Romanos 14:1 - Dios Iwene

¹ Chömöledö, ju'wedö Jesúsnö ösödadöma, Jesúsnö tjösödijayonö, ina me'dawadö tjo̧'wo̧ luwo̧nöma ichejekwa chömöledö. Jejenö tjo̧'wo̧ luwo̧nö me'dawadönö kwöpöjödaduwoko chömöledö, ina kwösödaduwo jobadönö kwömöledöduwinö. Ja̧danö, jobadökwö jwöjwököbakwawaduwa chömöledö, tjomukwati̧ jawama.

Romanos 14:1 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 4:3

—Baikwö yötawakwö Job, ökwöma isabenö ba̧jȩkwadö jojodönö ba̧ja̧dö yöbawinaja, ja̧danö ba̧jȩkwadö me'dawadönö tjujuluwachibanö pjabatinaja.

Isaías 40:11

Jo̧ba Diosma iteda ömöledönö otiwanö iteada̧lakwo̧, obejadönö teada̧lo̧ iteda ajwimunö iteada̧li̧danö. Obejadö tji̧tji̧munö emö, apjö̧alö e'ewobedanö, ja̧danö ajwi̧mu metu'wo ja̧dönö dösölö̧jinö öibi̧danö otiwanö iteada̧lakwo̧ Diosma, iteda ömöledö Juda jojodönö.

Isaías 42:3

Ja̧danö me'dawadönöbi, tjujulu jwibadönöbi dösölö̧jinö pjaatakwo̧, ja̧danö jwaikwöda yöawo jö̧a̧li̧danö, jweinö lȩekwa yöawakwo̧, bite ötjö chömöayo̧ma.

Mateo 12:20

ja̧danö me'dawadönöbi, tjujulu jwibadönöbi dösölö̧jinö pjaatakwo̧. Jejenö ja̧bö ö̧jakwo̧ chömöayo̧ma, otiwi̧ma suli̧tjö juluwenanö kabatö,

Mateo 14:31

Jesúsma juluwanö Pedronö do̧atinobe ojwiyo okwa meapji jö̧ba̧lö, ja̧danö jo̧banö yöa̧linobe: —Ja'yubeda chujulu ösödo̧ja Pedro. ¿Tajawedö ujuluwökena jö̧ba̧lö kwomukwataja̧da?— jö̧ba̧lö yöa̧linobe Jesúsma Pedronö.

Mateo 18:10

Jau chömöledö, omukwatönö kwö̧jaduwo, bidö tjemunö mikwawöködö jö̧ba̧lö kwöpöjödaduwapji jö̧ba̧lö. Jau chömöledö, isabenö yötawaduwakwö, bidö tjemunö te'ada̧ladö ángelesdöma tjö̧jobe, ja̧danö jobadöma ba̧kwȩlö̧jatebö mölejȩbe Chabe'do öba a'o tjuju̧kwobe— jö̧ba̧lö yöawinobe Jesúsma.

Marcos 7:19

A̧ja̧kwaduwitjö. Jojodö kwakwawa tjukwenama tjomajade okwama a̧jibökö, tjö'yapiyunöda a̧jibi. Jemi ikenama lekwokobetjö jelobenöda labebö loi̧— jejenö jö̧ba̧lijetö Jesúsma jobadönöma. Jejenö jö̧ba̧lö, kwakwawama suli̧ jwöebökö, jö̧ba̧lijetö.

Lucas 17:2

Jau chömöledö, isabenö jwiinö Dios lȩebakwo̧, jejenö jojodönö sulabenö öbibadönö. Baikwö wanedö yötawa: Jojo u̧lume'anö inawa ömökawa di̧batibö, ojwe okwa o̧ibobö jabö lotjitjö̧ma, nöinö usula emawena, ¿jö̧tö? Jo̧kwaijayonö, jabö lotjökwe usula emawi̧tjö bajalekwönönö yelösöda nöinö usula tjemawakwedö bidö tjemunö sulabenö ja̧tjobö öbibadöma chömöledö. Diosma isabenö labinö lȩebakobe.

Juan 13:20

Isabenö yötawa. Jojodö ötjö wetawö̧nö otiwanö tjösödenama bakwainö, ötjönöbi tjösödobe. Ja̧danö, ötjönö ösödadöma, bakwainö ötjönö webinanöbi ösödadö— yöawinobe Jesúsma iteda öba̧ja̧di̧ waisachadönöma.

Hechos 28:2

Jobadöma otiwanö pjatjatijatö ökwödönöma. Ojwiyo o̧ba̧lö tiyuwobetjö̧ ökwöla tjujuwijatö 'yödakwobö.

Romanos 11:15

Jau chömöledö, Diosma Israel jojodönö kaatibinobe ichejekwa, ja̧danö jejenö kaatibenama, Israel jojodöböködönö Dios ömöledö batjibanö ja̧inobe. Jejenö ja̧inobema, otiwinobe ökwödönö Israel jojodöböködönöma, ¿jö̧tö? Jo̧kwaijayonö, ja̧ otiwinajayonö, tupakwö jwiinö otiwakobe Israel jojodöbi yemidanö Dios ömöledö batjibenama chömöledö, wobajadö woawatjö yemidanö tjebachajadödanö ichejekwakobe.

Romanos 14:2

Baikwö labebö lobö yötawa chömöledö: Ökwödötjö ju'wedö tjomukwatena, Okobe jwiinö kwakwawama otiwa, suli̧ waedökö kwakwawama, wame jawa, jö̧ba̧lö tjomukwatena. Jejenö omukwatö, okobe jwiinö kwadö jobadöma. Jo̧kwaijayonö, ju'wedö ina tjo̧'wo̧ luwo̧nö me'dawadöma, wainö omukwatadö tjuju̧kwena, baikwö omukwatadö: Itebiya chukwitjö̧ma, suli̧ waedena, Dios öpöjödena jö̧ba̧lö tjomukwatena. Ja̧danö, jejenö omukwatö, sule batjo jawada kwadö jobadöma.

Romanos 14:21

Kwöwaisaduwena, Aaa, biya̧ itebiya chukwitjö̧ma, biya̧ ubasobu chowitjö̧ma, chöjawo̧nö suli̧ chöwaedena, jö̧ba̧lö. Jejenö kwöwaisaduwitjö̧ma, yelösöda kwukwaduwoko, yelösöda kwowaduwoko, ja̧danö ju'wi jayebi yelösöda ja̧köbaduwoko, kwöjawo̧duwi töbö meapji jö̧ba̧lö.

Romanos 14:3

Chömöledö, okobe jwiinö kwadöma, kwöködönö tjomukwatoko, Bidöma wajwibadö, mikwawöködö, jö̧ba̧lö. Ja̧danö kwöködöma, kwadönö tjomukwatoko, Bidöma sulabedö, Dios öpöjödinö kwadö, jö̧ba̧lö. Jau chömöledö, Diosma ida̧ökö ökwödö Jesúsnö ösödadönö bakwo̧nökwena ida̧ökö yöawinobe, Bitema chösödökwe, bisuma chösödoko, jö̧ba̧lö. Jo̧kwajabetjö̧ ökwödö bidöma sulabedö, mikwawöködö kwomukwataduwoböma jwia yelösöda chömöledö, Diosda jobadönö ösödobetjö̧.

Romanos 15:1

Chömöledö, do̧'wo̧ luwo̧nö ida̧ökö juluwadö dö̧jitjö̧ma, juluwöködönö pjadatobö jo̧be. Jau chömöledö, ökwödö dösödi̧da ja̧doböma domukwatoko,

Romanos 15:7

Jo̧kwajabetjö̧ baikwö yötawaduwakwö chömöledö: Kwömöledöduwi Cristonö ösödadönö kwöpöjödaduwoko chömöledö, Ökwödökwö babiböködö, jö̧ba̧lö. Cristoma ökwödönö öpöjödinokobe jo̧bakwö bakibaduwobö, ¿jö̧tö? Ja̧danö, Cristo ökwödönö ösödinadanö kwömöledönö kwösödaduwo. Jejenö ja̧köbaduwo chömöledö, ju'wedö Diosnö tjösödakobetjö̧, Otiwo̧ jö̧ba̧lö.

Romanos 4:19

Jwiinö pöe ö̧jijayonö, cien o̧biya bo̧ ö̧jijayonö, jwaikwöda Diosma jö̧a̧li̧danö ja̧akwo̧ jö̧ba̧lö omukwatinobe Abrahamma. Itji̧nö 'yaebökenanö pöe ö̧jijayonö, ilekwo Sarabi ji̧tji̧mu debuju jö̧jijayonö, yayonö jwaikwöda omukwatinobe, isabenö Dios jö̧a̧li̧danö chilekwo Sarama jitji̧nö jemakobe, jö̧ba̧lö.

1 Corintios 9:22

Ja̧danö, tjo̧'wo̧ luwo̧nö me'dawadökwö chö̧jenama, cho̧'wo̧ luwo̧nö me'dawo̧danö ja̧tobe, jobadönö tjö̧jibanö pjabatö. Jau chömöledö, okobe deinö jojodökwö chö̧jenama, jobadödanö ja̧tobe, jobadönö tjö̧jibanö pjabatö. Okobe jwiinö ja̧to jö̧ta̧li̧ ja̧tobö chisakwobe chömöledö, jobadötjö ju'wedö tjö̧jibo jö̧ba̧lö.

Filipenses 2:29

Jo̧kwajabetjö̧, jo̧ba kwiteboduwibe ichibenama, kwo̧'wo̧duwi ösöwachibanö kwösödaduwonö, Duluwo̧nö ösödo̧ dömöledöso̧ jö̧ba̧lö. Ja̧danö jo̧banöbi, jo̧bajayedönöbi otiwanö kwomukwataduwodönö.

1 Tesalonicenses 5:14

Ja̧danö, tupakwö wedaduwakwö chömöledö, 'dö̧wekwachibadönöma kwöba̧ja̧daduwo, 'dö̧wekwachibökönö tjö̧jo jö̧ba̧lö. Ja̧danö yebabinö ju̧kwadönöma tjujuluwachibanö pjakataduwo. Ja̧danö me'dawadönöbi pjakataduwo. Jobadö okobe deinö pjabatö kwö̧jaduwenama, kwo̧'wo̧duwi 'dibachibö kwö̧jaduwo chömöledö, jobadönö öpöjödökönö.

Hebreos 5:14

Jo̧kwaijayonö da̧peachadöma kwakwawa kwadödanö ja̧dö. Jobadöma Dios iwene a̧ja̧kwö ja̧kwawa ö'wiawakwawö̧jö̧nö omukwatadö, Biya̧ma otiwa, biya̧ma sula, jö̧ba̧lö. Waisachibadö. Jo̧kwaijayonö ökwödöma ina, jobadö da̧peachadödanöböködöja.

2 Juan 1:10

Ja̧danö chö̧ja̧wo̧dö, lȩtebaduwakwö. Cristo yöawina öpöjödadö, jelobekwö yöbawö ichadönö tekataduwoko kwejuduwi okwa. Ja̧danö, ja'yubebi ösödö yöka̧laduwoko jobadönöma.