Romanos 14:6 - Dios Iwene

⁶ Jau chömöledö, bakwöta möle wainö 'da̧batö juno̧ma, Duluwo̧nö ösödotö jö̧ba̧lö wainö 'da̧batö juno̧. Ja̧danö, okobe jwiinö kwakwawa kwo̧ma, Diosda otiwanö chukwobö iyajabe, jö̧ba̧lö, duluwo̧nö ösödö kwo̧. Kwö̧kö̧bi ja̧danö chömöledö. Ju'wi jawa chukwobö webö̧kö̧, batjo jawada chukwobö otiwanö iyajabe Diosma, jö̧ba̧lö, Duluwo̧nö ösödö batjo jawada kwo̧. Bakwainö ösödadö Duluwo̧nöma, möle wainö 'da̧batö junadöbi, 'da̧batö junöködöbi, okobe jwiinö kwadöbi, okobe jwiinö kwöködöbi.

Romanos 14:6 ပူးပေါင်းရင်းမြစ်များ

Éxodo 12:14

Ja̧danö, ökwödöma ba̧kwȩlö̧jatebö bakwöta o̧bakwena ötjö, Isabenö Jo̧ pjatatina, kwejubiya wame chöbaledinama omukwatö ba'ali kwujunaduwo, ötjö babe möle weti̧danö. Ja̧danö, weawa baibanö kwiweyudaduwo ba̧kwȩlö̧jatebö ökwödötjö jojodöbi ja̧ ba'ali tjujunobö, jobadöbi, jobadötjö tupadanö jojodöbi, ötjö pjatatina omukwatö.

Éxodo 12:42

Ja̧ yö̧tema Isabenö Jo̧ma, iteda yöbawö ujuni̧danö otiwanö te'ada̧lijetö Israel jojodönö, Egiptotjö latjebinö pjabatö. Jo̧kwaobetjö̧ Israel jojodöma bakwöta o̧bakwena ja̧ yö̧te baibena Isabenö Jo̧ weinadanö wainö tjujunobö jo̧be, Isabenö Jo̧ ite'ada̧lina omukwatö. Ja̧danö, ba̧kwȩlö̧jatebö, Israel jojodötjö tupadanö jojodöma ja̧ yö̧te wainö tjujunobö jo̧be, Isabenö Jo̧ ite'ada̧lina omukwatö.

Éxodo 16:25

Ja̧danö, ja̧ mölȩma jö̧ba̧lijetö Moisésma: —Babe mölȩ e'dökönö mada kwanö kwu'yudinaduwama kwaduwi, babe mölȩma Diosnö omukwatö wainö ji̧ möleobetjö̧. Tjoduwi̧ kwakwawama nijinö ba̧jokobe babe mölȩ, jwiya.

Isaías 58:5

Ja̧jaye ö̧tö̧chö ja̧kwawa chösödenaji̧ chömöledö? Ökwödöma sulabenö ja̧bö kwö̧jaduwonö, —Mikwawöködösa, —jö̧ba̧lö, isa'ye nijakwö bȩachibobedanö bȩbachibadöja, ja̧danö epju̧yu̧nö kalukaa̧do̧ 'dubawö, ökwölaso̧pja̧nö ba̧jadöja, —O̧'wo tjo̧achadösa, —jö̧ba̧lö kwi̧sȩkwaduwotö jö̧ba̧lö. Jobekwö ja̧bö, —Dios öba a'o ö̧tö̧chö ja̧dösa, —jö̧ba̧ladöja, kwedaduwemi weti̧ a̧ja̧kwökönö, jobekwö kwi̧sȩbaduwi̧ edö, ötjö Isabenö Jo̧ma chösödenaji̧? Chösödökö chömöledö.

Mateo 14:19

Ikenama Jesúsma jojodö meje'yenö tjöbamatobö weinobe, ja̧danö bakwamu jawa pan ö̧pji̧yabi, ba̧i̧ du̧ju̧tajanöbi emibö, mölejȩbe edö Diosnö aebinobe, otiwanö kwakwawa kwiyajabe jö̧ba̧lö. Ikenama pan 'delawö, iteda öba̧ja̧di̧ waisachadönö iyinobe, jobadöma jojodönö tjiyabobö.

Mateo 15:36

ja̧danö jelemutjö döpja̧lataja pan ö̧pjiyabi, ba̧i̧bi emibö, Diosnö aebinobe, Otiwanö iyo̧ja, jö̧ba̧lö. Ikenama abebajo̧, 'delawö iteda öba̧ja̧di̧ waisachadönö iyinobe, jojodönö tjiyabobö.

Juan 6:28

Jejenö yöawawö̧: —Yöbawi ¿Dakwö dö̧joböda, Dios ösödi̧danö dö̧jöböma?— abebö tja̧ja̧kwökwe:

Gálatas 4:10

Ökwödöma nöinö möle jawa omukwatadöja chömöledö, biya̧ möle baikwö ja̧do ja̧doko jö̧ba̧lö, ja̧danö bite jawo̧ baikwö ja̧do ja̧doko jö̧ba̧lö, ja̧danö o̧babi imiamebi baikwö ja̧do ja̧doko jö̧ba̧lö, ja̧danö biya̧ o̧ba baikwö ja̧do ja̧doko jö̧ba̧lö nöinö omukwatadöja, ja̧ jawa ja̧köbaduwobetjö̧ Dios ökwödönö ösödo jö̧ba̧lö.