Romanos 16:3 - Dios Iwene

³ Chömöledö Aquilanöbi, ilekwo Priscanöbi dokwa ateba. Jobadöma ötjökwö otidadö Cristo Jesús weina jawama.

Romanos 16:3 ပူးပေါင်းရင်းမြစ်များ

Hechos 18:26

Ja̧danö, Éfesonö ja̧nö Apolosma judío jojodö yötjaweju okwa tebachö yebabökönö yöbawijetö. Jobe ja̧nö Aquila, Prisila, a̧ja̧kwijadötö Apolos yöawi̧ma. Tja̧ja̧kwaja̧ ikena, jobadöma Apolosnö tjejube öbibö ȩwa̧jijadötö. Ȩwa̧jadöma Apolosnö jemi tupakwö Dios jojodö tjö̧jibinö pjaatina wene yöbawijadötö.

Romanos 16:10

Ja̧danö, Apelesnöbi dokwa ateba, jo̧bama öwaetjöda i̧sebinobe Jesúsnö ösödi̧ma, ja̧danö Aristóbulo ömöledönöbi dokwa ateba.

Romanos 16:4

Ja̧danö, ötjökwö otidö, jobadöma debö tji̧'yo jö̧tja̧linobe, ötjönö sulabenö ja̧badötjö chö̧jibobö pjatjatinobetjö̧. Jejenö pjatjatinobe omukwatö, jobadönö chösöda, Otiwanö pjabatinadö, jö̧ba̧lö. Ja̧danö, okobe deinö ju'wedö judío jojodöböködö Jesúsnö ösödadö tjoko̧ko̧kwena ju̧kwadöbi, jobadönö tjösödobe ja̧danö, ötjönö pjatjatinobetjö̧.

Romanos 16:7

Ja̧danö, ötjöda chömöledö judío jojodö Andróniconöbi, Juniasnöbi dokwa ateba. Jobadöma ötjökwö ka̧lena ba̧jinadö, ja̧danö okobe deinö Jesús webawedöma tjöwaisawö̧ Andróniconö, Juniasnö, Otiwanö Duluwo̧ wei̧ ja̧badö, jö̧ba̧lö. Ötjötjö abönö Cristonö ösödinadö jobadöma.

Romanos 16:9

Ja̧danö, Urbano, ötjökwö Cristo jawa otido̧nöbi dokwa ateba, ja̧danö chösödökwe Estaquisnöbi dokwa ateba.

Romanos 8:1

Ja̧danö chömöledö, babema Cristo Jesúskwö a̧jö dö̧jobetjö̧ bakwo̧bi deobe ökwödönö yöba̧lo̧ma, Bidöma sulabedö, Dios lȩebakwawö̧, jö̧ba̧lö.

Romanos 8:11

Jau chömöledö, Diosma Cristo Jesúsnö woawatjö tjeachajinö ja̧inobe. Ja̧danö, jo̧ba, Cristonö yemidanö tjeachajinö ja̧bina O̧'wo̧ Luwo̧da ökwödö kwo̧'wo̧ luwo̧duwinö ö̧jobe babema, ökwödönö ja̧kwawa iyö. Ja̧danö, kwo̧'wo̧ luwo̧duwinö ja̧nö, ja̧kwawa iyobetjö̧, kwiteba'oduwi ja̧kwawa jawabi iyobe ichejekwa. Jau, Cristo iteba'o woawatjö tjeachajinö ja̧inadanö, ökwödö kwiteba'oduwibi woawatjö tjeachajinö ja̧obedanö jo̧be chömöledö.

Romanos 8:2

Jau chömöledö, Jesúskwö a̧jö dö̧jobetjö̧, O̧'wo̧ Luwo̧ Dios ujulunöda dö̧jibinobe. Dios O̧'wo̧ Luwo̧ ujulunöda, sulabe dujuna̧li̧tjöbi, woawatjöbi dö̧jibinobe chömöledö. Ja̧danö, jejenö dö̧jibinobetjö̧, ba̧kwȩlö̧jatebö ja̧kwawa dujuna̧lobe babema Cristo Jesúskwö chömöledö.

1 Corintios 16:16

Ja̧danö, baikwö atebaduwakwö chömöledö: Jobadönö kwösödaduwo kwuluwedöduwi jö̧ba̧lö, ja̧danö ju'wedö jobadöjayedö Dios ömöledönö pjatjatotö jö̧ba̧lö otidadönöbi jejenö kwösödaduwobö atebaduwakwö chömöledö.

1 Corintios 16:19

Asia niji ju̧kwadötjö Jesúsnö ösödadö ko̧ko̧kwö tjö̧baji̧tenia ju̧kwadöma ökwödönö dokwa jö̧ba̧lö detjawobedanö yötja̧la chömöledö. Ja̧danö, Aquilabi, ilekwo Priscabi, Aquila ejunö ko̧ko̧kwadö Jesúsnö ösödadöbi ökwödönö ösödö dokwa jö̧ba̧lö detjawobedanö yötja̧la, bakobe Jesúsnö ösödadösa jö̧ba̧lö.

2 Corintios 12:2

Jau chömöledö, bakwo̧ Cristonö ösödo̧nö chöwaisa, ja̧danö jo̧banö baledina baikwö yötawa. Damötjö, catorce o̧biya jenanö, jo̧bama Dios ö̧jobe mölejȩbe kaekwajinobe. Jejenö kaekwajinama wajwita chömöledö, isabenö atji̧o kaekwajinenaö̧kö̧, sule i̧'wi̧di̧danö kaekwajinenaö̧kö̧, ötjöma wajwita chömöledö, sule Diosda waiso̧.

2 Corintios 5:17

Jau chömöledö, Cristonö ösödadöma ida̧ökö jo̧bakwö wotjinobe, ja̧danö ida̧ökö jo̧bakwö tjetjachajinobe. Jo̧kwajabetjö̧, baikwö jo̧be chömöledö, bakwo̧ Cristokwö dötewanö ö̧jitjö̧ma, Dios 'yayinö otidajökwe baibanö jo̧ jo̧bama. Jau chömöledö, Cristokwö dötewadönöma, damö jawama ida̧ökö 'dö̧ibajinobe, ja̧danö babe dö̧ji̧ma, 'yayinö ja̧kwawa baibinobe. Jo̧kwajabetjö̧ chömöledö, damö jawa ida̧ökö 'dö̧ibajinobetjö̧, tupakwö ja̧ jawa domukwatoböma jwiobe, jwaikwöda 'yayinö ja̧kwawa jawada domukwatobö jo̧be.

Gálatas 1:22

Jenama Judea nijitjö ko̧ko̧kwö tjö̧baji̧tenia Cristonö ösödadöma ina ötjönö tjedinokobe chömöledö,

Filipenses 2:25

Ja̧danö, Timoteonö wetakwa̧ abönö chöjawo̧ Epafroditonö wetobö jo̧be chömöledö, belö Romatjö kwiteboduwibe ȩwa̧jo jö̧ba̧lö. Jo̧ba Epafroditoma bakobe ötjökwö otidajabe chömöledö, ja̧danö ötjökwö bakobe otiwa jawa wene tjöbeba̧lö usula emawajabe. Jau chömöledö, ötjönö pjaato jö̧ba̧lö weköbinaduwökwema, ötjönö pjabatö ö̧jinobe.

Colosenses 4:11

Ja̧danö, Jesús mikwo̧, ju'wi imi Justo mikwo̧ma ökwödönö deawobedanö dokwa jö̧ba̧lö aebobe. Jobadöda judío jojodötjö ötjökwö otidadöma, Dios La'aka Luwo̧ Ö̧jobe jawa, ja̧danö jobadöma chujuluwachibanö pjatjatajabe chömöledö.

2 Timoteo 4:19

Prisca mikwujunöbi, Aquila mikwo̧nöbi, Onesíforo mikwo̧ ömöledönöbi detawobedanö dokwa ateba.