Romanos 14:11 - Dios Iwene

¹¹ Baikwö laebobe Dios iwene, jojodö Dios öba a'otjö tjö̧jakwa̧ma: Ötjö La'aka Luwo̧ Diosma isabenö yöbawö chujuna, jojodö ja̧tjakwa̧ma. Okobe deinö jojodöma chöba a'otjö ja̧nö, bȩbachibö yötjawakwedö, Biteda inesö La'aka Luwo̧ Dios, jö̧ba̧lö laebobe Dios iwenema.

Romanos 14:11 ပူးပေါင်းရင်းမြစ်များ

Isaías 49:18

Jau chömöledö, möakwö edö, kwitji̧muduwinö kwedaduwakwedöja, ja̧danö kwitji̧muduwi ko̧ko̧kwo kwö̧jaduwobekwö tjichobe kwedaduwakwedöja. Ötjöma Isabenö Jo̧ Diossa chömöledö, ja̧danö ötjöda isabenö yöbawö chujunaduwakwö, kwitji̧muduwima isabenö ökwödökwö tjö̧jakwedö, baikwö wanedö yötawa: Jilekwenö jemakwujuma otikwi̧ jawa nönuju, sasiyubi, ju'wi otikwi̧ jawabi, ja̧danö jobuju otikwi̧ jawa jöni̧danö, ökwödöma kwitji̧muduwinö ökwödökwö yöne kwujuna̧laduwakwedöja.

Mateo 10:32

Tupakwö yöawinobe Jesúsma: —Chömöledö, jojodö tjöba a'otjö Jesúsnö ösödadösa jö̧ba̧lö yöbawadönö, ötjöma isabenö mölejȩbe jo̧ Chabe'donö yötawocha, Idöma ötjö chömöledö, jö̧ba̧lö.

Romanos 10:9

Ja̧ wenema biya̧ chömöledö: La'aka luwo̧ma Jesúsda yöba̧lö, kwomajadenö isabenö Diosma Jesúsnö tjeachajinö ja̧inobe, jö̧ba̧lö kwomukwatitjö̧ma kwö̧jibakwo̧ja, jö̧ba̧lö laebobe.

Romanos 15:9

Ja̧danö, judío jojodöböködönöbi pjaatinobe, Dios jobadönö lȩlö̧jinö edobö ja̧inobe. Ja̧danö, judío jojodöböködöbi Diosnö ösödadö batjibinobe, Diosma otiwanö lȩlö̧jinö edo̧, jö̧ba̧lö. Baikwö laebobe Dios iwenema, judío jojodöböködö Diosnö tjösödakwa̧ma: Jo̧kwajabetjö̧ judío jojodöböködökwö ja̧nö, ökwönö chösödocha, Otiwo̧ja, jö̧ba̧lö, ja̧danö ökwönö ösödö lo̧tocha, jö̧ba̧lö laebobe Dios iwenema.

1 Juan 4:15

Jo̧kwaobetjö̧ Jesúsnö ösödadöma, Jesúsma Dios Itji̧, jö̧ba̧lö, Dioskwö dötewinö 'ya̧dö. Ja̧danö, Diosma jobadö Jesúsnö ösödadökwö dötewinö 'yo̧.

2 Juan 1:7

Ja̧danö chö̧ja̧wo̧dö, ba̧jekwadö tjö̧jobe ökwödötjö labebö kwebachadö, ökwödönö jelobekwö kwomukwataduwobö ötjibotö jö̧ba̧lö yöbawadöma. Jobadöma omöna yöbawadö, Jesúsma Dios weinökwemaökö, jö̧ba̧lö. Ja̧danö, Jesúsma jojo babibinö̧kö̧, jö̧ba̧lö, omöna yöbawadö. Ja̧danö, Jojodö tjö̧jibinö pjabatö̧kö̧, jö̧ba̧lö, yelösöda omöna yöbawadö. Jejenö yöbawadöma jojodönö jelobekwö tjomukwatobö ötjibotö jö̧ba̧lö yötjawobe. Jobadöma jelo̧ jojo, Cristo öpöjojo ötjabökwe omöna yöawi̧danö omöna yöbawadö.

Apocalipsis 5:14

Ikenama tjöbajalebiya a̧tja̧bayedöda ju̧kwawö̧ma jö̧tja̧lijatö: —Jau, lotji̧ma jweinö yöbawö lo̧badö— jö̧ba̧lö. Ja̧danö, damö la'aka luwedöma nijakwö de'bo'bonö bamatö tjösödijatö, Diosnöbi, Obeja Itji̧danö Jo̧nöbi.