Romanos 12:7 - Dios Iwene

⁷ Ju'wedönö pjaato jö̧ba̧lö iyinatjö̧ma, ju'wedönö pjaatobö jo̧be. Ju'wedönö öba̧ja̧do jö̧ba̧lö iyinatjö̧ma, ju'wedönö öba̧ja̧dobö jo̧be,

Romanos 12:7 ပူးပေါင်းရင်းမြစ်များ

Isaías 21:8

Jobekwö wei̧tjö̧, teada̧lö eda̧lo̧nö chujunijatö, ja̧danö ja'yubenö lekwajabetjö̧, labinö jwöeba̧lajabe eda̧lo̧ma: —Chuluwo̧, isaka eda̧lö teada̧lakwawakanö ja̧nö, möle baledibanö eda̧lö chö̧ja̧jabe, jadanö yötetenia baledibanö eda̧lö chö̧jajabe.

Mateo 28:19

jo̧kwajabetjö̧ baikwö wetaduwakwö: Böjȩ bakwameachibanö tjitebokwena jojodönö yöbawö, ösödadönö chöba̧ja̧di̧ waisachadö batjibanö yöbawaduwi. Ja̧danö, Chabe'do Diosbi, ötjö Dios Itji̧bi, Dios O̧'wo̧ Luwo̧bi ökwödönö wedobetjö̧, diminö jobadönö ojwenö bu̧dataduwi.

Juan 3:2

Ja̧danö, jo̧bama Jesús ö̧jobekwö i̧'yinobe, yö̧te ja'ö. Ichibö jö̧a̧linobe Jesúsnö: —Ba̧ja̧dakwawa jojo, döwaisa ökwönöma, Dios weinökweja, jö̧ba̧lö, jojodönö kwöba̧ja̧dobö weinökweja, jö̧ba̧lö, ökwöma— jö̧a̧linobe—. Ökwöma Dios ujulunö i̧sebo̧ja, Diosma ökwökwö pjabatö ö̧jobetjö̧. Jelo̧ Dios weinökökwema, jejenöma i̧sebö̧kö̧, ökwö kwi̧sebi̧danöma— jö̧a̧linobe Nicodemoma.

Hechos 13:1

Ja̧danö, Antioquíanö ju̧kwadöma, Jesúsnö ösödadötjö bakwamu jojodöma Dios iwene yöbawöbi, Jesúsnö ösödadönö ba̧ja̧dadöbi ju̧kwiabijadötö. Jobadöma bidö: Bakwo̧ma Bernabé. Jelo̧ma Simón. Jo̧bama ju'wi imi, Negro, mikwo̧. Jelo̧ma Cirenetjö ichina Lucio mikwo̧. Jelo̧ma Menahem mikwo̧, tjemu baiyo̧ma la'aka luwo̧ Herodeskwö ja̧nö bötjachina. Jelo̧ma Saulo.

Hechos 20:20

Jejenö baledijayonö ötjöma yayonö yebabökönö yöbawiachijatö ökwödönö. Bakwöta jawabi jwiinö yöbawiachijatö kwöwaisachibaduwobö do̧'wo̧ luwo̧ jawama. Judío jojodö yötjaweju okwabi, ökwödö kwejuduwikwenabi tebachö yöbawiachijatö ökwödönöma.

Hechos 20:28

Ina yöbawijetö: —Ju'wi jawabi yötawa ökwödönö, te'ada̧lakwawa jojodönö. Kwö̧jaduwobema otiwanö kwite'ada̧laduwo, kwo̧'wo̧ luwo̧duwi juluwachibanö tupakwö kwi̧'yaduwobö Dioskwö. Ju'wibi yötawa. Ju'wedönöbi kwite'ada̧laduwo Diosnö ösödadönöma. Dios O̧'wo̧ Luwo̧ma ökwödönö 'da̧batö junijetö jobadönö kwite'ada̧laduwobö. Wanedö yötawa: O̧bȩja̧dönö te'ada̧lakwawa jojo a̧jwi̧mu tjöekwanö ite'ada̧li̧danö ökwödöma Jesúsnö ösödadönö kwite'ada̧laduwo. Kwite'ada̧laduwawö̧nöma ida̧ökö Dios ja̧inobe iteda i̧tji̧mu batjibinö. Diosma iteda itji̧ ökwösobu ebawö ö'wöchö imidawinobetjö̧, ida̧ökö Dios ja̧inobe jobadönöma iteda i̧tji̧mu batjibinö, iteda itji̧nö ösödadöma. Jobadönöma kwite'ada̧laduwo— yöbawijetö Pabloma.

Hechos 6:1

Ja̧ mölema, Jesúsnö ösödadöma ba̧jekwijadötö. Jobadötjö judío jojodötjöma griego tjiwene yöba̧ladöbi, hebreo tjiwene yöba̧ladöbi ju̧kwijadötö. Jobadötjö ya̧dö, tji̧lȩkwa̧munö wobekwinadöbi ju̧kwijadötö. Jobadönö bakwöta mölekwena 'da̧batö iyabijadötö tju̧kwama. Griego tjiwene yöba̧ladöma ja̧ tjiyobe edö labijadötö, Ökwödötjö tji̧lȩkwa̧munö wobekinadönöma otiwanö tjiyokobe, jö̧ba̧lö. Ja̧danö, jobadöma jö̧ba̧lijadötö hebreo tjiwene yöba̧ladönö: —Ökwödötjö tji̧lȩkwa̧munö wobekwinadönöma ju'wedönö otiwanö tjiyi̧danöma tjiyokobe, tju̧kwa kwakwawama— jö̧ba̧lijadötö.

1 Corintios 12:28

Ja̧danö, okobe deinö iteda ömöledö, Cristo iteba'obedönö otidö ujuninobe Diosma, baikwö yötawa: Abönö Jesús webawedönö ujuninobe, ikenama Dios yöawi̧ yöbawadönö ujuninobe, ikenama Jesúsnö ösödadönö ba̧ja̧dadönö ujuninobe, ikenama jojodö edajitjökö jawa ja̧badönö ujuninobe. Ikenama jojodö tjö'wöchi̧ otidö lobadönöbi, ja̧danö jojodönö pjabatadönöbi, ja̧danö luwedö baibanö otidadönöbi, ja̧danö ju'wedö tjiwenenö yöba̧ladönöbi ujuninobe.

1 Corintios 12:5

Ja̧danö, bakwo̧nökwena böjȩnö ja̧nö wainökwena dotidobe, jo̧kwaijayonö Duluwo̧ma bakwo̧da.

1 Corintios 14:26

Jau chömöledö, yötawaja̧danö jo̧be, jo̧kwajabetjö̧ baikwö wetaduwakwö ja̧bö kwö̧jaduwo jö̧ba̧lö: Ko̧ko̧kwö Diosnö kwösödaduwenama, bakwo̧ lo̧awa lo̧o jö̧ba̧lö ujuna̧lena. Ja̧danö, jelo̧ ba̧ja̧dakwawa öba̧ja̧do jö̧ba̧lö ujuna̧lena. Ja̧danö, jelo̧ Dios jo̧banö i̧sebina jawa yöawo jö̧ba̧lö ujuna̧lena. Ja̧danö, jelo̧ ju'wedö tjiwenenö yöawakwawa jawa yöawo jö̧ba̧lö ujuna̧lena. Ja̧danö, jelo̧ ju'wedö tjiwenenö yötja̧li̧ labebö lobö yöawo jö̧ba̧lö ujuna̧lena. Jau chömöledö, okobe jwiinö ko̧ko̧kwö ja̧köbaduwi̧ma, Jesúsnö ösödadö tjöda̧peacho jö̧a̧li̧ jawada ja̧köbaduwo.

Gálatas 6:6

Ja̧danö, bakwo̧ ökwödönö Dios iwene ba̧ja̧dö pjabato̧nöma, ökwödö otiwa jawa kwujuna̧laduwi̧tjö jo̧ba ökwödönö ba̧ja̧do̧nö pjakataduwo, usula emawö jwibö ö̧japji jö̧ba̧lö.

Efesios 4:11

Chömöledö, jo̧bama, mölejȩbe kabekwajinama, damötjö Dios iwenenö iwȩyudinökwe. Jo̧ba iwȩyudinökwe iyabinadanö, otiwa jawa iyabijetö. ¿Dakwö yöawobeda, otiwa jawa iyabijetö, jö̧ba̧löma? Biya̧ chömöledö: Cristoma jo̧banö ösödadönöma bakwo̧nökwena wainökwena jelo̧nö ju'wi, jelo̧nö ju'wi, tjo̧'wo̧ luwo̧ jawa tjotidawakwena iyabinobe, jojodönö pjabatö, Dios wei̧ tjotidobö. Jo̧banö ösödadötjö ju'wedönöma 'da̧batö ujuninobe iteda weawö̧ batjibinö ja̧bö. Ja̧danö, ju'wedönö 'da̧batö ujuninobe Dios iwene yötjawobö Jesúsnö ösödadönö. Ja̧danö, ju'wedönö ji̧bakwawa wene yötjawobö 'da̧batö ujuninobe. Ja̧danö, ju'wedönö Jesúsnö ösödadönö tjite'ada̧loböbi, tjöba̧ja̧doböbi 'da̧batö ujuninobe Cristoma.

Deuteronomio 33:10

Jobadö Levisaso jojodöda ökwö weköbi̧ tjö̧ba̧jadakobe ju'wedö israel jojodönö, otiwanö ja̧bö tjö̧jakwa̧ jawa tjö̧ba̧jadakobe. Ju'wibi jobadöda omewi̧ jawa kwöba a'otjö tjujuwakwedö, ja̧danö jobadöda jwiinö ubinö iyawa ökwönö iyawötenö tjujuwakwedö.

Colosenses 4:17

Ja̧danö Arquipo mikwo̧nö baikwö yökawaduwo chömöledö, Dios jo̧banö otidobö weinama, tupakwö kaatenanö baibanö ja̧ otidö ö̧jobö yökawaduwonö.

1 Timoteo 2:7

Ja̧danö, Diosma okobe deinö tjö̧jibobö ösödo̧obetjö̧, ötjönö weinobe, Jesús webawo̧ batibanö, ja̧danö judío jojodöböködönö yöbawo̧ batibanö. Ja̧danö, ötjönö weinobe judío jojodöböködönö isabenö wene yötawobö, Jesús jawa isabenö wene yötawobö weinobe. Ja̧ yötawi̧, judío jojodöböködönö yötawobö weinobe jö̧ba̧lö yötawi̧ma, jweinö yötawa, omöna yöta̧lökö.

1 Timoteo 3:2

Ja̧danö, te'ada̧lakwawa luwedö jawa yötawa. Te'ada̧lakwawa luwo̧ baibanö otidakwo̧ma, otiwanö ja̧bö jo̧. Ja̧danö, otiwanö ja̧bö ö̧jobetjö̧, jojodö sulabenö yötja̧loböma jwibo̧. Ja̧danö, ilekwo bakwujunöda junalo̧, ja̧danö jobujukwöda jo̧. Ja̧danö, ja̧bö ö̧ji̧ma, bakweminö omukwatö jo̧. Ja̧danö, Aaa, biya̧ma otiwanö ja̧awa, jö̧ba̧lö öwaisi̧danö ja̧bö jo̧. Ja̧danö jojodö, Aaa, bitema otiwanö ja̧bö jo̧, jö̧ba̧lö tjöwaisökweda. Ja̧danö, jelobetjö ichajadö tjichenama, ejutjö dösölö̧jinö tebatö pjabato̧, ja̧danö, Dios iwene ba̧ja̧dakwawa waiso̧.

1 Timoteo 4:16

Otiwanö ja̧bö kwö̧ji̧bi, ja̧danö Dios iwene yöbawö kwö̧ji̧bi omukwatönö kwö̧jo, Dios ösödi̧danö ja̧bö kwö̧jobö, ja̧danö jwaikwöda ökwönö yötawaja̧danö ja̧bö kwö̧jobö. Jejenö ja̧bö kwö̧jitjö̧ma, ökwöbi ja̧danö yökawi̧ a̧ja̧kwadöbi kwö̧jibaduwakwedöja.

1 Timoteo 5:17

Ja̧danö, Jesúsnö ösödadönö te'ada̧lakwawa luwedönö yötawa. Jesúsnö ösödadönö te'ada̧lakwawa luwedöma, otiwanö te'ada̧lö tjö̧jitjö̧ma, tjite'ada̧lawö̧ Jesúsnö ösödadöma jobadönö tjösödobö jo̧be, otiwanö jobadönö omukwatöbi, böjȩ tjö̧ji̧ jawa pjabatöbi. Ja̧danö, te'ada̧lakwawa luwedötjö nöinö Dios iwene yöbawö, nöinö Jesúsnö ösödadönö ba̧ja̧dö otidadönö isabenö tjösödobö jo̧be, otiwanö omukwatöbi, böjȩnö tjö̧ji̧ jawa pjabatöbi.

2 Timoteo 2:2

Ja̧danö, kwujuluwachibanö ja̧nö, ötjö chöba̧ja̧dina jawama ökwöbi kwöba̧ja̧do, Dios wei̧ otiwanö ja̧bö ju̧kwadönö. Jobadönö kwöba̧ja̧do Timoteo, jobadönö kwöba̧ja̧di̧danö jobadöbi yadakwö ju'wedönö otiwanö tjöba̧ja̧dakobetjö̧. Jau Timoteo, belö ba̧jekwadö tja̧ja̧kwonö chöba̧ja̧dijatö, ja̧danö ja̧ chöba̧ja̧dina jawa kwöwaisachijatö, ¿jö̧tö? Ja̧ jawa ökwöbi kwujuluwachibanö ja̧nö kwöba̧ja̧do, ökwönö chöba̧ja̧dinadanö.

2 Timoteo 2:24

Jau Timoteo, kwöwaisa, Duluwo̧ ömöayedöma jwöjwötjakwawobö jwibadö, ¿jö̧tö? Jwöjwöbakwawökönö, okobe deinö jojodönö dösölö̧jinö yötja̧lakwawobö jo̧be Duluwo̧ ömöayedöma. Jau Timoteo, Duluwo̧ ömöayedöma okobe deinö jojodönö dösölö̧jinö yötja̧lobö jo̧be. Ja̧danö ju'wibi, jojodönö tjöba̧ja̧dobö jo̧betjö̧, otiwanö jojodönö Dios iwene ba̧ja̧dakwawa tjöwaisachobö jo̧be, jweinö tjöba̧ja̧dakobetjö̧. Ja̧danö ju'wibi, jojodö jobadönö sulabenö ja̧tjenama o̧'wo̧ 'dibachibö tjöbaledobö jo̧be.

2 Timoteo 4:2

Dios iwene yökawo jö̧ba̧lö. Ja̧danö ja̧ yökawo jö̧ta̧laja̧ma, sule wene jwienadamaökö, wene jwienabi, wene jȩnabi yayonö yökawobö jo̧be. Jau Timoteo, ba̧kwȩlö̧jatebö kwo̧'wo̧ 'dibachibö ja̧nö, otiwanö kwöba̧ja̧dobö jo̧be jojodönö. Baikwö yötawa: Jwekebobö baibenama, jwekebobö jo̧be, ja̧danö lȩkebobö baibenama, lȩkebobö jo̧be, ja̧danö tjujuluwachibanö yökawobö baibenama, tjujuluwachibanö yökawobö jo̧be.

1 Samuel 12:23

Tupakwö yöawinobe Samuelma, —Ja̧danö ötjöbi chömöledö, isabenö ökwödönö abebö katatoböma jwiobe, ökwödönö Diosnö abebö katatitjöma, isabenö sulabenö Isabenö Jo̧ öpöjödi̧nö katatena. Jo̧kwajabetjö̧ isabenö jwaikwöda Diosnö atebocha ökwödönö, ja̧danö ju'wibi kabatökönö ökwödönö ba̧ja̧dö chö̧jakwo̧sa, otiwanö jweinö ja̧kwawama.