Romanos 12:20 - Dios Iwene

²⁰ Jau chömöledö, Dios iwene wei̧danö ja̧köbaduwo. Baikwö weobe Dios iwenema: Kwöpöjojonö a̧wi̧chi̧ tjöitjö̧ma, jo̧banö kwakwawa kwiyo, ja̧danö ojwiyo o̧ti̧ tjöitjö̧ma, ojwiyo kwiyo. Jejenö ja̧köbitjö̧ma, taba lö̧jökwe ö̧jakwo̧ kwöpöjojoma, jö̧ba̧lö laebobe Dios iwenema.

Romanos 12:20 ပူးပေါင်းရင်းမြစ်များ

Génesis 42:25

Ikenama webijetö ömöayedönö trigo tjanobö öpöedö tju̧kwa tu̧da'wijunö. Jobadö kwakwawa tjimidobö tjichejebaja̧ baladabi webijetö tjanobö, öpöedö tjedokonö. Ja̧danö, kwakwawabi ȩwa̧jiabö tjukwakwa̧ma webijetö tjiyobö. Ja̧danö, José ömöayedöma José weaja̧danö a̧ja̧kwijadötö.

2 Reyes 6:22

Abebö a̧ja̧kwökwe, —Bidönö kwabö loköboko. Ökwöda kwökwölöte'onö, ja̧danö kwitea 'böpönö bidönö juluwajo̧, ina 'yaba̧ladönö do̧katitjö̧ma, jobadönö kwabö loköbenaji̧? Kwabö loköbökena, jö̧tö? Jo̧kwajabetjö̧, bidönö pan tjukwobö kwiyo, ja̧danö ojwiyo tjowobö kwiyo. Ikenama, tjukwaja̧ ikena, ja̧danö tjowaja̧ ikenama, webö loköbodönö, tjuluwo̧ ö̧jobekwö tjȩwa̧jakobetjö̧, —jö̧ba̧lö atadinobe Eliseoma.

Mateo 5:44

Jo̧kwaijayonö, baikwö yötawaduwakwö chömöledö: Kwöpöjojodönöbi kwösödaduwo, ja̧danö usula kwemawobö ja̧badönö Diosnö akebaduwo, jö̧ba̧lö yötawaduwakwö.

Lucas 6:27

Tupakwö yöawinobe Jesúsma: —Chömöledö, ju'wedö yötja̧lena, Kwöpöjojodönö balekwa mikwa kwöpöjödaduwo, jö̧ba̧lö. Jo̧kwaijayonö wainö yötawaduwakwö, kwöpöjojodönö kwösödaduwo jö̧ba̧lö. Jau chömöledö, bakwo̧nökwena baikwö yötawaduwakwö: Ökwönö sulabenö öpöjödadönö otiwanö ja̧köbo,

Romanos 12:21

Jau chömöledö, wanedö yötawa: Suli̧ ökwödönö juluwo jö̧ba̧löma webökönaduwi, ökwödöda otiwanö ja̧bö ja̧nö kwujuluwaduwo suli̧tjöma.

1 Samuel 26:21

Yöa̧lökwe, Saulma atadinobe, —Isabenö sulabenö ja̧tajabe. Babe otiwanö ditebobe kwȩwa̧jobe jo̧be, tupakwö ökwönö suli̧ chöwaedoböma chisakwökakwo̧sa. Jau chitji̧ David, ötjönö kwabö loköbobö ji̧jayonö, ötjönö ösödö, Saulma ö̧jobö mikwawo̧ jö̧ba̧lö chö̧jibinö ja̧köbajabe. Isabenö omukwatökönö, sulabenö ja̧tajabe David, —jö̧ba̧lö.