Romanos 16:18 - Dios Iwene

¹⁸ Jau chömöledö, jejenö ja̧badöma Duluwo̧ Cristo wei̧ma ja̧böködö chömöledö, sule idöda tjösödi̧da ja̧bö ju̧kwadö. Jobadöma wajwibadönö dösölö̧jinö yöba̧ladö, ja̧danö, jojodö tjösödi̧ jawa yöba̧ladö jojodö jobadö omöna yötja̧li̧ a̧ja̧kwö tjösödobö.

Romanos 16:18 ပူးပေါင်းရင်းမြစ်များ

2 Samuel 15:6

Jejenö ja̧inobe Absalonma, okobe deinö la'aka luwo̧ öba a'o wene yötjawobö ichadönö. Ja̧danö, jejenö ja̧bö, israel jojodö tjösödi̧ önaukwinobe, la'aka luwo̧nö tjösödi̧tjö̧ bajalekwönönö jo̧banöda tjösödobö ja̧bö.

Proverbios 14:15

Ju'wibi yötawa: Jweinö omukwatö̧kö̧ma, okobe jwiinö jo̧banö yötja̧li̧ma a̧ja̧kwö ösödo̧, otiwa, jö̧ba̧lö. Jo̧banöma sulabenö yötja̧lijayonö, otiwa, jö̧ba̧lö omukwato̧, wajwiobetjö̧. Ja̧danö, jelo̧nöbi yötawa: Ö'wiyawakwawönö omukwato̧ma i̧'yakwa̧ abönö jweinö omukwato̧, jweinö i̧'yakobetjö̧.

Proverbios 22:3

Ja̧danö, ju'wibi yötawa: Isabenö, ö'wiyawakwawönö omukwato̧ma labi jawa baledakwa̧ waiso̧, chedemi labinö baledakobe, jö̧ba̧lö. Jobekwö öwaisasobetjö̧ itedada te'ada̧lo̧, labi̧ jawa baledobekwöma i̧'yapji jö̧ba̧lö. Jobekwö omukwatokobe jweinö omukwatobö wajwibo̧ma. Jo̧bama omukwatökönö labi̧ jawa baledobekwö 'yo̧. Ja̧danö, labobekwö i̧'yobetjö̧ yelösöda usula emawakwo̧.

Proverbios 8:5

Ökwödötjö ju'wedöma ö'wiyawakwawönö kwomukwatakwawaduwobö ina wajwiköbaduwobe. Ökwödö wajwibadönö yötawa: Ö'wiyawakwawönö kwomukwataduwobö kwöwaisachibaduwakobetjö̧ a̧ja̧kwaduwitjö. Ja̧danö, ökwödö jweinö omukwatöködönö yötawa: Di̧ya sulojobö jö̧ba̧lö, di̧ya otiwojobö jö̧ba̧lö kwöwaisachibaduwakobetjö̧ ¡a̧ja̧kwaduwitjö!

Daniel 11:34

Jejenö Siria luwo̧ Diosnö ösödadönö usula tjemawinö ja̧onö, ba̧jekwadö jobadönö pjabatadöma deakobe, ja̧'yubenöda jobadönö pjatjatakobe Diosnö ösödadönöma. Ja̧danö jobadö pjabatadötjö ju'wedöma, pjatjatijayonö, isabenö tjösödökakobe Diosnö ösödadönöma.

Mateo 24:11

Ja̧danö, ba̧jekwadö sulabenö yöbawadöma sulabenö yötjawakobe, ja̧danö ba̧jekwadö jobadö yötjawi̧ a̧ja̧kwö tjösödakobe,

Mateo 24:24

Jau chömöledö, isabenö Dios weakwo̧ jö̧a̧linökwesa jö̧ba̧lö omöna yöba̧ladöma yötjawakobe, ja̧danö Dios yöawi̧ yöbawadösa jö̧ba̧lö omöna yöba̧ladöbi yötjawakobe. Jobadöma jojodö edajitjökö jawa tji̧sebakobe, Dios omudawö ujuninawö̧bi jobadö yötjawi̧ tjösödobö, jo̧kwaijayonö Dios omudawö ujuninawö̧tjobetjö̧ tjösödökakobe.

Mateo 6:24

Tupakwö yöawinobe Jesúsma: —Chömöledö, du̧ju̧taja tjömöayedö kwö̧jaduwoböma jwiobe. Du̧ju̧taja tjömöayedö kwö̧jaduwitjö̧ma, kwuluwo̧ bakwo̧nö kwösödaduwonö, jelo̧nö kwöpöjödaduwena, ja̧danö bakwo̧ wei̧ ja̧bö kwö̧jaduwonö, jelo̧nö kwöpöjödaduwena, mikwawö̧kö̧ jö̧ba̧lö. Jau chömöledö, jwaikwöda balada kwemaduwotö jö̧ba̧lö kwisakwaduwitjö̧ma, balada kwemobö kwösödi̧ ömöayedödanö kwö̧jaduwena. Ja̧danö, balada kwemobö kwösödi̧ ömöayedöbi, Dios ömöayedöbi kwö̧jaduwoböma jwiobe. Jau chömöledö, balada kwemaduwotö jö̧ba̧lö isakwö kwö̧jaduwitjö̧ma, Dios wei̧ ja̧bö kwö̧jaduwi̧ma waekwakobe.

Mateo 7:15

Tupakwö yöawinobe Jesúsma: —Chömöledö, ö'wiakwawönö edö kwö̧jaduwo sulabenö yöbawadönö. Jobadöma, Dios yöawi̧ yöbawadösa, jö̧ba̧lö yötja̧lijayonö, omöna yöba̧ladö. Ja̧danö wanedö yötawa: O̧bȩja̧dödanö ichejekwadö tjichejekwijayonö, o̧bȩja̧döböködö. Labidö. Tebo a̧wi̧li̧dödanöbedö chömöledö.

Juan 12:26

Ja̧danö, ötjö chöba̧ja̧di̧ waisachadö tjö̧jo jö̧ba̧ladöma ötjökwö tjichobö jo̧be. Jejenö, ötjö chö̧jobema chöba̧ja̧di̧ waisachadöbi tjö̧jakwedö. Ja̧danö, Chabe'do Diosma ötjö chöba̧ja̧di̧ waisachadönö edö, Bidöma jwiinö mikwawadö, jö̧ba̧lö, omukwatakwawö̧— yöawinobe Jesúsma.

Romanos 14:18

Jau chömöledö, dö̧ja̧wo̧dö töbö metjapji jö̧ba̧lö te'ada̧lakwawö duju̧kwaduwo. Jejenö te'ada̧lakwawö ja̧nö Cristo wei̧ ja̧bö dö̧jitjö̧ma, Diosma ösödena, ja̧danö ju'wedöbi ökwödönö tjösödena, Otiwanö ja̧bö ju̧kwadö, jö̧ba̧lö.

Romanos 16:19

Jau chömöledö, okobe deinö jojodöma ökwödönö tja̧ja̧kwobe, Roma jojodöma jwaikwöda otiwa jawa wene ösödadö, jö̧ba̧lö. Ja̧danö, ötjöma ja̧ wene a̧ja̧kwö chösöda chömöledö. Ja̧danö, otiwa jawa Dios ösödi̧ jawada waisadö kwö̧jaduwoböma chösöda, Dios öpöjödi̧ jawa ja̧bökönö.

2 Corintios 2:17

Ju'wedö sulabenö yöbawö tjotidi̧danö dotiditjö̧ma, waekwena chömöledö. Jobadö sulabenö yöbawadöma idöda balada tjemotö jö̧ba̧lö yötjawobe chömöledö, jo̧kwaijayonö jejenöma yöbawöködösa ökwödöma. Jau chömöledö, jojodö wetjököwö̧sa, Ökwödöma Diosda weawö̧sa, Cristoda ömöayedösa, ja̧danö jo̧bada öba a'otjö jweinö obökönö yöbawadösa. Ja̧danö chömöledö, jejenö wei̧danö yödawiökwe, Diosma otiwanö pjabato̧, ja̧danö ökwödönötjö böjȩ bakwameachibanö jojodönö pjaatobe.

2 Corintios 4:2

Jau chömöledö, jojodönö yödawobe, jo̧kwaijayonö sulabenö yöbawadö yötja̧li̧danöma yödawokobe. Ökwödö yöbawö dö̧ji̧ma, okobe jwiinö tabatjö ju̧kwawa̧lakwawa ja̧awa döpöjöda, jejenö ja̧doko jö̧ba̧lö. Jau chömöledö, yödawi̧ tjösödo jö̧ba̧löma omöna yödawokobe, ja̧danö Dios iwene jweinö laebi̧tjö balewö lobö wainöma yödawokobe. Jau chömöledö, jejenö yöbawökönö, Dios öba a'otjö ja̧nö, isabenö wene jweinö laebi̧danö yöbawadösa, yödawi̧ a̧ja̧kwajadö tjomajadenö omukwatö, isabenö wene yöbawadö jö̧ba̧lö tjöwaisakobetjö̧.

Gálatas 1:10

¿Dakwö kwomukwataduwa chömöledö? ¿Jojodöda yötawi̧ tjösödo jö̧ba̧lö chisakwobeji̧? Chisakwökö chömöledö, Diosda yötawi̧ ösödo jö̧ba̧lö isakwo̧sa. Ja̧danö, ¿jojodö ötjönö tjösödo jö̧ba̧lö chisakwobeji̧? Chisakwökö chömöledö, jejenö chisakwitjö̧ma, isabenö Cristo ömöayo̧ chö̧joko jö̧ta̧lena.

Filipenses 2:21

Ju'wedö okobe deinö Jesucristo jawa junibö, idöda jawada omukwatadö chömöledö,

Filipenses 3:19

ja̧danö Dios ökwöla nöolanö lȩebakwawö̧ jobadöma chömöledö. Jobadöma jwaikwöda idöda tjösödi̧ jawada isakwadö, ja̧danö taba lö̧ji̧ jawa ösödadö, otiwa jö̧ba̧lö. Ja̧danö jwaikwöda böjȩ jawada omukwatadö jobadöma chömöledö.

Colosenses 2:4

Jejenö yötawaduwakwö chömöledö, ju'wedö Aaa, biya̧ma waisakwawa ji̧ jö̧ba̧lö omöna yötja̧li̧ kwösödaduwapji jö̧ba̧lö.

Colosenses 3:24

Jau chömöledö, jejenö kwotidaduwo, kwöwaisaduwobetjö̧, Duluwo̧ Cristo wei̧ ja̧bö ja̧dösa, jö̧ba̧lö, ja̧danö Duluwo̧ Cristoma balekwa mikwa mölejȩbetjö demakwa̧ iyakwo̧, jö̧ba̧lö kwöwaisaduwobetjö̧.

2 Tesalonicenses 2:10

Ja̧danö, okobe jwiinö sulabenö omöna yöa̧lakwawama omöna yöa̧lakwo̧, Dios lȩebakwawö̧ jo̧banö tjösödakobetjö̧. Jau chömöledö, jobadö Dios lȩebakwawö̧ma isabenö wene tjösödinatjö̧ma tjö̧jibo jö̧tja̧linena, jo̧kwaijayonö tjöpöjödinobetjö̧ Dios lȩebakwawö̧ tjö̧jobe.

Santiago 1:1

Chömöledö, Cristotjö chö̧ja̧wo̧dö dokwa. Ötjö Santiago böja kwialusöjanö wȩyudö yötawa ökwödö judío jojodönö, Israelbetjö labebinadö jelobebi, jelobebi ju̧kwadönöma. Ötjöma Dios ömöayo̧sa. Ja̧danö, Duluwo̧ Jesucristo ömöayo̧sa ötjöma. Böja kwialusöja weta ökwödönö Jesúsnö ösödadönöma.

2 Pedro 2:3

Ja̧danö, idöda tjemotö jö̧ba̧lö tjösödobetjö̧, jobadö sulabenö yöbawadöma ökwödönö omöna yötja̧lakobe, ökwödötjö balada tjemo jö̧ba̧lö. Jo̧kwaijayonö Diosma damötjö jobadönö lȩebobö omukwatö ujuninobe chömöledö, ja̧danö isabenö jobadönö lȩebakobe.

Judas 1:1

Ötjö böja wȩyudö webo̧ma, Judassa, Jesucristo ömöayo̧sa, ja̧danö ju'wibi Jacobo öjawo̧sa. Ja̧danö, böjanö wȩyudö wetawö̧ma bidö, Dios jwöinawö̧nö, ju'wibi Dabe'do Dios ösödawö̧nö, ju'wibi Jesucristo tjöbeba̧lö ite'ada̧lawö̧nö.

Judas 1:12

Jobadönö baikwö yötawa: Wamenö otiwadödanö ichejekwö, jobadöma Duluwo̧ Jesúsnö omukwatö pjiesta bakobe ökwödökwö tjujunobe, jo̧kwaijayonö wamenö otiwadödanö tjichejekwijayonö, isabenö suli̧ waedadö tjö̧jobe. Baikwö wanedö yötawa: Ojwe teebe ba̧wa inawa, isowi töbö meajobö suli̧ waedawadanöbedö, jojodönö suli̧ waedö. Jau chömöledö, ökwödökwö pjiesta junö, taba jwiinö idöda tjö̧ji̧ jawada isakwadö, ju'wedönö omukwatökönö. Jojodönö otiwanö pjabatadösa jö̧ba̧lö yötja̧lijayonö, pjabatöködö. Wanedö yötawa: Ojwiyo'wo o̧bo jö̧a̧laja̧ waekwa'wo, o̧bökönö jelobekwö jwa̧lȩ'epjo e'ewa'wodanö ichejekwadö, ja'yubebi pjatjatokobetjö̧. Isabenö mikwawöködö tjö̧jobe, baikwö wanedö yötawa: Towinö wa̧ji̧ emö tjukwobö baibena, towi ina wa̧jökötjö̧ma mikwawokowi, ¿jö̧tö? Jejenö wa̧jokowidanö mikwawöködö, jo̧kwaijayonö jemi bajalekwönönöbi mikwawöködö, baikwö yötawa: Towi babe wa̧jokowi, tupakwö wa̧jitjö̧ma ina mikwawena, ¿jö̧tö? Jo̧kwaijayonö 'yebö töbebö lotjitjö̧ma la'akatjöda mikwawökawowi, ¿jö̧tö? Jejenöbedö ökwödönö sulabenö yöbawadöma chömöledö, dötölatajanö mikwawöködö. Towi wa̧jokowidanö mikwawöködö, ja̧danö jemi bajalekwönönö towi 'yebö töbebö lotjinowidanö bakobenö mikwawöködö.

Judas 1:16

Jobadö sulabenö yöbawadönö baikwö yöta̧la: Diosnö sulabenö yöba̧ladö, ja̧danö ju'wibi jojodönö tjo̧'wo̧ sulinö yöba̧ladö, ja̧danö ju'wibi idöda sulabenö tjösödi̧ jawa isakwö ju̧kwadö, ja̧danö ju'wibi otiwo̧sa jö̧ba̧lö labinö yöba̧ladö, ja̧danö ju'wibi idöda tjemotö jö̧ba̧lö jojodö tjösödachibanö yöba̧ladö.

Apocalipsis 1:1

Ötjöma Juan mikwo̧sa. Jesucristo ömöayo̧sa. Böja kwialusöja chiwȩyudi̧ma Jesucristo i̧sebi̧ jawa, lekwokobe baledakwa̧ma. Ja̧danö, Diosma ajayima ja̧ lekwokobe baledakwa̧ma Jesucristonö i̧sebijetö. Diosma Jesucristonö webijetö iteda ömöayedönö i̧sebobö, ja̧ baledakwa̧ i̧sebi̧ma. Ja̧danö, Jesucristoma webijetö ángelnöma ötjönö i̧sebobö.

1 Samuel 2:29

Jo̧kwajabetjö̧, tajawedö jojodö kwabö juwö ötjönö tjiyi̧bi, ju'wi jaye ötjönö tjiyi̧bi kwöpöjödaduwobeda, mikwawökö ji̧ jö̧ba̧lö? Ja̧danö tajawedö ötjönö otiwanö kwomukwato jö̧ka̧li̧tjö bajalekwönönö kwi̧tji̧munöda otiwanö kwomukwatobeda, ötjönöda jojodö tjiyo jö̧tja̧li̧ jawa kwitji̧munöda iyö. Isabenö chömöledö israel jojodö tjiyi̧ jawatjö, inesö otiwa jawa, ötjönöda tjiyo jö̧tja̧li̧ jawama do̧kataduwajabe, ja̧danö ja̧ kwanö kwo̧tewachaduwobe, —jö̧ba̧lö yöawinobe Dios yöawi̧ yöbawo̧ma Elinöma.