Romanos 16:5 - Dios Iwene

⁵ Ja̧danö, ju'wedö Cristonö ösödadö Aquilabi, Priscabi tjejunö ko̧ko̧kwö ba̧jadönöbi dokwa ateba. Ja̧danö, chösödökwe chömöledöso̧ Epenetonöbi dokwa ateba. Jo̧ba Epenetoma, Asia niji ju̧kwadötjö Cristonö ajayinö ösödina.

Romanos 16:5 ပူးပေါင်းရင်းမြစ်များ

Mateo 18:20

Jau chömöledö, ötjönö tjösödobetjö̧ du̧ju̧tajaena wa̧medukwaena tjoko̧ko̧kwenama, ötjöbi jobadökwö jo̧sa— jö̧ba̧lö Jesús yöawinobe.

Hechos 16:6

Ikenama Pablo, Silas, Asiabe yöbawö tji̧'yo jö̧tja̧lijayonö Dios O̧'wo̧ Luwo̧ma webijökötö jobe tji̧'yoböma. Jo̧kwaobetjö̧ jobe kwebachökönö jelobe, Frigia nijibi, Galacia nijibi baledö

Hechos 18:12

Ja̧danö, ja̧ mölema Roma la'aka luwo̧, gobernadordanö otido̧, Galión mikwo̧ webö ji̧jetö. Webö ö̧jena, judío jojodöma bakwainö tjo̧'wo̧ sulinö edö omukwatajadöma Pablonö do̧batibö öbibö 'yi̧jadötö gobernador Galión lȩekwa yöbawö wa̧kwawakanö ö̧bobekwö. Pablonö Galión öba a'otjö tjujunobö öbibö 'yi̧jadötö.

Hechos 18:27

Jemi ikenama Apolosma: —Acayabe yöbawö chi̧'yobö jö̧ta̧la— jö̧ba̧lijetö. Jejenö jö̧a̧liawö̧ Éfesonö ju̧kwadö Jesúsnö ösödadöma ösödijadötö, Jau 'ya̧wi jobetjö yökawo, jö̧ba̧lö. Ja̧danö, jobadöma kwialusöja wȩyudijadötö Acayanö ju̧kwadönö, Apolos jobe ichena otiwanö tjösödobö. Ikenama Apolosma Acayabe 'ya̧jo̧ otiwanö yöbawö pjabatijetö jobe ju̧kwadö Jesúsnö ösödadönöma, Dios lȩlö̧jino edawö̧ Jesúsnö ösödinadönöma.

Hechos 2:9

Ökwödöma, jelobetjöbi jelobetjöbi dichinobe. Ökwödötjö ju'wedöma Partia nijitjö ichinadö, ju'wedöma Media nijitjö ichinadö ju'wedöma Elam nijitjö ichinadö, Mesopotamia nijitjö ichinadö, Judea nijitjö ichinadö, Capadocia nijitjö ichinadö, Ponto nijitjö ichinadö, Asia nijitjö ichinadö— jö̧bekwa̧lijadötö—.

Romanos 11:16

Chömöledö, wanedö yötawa: Bakwo̧ pan otidenama, ajayisapja̧da 'da̧batö ujunena, Diosnö iyawa baibanö, ¿jö̧tö? Jo̧kwaijayonö, ajayisapja̧da iyijayonö, ja̧ pan okobe jwiinö Dios u̧kwada baibobe. Ja̧danö, ju'wi wanedö yötawa: Bakwo̧ towi bö'dia Diosnö iyitjö̧ma, jowi towi okobe jwiinö Dios u̧kwa towi baibobe. Jau chömöledö, la'aka jawa Dios u̧kwaobetjö̧, dötewinö ji̧ jawabi Dios u̧kwa jo̧be.

Romanos 15:26

Jau chömöledö, Jesúsnö ösödadö Macedonianö ju̧kwadöma, Acayanö ju̧kwadöbi tja̧ja̧kwinobe, Jerusalénnö ju̧kwadö Jesúsnö ösödadöma usula emawadö, jö̧ba̧lö. Jejenö usula tjemawi̧ wene a̧ja̧kwö, pjatjatobö tjomukwatinobe. Ja̧danö, jobadönö pjatjatobö tjösödobetjö̧, balada 'da̧batö tjujuninobe, Jerusalénnö ju̧kwadö Jesúsnö ösödadötjö usulasedönö tjiyobö.

Romanos 16:12

Duluwo̧ wei̧ jawa otidadö Trifenanöbi, Trifosanöbi dokwa ateba. Ja̧danö, chösödoko chömöledösuju Pérsidanö dokwa ateba, jobujuma nöinö otiduju Duluwo̧ wei̧ jawama.

Romanos 16:4

Ja̧danö, ötjökwö otidö, jobadöma debö tji̧'yo jö̧tja̧linobe, ötjönö sulabenö ja̧badötjö chö̧jibobö pjatjatinobetjö̧. Jejenö pjatjatinobe omukwatö, jobadönö chösöda, Otiwanö pjabatinadö, jö̧ba̧lö. Ja̧danö, okobe deinö ju'wedö judío jojodöböködö Jesúsnö ösödadö tjoko̧ko̧kwena ju̧kwadöbi, jobadönö tjösödobe ja̧danö, ötjönö pjatjatinobetjö̧.

Romanos 16:6

Ja̧danö, Maríanöbi dokwa ateba. Jobujuma nöinö otiduju, ökwödö Roma jojodönö pjajatobö.

Romanos 16:8

Ja̧danö, Ampliasnöbi dokwa ateba, jo̧banö nöinö chösödökwe, Dios ömöledöso̧ jö̧ba̧lö.

1 Corintios 16:15

Chömöledö, Estéfanas mikwo̧nö, jo̧ba ömöledönöbi kwöwaisaduwa, Acaya niji ju̧kwadötjö ajayinö Jesúsnö ösödinadö jobadöma jö̧ba̧lö. Ja̧danö, jobadönö kwöwaisaduwa, jwaikwöda Dios ömöledönö pjatjatotö jö̧ba̧lö otidadö jö̧ba̧lö.

1 Corintios 16:19

Asia niji ju̧kwadötjö Jesúsnö ösödadö ko̧ko̧kwö tjö̧baji̧tenia ju̧kwadöma ökwödönö dokwa jö̧ba̧lö detjawobedanö yötja̧la chömöledö. Ja̧danö, Aquilabi, ilekwo Priscabi, Aquila ejunö ko̧ko̧kwadö Jesúsnö ösödadöbi ökwödönö ösödö dokwa jö̧ba̧lö detjawobedanö yötja̧la, bakobe Jesúsnö ösödadösa jö̧ba̧lö.

2 Corintios 1:1

Dokwa chömöledö. Ötjöma Pablosa, ja̧danö iteda ösödi̧danö Diosda 'da̧batö ujuninökwesa, Cristo Jesús webawo̧ batibanö. Chömöledö, döjawo̧ Timoteokwö ja̧nö, böja kwialusöja wȩyudö weta ökwödö Dios ömöledönö, Acaya nijitjö Corintio comunidadnö ko̧ko̧kwö ba̧jadönöbi, ju'wedö Acaya nijinö ju̧kwadönöbi.

Colosenses 4:15

Ja̧danö Laodicea comunidadnö ju̧kwadötjö Jesúsnö ösödadönöbi, Ninfas mikwujunöbi, Ninfas jejutjö ko̧ko̧kwö ba̧ja̧dö Jesúsnö ösödadönöbi yökawaduwo, Pabloma deawobedanö dokwa jö̧ba̧lö aebobe jö̧ba̧lö.

Filemón 1:2

dömöledösuju Apia mikwujunöbi, ökwödökwö Duluwo̧ yöawi̧ yöbawö otido̧ Arquipo mikwo̧nöbi, ju'wedö Jesúsnö ösödadötjö Filemón ejunö ba̧nö ko̧ko̧kwadönöbi.

Santiago 1:18

Jau chö̧ja̧wo̧dö, Diosma otiwanöda iyo̧. Ja̧danö, jo̧ba otiwanöda iyo̧ma ökwödönö otiwanö pjabatö weinobe iteda iwene, isabenö ji̧ wenema. Ja̧ iwenema ökwödö dö̧jibinö pjaati̧ wene, chö̧ja̧wo̧dö. Ja̧danö, ja̧ wene a̧ja̧kwö dösödinobetjö̧ yemidanö döbötjachijatö do̧'wo̧ luwo̧nö, iteda i̧tji̧mu, jwiinö mikwawadö babibö. Jejenö ösödinobe Diosma, iteda isabenö iwene a̧ja̧kwö dösödobö, iteda i̧tji̧mu babibö. Yelösöda Diosma otiwanö pjaatinobe ökwödönö, jo̧ba otidinatjö o̧penönö mikwawadö badibinö. Ja̧danö, Diosma iteda okobe jwiinö otidinatjö ökwödönö edö yöa̧lobe, Bidö chi̧tji̧muma jwiinö mikwawadö, jö̧ba̧lö. Isabenö chö̧ja̧wo̧dö, okobe jwiinö Diostjö ichi̧ma otiwobe.

3 Juan 1:1

Gayo dokwa. Ötjöma Jesúsnö ösödadö tjuluwo̧sa. Ja̧danö, te'ada̧lakwawa jojosa. Ja̧danö, böja kwialusöjama ökwönö chiwȩyuda Gayo, Jesústjö chöjawo̧ chösödökwenöma. Gayo, ökwönö ile nibebo̧sa bakwainö Dios yöawi̧, isabenö ji̧ iwenema dösödobetjö̧.

Apocalipsis 14:4

Jobadö ciento cuarenta y cuatro ömadöma, isujukwö la'akatjöda jö̧ködö. Jobadöma, Diosnöda ösödö, jo̧ba wei̧da a̧ja̧kwö, ju̧kwadö. Ja̧danö, jobadöma Obeja Itji̧danö Jo̧ ökömanö kwebachadö. Ja̧danö, jobadöma böjȩnö ju̧kwadötjö ajayinö Dios omudawö eminawö̧. Batjo junawatjö ajayinö wa̧ji̧, damötjö wainö Diosnö tjiyinadanö, jobadöma Diosnöbi, Obeja Itji̧danö Jo̧nöbi ajayinö omudawö iyawinadö.