩa'wo okwa ju̧kwadönö yökawobö wetokwöcha, jobadöma yȩa'wo okwatjö labebö dewinö ju̧kwadö batjibobö. Jobadöma, Awetja ösödi̧ ja̧bö tjuju̧kwi̧tjö kabatibö Dios ösödi̧da ja̧bö tjuju̧kwobö wetokwöcha. Ja̧danö ötjönö tjösöditjö̧ma tjusuli̧ söbebö loakobe Diosma. Ja̧danö jobadöma suli̧ jwibadö batjibinö Dios ja̧inawö̧danö jobadöbi batjibakobe, suli̧ jwibadö batjibakwedöma. Jejenö jö̧ba̧lö iwene jwöi̧ma cha̧ja̧kwijatö, chuluwo̧—jö̧ba̧lijetö Pabloma la'aka luwo̧ Agripanöma.

Romanos 2:18

Dios weina kwujuna̧laduwobetjö̧, Dios ösödi̧ma kwöwaisaduwena, ja̧danö okobe jwiinö biya̧ma otiwa, biya̧ma sula, jö̧ba̧lö kwöwaisaduwena.

Romanos 2:20

Ja̧danö, wajwibadönö jwebebo̧sa, tjemunöbi waisato̧sa, jö̧ba̧lö, kwomukwataduwena ökwödö judío jojodöma. Dios weina kwujuna̧laduwobetjö̧, okobe jwiinö waiso̧sa, okobe jwiinö jweinöda yöbawo̧sa, jö̧ba̧lö, kwomukwataduwena, ökwödö judío jojodöma.

1 Corintios 3:18

Chömöledö, isa̧ökö jawa omukwatökönaduwi. Ökwödötjö bakwo̧, Aaa, waiso̧sa, böjȩ waisakwawa jawa waiso̧sa jö̧ba̧lö omukwatitjö̧ma, wajwibo̧danö baibobö jo̧be. Jejenö wajwibo̧danö baibobö jo̧be, isabenö waisakwawa jawada waiso̧ baibo jö̧ba̧lö.

1 Corintios 4:10

Jau chömöledö, Cristo ömöledödobetjö̧, wajwibadödanö dichejekwa. Jejenö dichejekwonö, ökwödö Cristo ömöledö ja̧nö, Aaa, waisadösa jö̧ba̧lö kwomukwataduwobe. Ja̧danö, dujulu jwibadödanö dichejekwijayonö, ökwödöma Aaa juluwadösa jö̧ba̧lö kwomukwataduwobe. Ja̧danö, ju'wedö ökwödönö Aaa, jobadö Corintio jojodöma otiwadö jö̧ba̧lö tjomukwatonö, ökwödönö sulabedö jö̧ba̧lö tjomukwatobe.

Filipenses 2:15

ökwödöma wene jwiinö, ja̧danö sulabe jwiinö böjȩnö kwö̧jaduwakobetjö̧. Jau chömöledö, ökwödöma sulabedö tjö'da̧detjö, jwaikwöda sulabenö ja̧badö tjö'da̧detjö kwö̧jaduwijayonö, Dios i̧tji̧mu sulabe jwibadö kwö̧jaduwo. Jau chömöledö, wanedö yötawa, böjȩ jojodö tjö'da̧de ja̧nö, ökwödöma dejewa'yu̧ ubi̧danö kwidejataduwo,