Romanos 16:20 - Dios Iwene

²⁰ Jau chömöledö, do̧'wo̧ luwo̧nö wene jwiinö dö̧jobö pjabato̧ma Diosda, ja̧danö juluwanö söbebö loakobe döpöjojo Awetja ujuluma. Jejenö söbebö loenama, Awetjanö kwömasapaduwinö kwöja̧taduwobedanö ja̧kobe chömöledö, ökwödönö ujuluwokobetjö̧. Ja̧danö, Duluwo̧ Jesús kabatökönö mikwa jwiinö otiwa jawa iyö ökwödökwö ja̧nö pjaatobö ateba Diosnö chömöledö.

Romanos 16:20 ပူးပေါင်းရင်းမြစ်များ

Lucas 10:19

Jau chömöledö isabenö otiwanö chujulu chiyajabe ökwödönö, sulabedönö kwujuluwaduwobö, ja̧danö jejenö chiyobetjö̧, wene jwiinö a̧ko̧'dö̧nö ja̧tadöja, ja̧danö itiyunö ja̧tadöja, ja̧danö inesö kwöpöjojobi ujuluwököwö̧ja. Jau chömöledö, ökwödönö chujulu chiyobetjö̧, bakwo̧bi ökwödönö suli̧ öwaedoböma deobe, ja̧danö jejenö ökwödönö chiyi̧ma isabenö otiwobe chömöledö.

1 Juan 3:8

Jau, sulabenö ja̧bökönö 'yo̧ma Dios wei̧ a̧ja̧kwö i̧'yobe. Jo̧kwaijayonö sulabenö ja̧bö 'yo̧ma Awetjada öibökwe, Awetjakwöda dötewinö 'yo̧. Isabenö chömöledö döwaisa, ajayitjöda babe baibanö Awetjama sulabenö ja̧böda jo̧, jö̧ba̧lö. Jo̧kwaobetjö̧ sulabenö ja̧bö 'yo̧ma ¿tikwö i̧'yobeda? Awetjakwöda dötewinö 'yo̧, Awetja sulabenö ja̧i̧danö ja̧bö. Ja̧danö chö̧ja̧wo̧dö, Dios Itji̧ma böjȩkwö ichinobe Awetjanö ujuluwobö, jo̧ba jojodönö sulabenö ja̧tjobö öibi̧ma juluwokobö.

Génesis 3:15

Ja̧danö, ökwöma isuju jöpöjojo kwö̧jakwo̧ja. Ja̧danö, isujuma kwöpöjojosuju jö̧jakwuju. Ba̧kwelö̧jatebö wene ja̧kobe ökwötjö tupadanö ju̧kwadökwö, isujutjö tupadanö jojodökwö. Kwöpöjojodöda tjuju̧kwakwedö. Ja̧danö, isujutjö tupadanö jojodötjö bakwo̧ma kwuunö öja̧takwo̧ja. Ja̧danö, jo̧ba ökesayunö yö̧köbakwo̧ja— lȩbebö jö̧ba̧lijetö Isabenö Jo̧ Diosma a̧ko'danöma.

Apocalipsis 12:10

Ikenama iwene labinö ökwöi̧ cha̧ja̧kwijatö mölejȩbetjö, baikwö: —Tjo̧wi̧ta, Awetjanö mölejȩbetjö böjȩkwö jabö lotjajabe. Jo̧bama mölebi, yö̧tebi Do̧'wo̧ Döwana̧lökwe Dios öba a'o ja̧nö jwöbeba̧lo̧ Diosnö, iteda ömöledö babibinadö sulabenö ja̧tji̧ma. Ja̧danö, bajaliyanö, Do̧'wo̧ Döwana̧lökwe Diosma, iteda ömöledö babibinadönö tjö̧jibinö pjaati̧tjö okobe jwiinö badekwachajabe. Bajaliyanö, Dios ömöledö babibinadönö, Awetja sulabenö ja̧biainatjö tjö̧jibi̧ma badekwachajabe. Isabenö, Do̧'wo̧ Döwana̧lökwe Diosma iteda ujulu i̧sebajabe. Ja̧danö, Awetjanö jabö lotjajabetjö̧, tjo̧wi̧ta, Dios La'aka Luwo̧ ö̧ji̧ möle badekwachajabe. Ja̧danö, Do̧'wo̧ Döwana̧lökwe Dios, iteda jojodö tjö̧jibinö pjabatö weinökwenö, kabebö ujuni̧ möle badekwachajabe böjȩ la'aka luwo̧ baibanö.

Romanos 15:33

Chömöledö, Diosda pjabato̧, do̧'wo̧ luwo̧nö wene jwiinö dö̧joböma, ja̧danö jo̧banö ateba ökwödönö pjaatobö chömöledö, biya̧da atebanö chömöledö, tjo̧wi̧ta.

Apocalipsis 22:21

Ja̧danö, Duluwo̧ Jesúsma ökwödönö, iteda ömöledö babibinadönö lȩlö̧jino edobö chösöda. Ja̧danö, böja kwialusöja wȩyukwa baledakwa̧ wenema, Isabenö ji̧ wene, jö̧ba̧lö, yöta̧la. Tjo̧wi̧ta, biya̧da chiwȩyuda.

1 Tesalonicenses 5:28

Duluwo̧ Jesucristo ökwödönö lȩlö̧jinö edobö chösöda. Biya̧data.

2 Tesalonicenses 3:18

Duluwo̧ Jesucristo ökwödönö okobe deinö lȩlö̧jinö pjaatobö chösöda. Biya̧data.

Romanos 8:37

Jau chömöledö, okobe jwiinö yötawaja̧ baleditjö̧böbi, woditjö̧böbi, ja̧ jawa okobe junibö, ida̧ökö abönö ichibinadösa ökwödöma chömöledö, Jesúsda ökwödönö pjaatinobetjö̧. Jo̧bama ökwödönö ile nibebö pjaatinobetjö̧, ida̧ökö abönö ichibinadösa chömöledö.

Filemón 1:25

Duluwo̧ Jesucristo kwo̧'wo̧ luwo̧duwinö lȩlö̧jinö edobö chösöda chömöledö. Biya̧data.

Filipenses 4:23

Duluwo̧ Jesucristo lȩlö̧jinö ökwödönö pjaatobö chösöda chömöledö. Biya̧data.

Gálatas 6:18

Duluwo̧ Jesucristoma kwo̧'wo̧ luwo̧duwinö lȩlö̧jinö edobö chösöda chömöledö, jejenö otiwa. Biya̧data

1 Corintios 16:23

Duluwo̧ Jesús ökwödönö otiwa jawa mikwa jwiinö iyobö chösöda chömöledö.

Diosnö ösödo̧ Job mikwo̧ usula emawina jawa 40:12

Jau, okobe deinö otiwadösa jö̧ba̧ladönö, jobadönö edöda mikwawöködö batjibanö jwibatö loköbo, jenada sulabedönö söbebö loköbo.

2 Timoteo 4:22

Duluwo̧nö ateba, ökwökwö ja̧nö kwo̧'wo̧ luwo̧nö pjaatobö. Duluwo̧ ökwönöbi, ökwökwö ju̧kwadönöbi lȩlö̧jinö edobö chösöda. Biya̧data.

Isaías 63:3

—Jo̧dawa'ye ja̧nö, ubasobu ja̧tawelö chö̧jatajabe, jojodötjö bakwo̧bi pjaatokonö, chö̧jatajabe. Dameakwö ja̧nö jobadönö chö̧jatijatö, jwiinö dameakwö ja̧tö lotijatö. Jau, ja̧tö lotawö̧, tjökwösobu dödeibinobe chökamijido̧ duwaibanö, ja̧danö tjökwösobutju okobe jwiinö chökamisima duwawajabe.

Romanos 16:23

Gayobi dokwa aebobe, jo̧ba ejunö ötjö Pablo chö̧ja babema, ja̧danö beju Gayo ejunö bemi jojodö Jesúsnö ösödadö ko̧ko̧kwö tjö̧bobe. Erastobi dokwa aebobe, jo̧bama bemi comunidad jawa balada te'ada̧lo̧. Ja̧danö döjawo̧ Cuartobi dokwa aebobe ökwödönöma.

Mateo 4:10

Jejenö yöa̧lökwe, Jesúsma atadö weinobe, —¡Döbibaji Awetja! Ökwönö chösödökö. Dios iwenema baikwö laebobe: Kwuluwo̧ Diosnöda ösödi, ja̧danö jo̧ba wei̧da ja̧bö ja̧wi, jö̧ba̧lö laebobe— jö̧ba̧lö atadö weinobe Jesúsma.