Romanos 11:8 - Dios Iwene

⁸ Dios iwene laebi̧danö baibinobe chömöledö. Baikwö laebobe Dios iwenema: Diosma jobadönö ja̧inobe wajwibadö batjibanö. Ja̧danö babe mölebi tjöbajale tjewawawö̧danö, tjölakiyu jwibadödanö a̧ja̧kwöködö tjuju̧kwobe, jö̧ba̧lö laebobe Dios iwenema.

Romanos 11:8 ပူးပေါင်းရင်းမြစ်များ

2 Reyes 17:34

Ja̧danö, babe mölebi baibanö, ina jobekwö ajayinö tjösödinadanö ösödö tju̧ju̧kwobe. Israel nijinö tjö̧jijayonö, Isabenö Jo̧ wei̧ a̧ja̧kwöködö otiwanöma. Diosnö yebabinö omukwatö, Israel jojodönö weina tja̧ja̧kwo jö̧tja̧lijayonö, ja̧bö tjö̧jo weinabi, ju'wi weinabi a̧ja̧kwöködö otiwanöma. Isabenö Jo̧ma Jacob itji̧mu tupadanö jojodö, Israel jö̧ba̧lö imidinawö̧nö weinobe, ja̧danö Diosbi Israel jojodöbi ja̧bö tjö̧jakwa̧ wene yöba̧lakwawö tjujuninobe. Jobadökwö yöba̧lakwawö junö, Isabenö Jo̧ma jobadönö weinobe, —Ju'wedö diosbedönö yebabinö kwösödaduwoko, ja̧danö jobadönö bȩbachibö kwösödaduwoko, ja̧danö wetji̧ a̧ja̧kwö kwö̧jaduwoko, ja̧danö jobadönö kwabö juwö kwiyaduwoko.

2 Reyes 17:41

Jobekwö laebobe jelobetjö ichajadö, israel nijinö ju̧kwadö tjö̧ji̧ wenema. Jobadöma dötölatajanö ösödö tjö̧jinobe, Isabenö Jo̧nö yebabinö omukwatö tjö̧jonö, idöda tjotidinawö̧ o̧'wo jawanöbi ösödö tjö̧jinobe. Jobadö tji̧tjimubi ja̧danö, ja̧danö jobadö tji̧ti̧mubi ja̧danö. Jau, babe mölebi baibanö, jobadö tji̧tji̧mu tupadanö jojodöma ina tja'dödö ja̧bö tjö̧ji̧nadanö ina ja̧bö ju̧kwadö.

Isaías 29:10

Jau chömöledö, jobekwö kwö̧jaduwi̧ma, baikwö labebö lobö yötawaduwakwö: Isabenö Jo̧ma ökwödötjö iteda yöawi̧ yöbawadö tjöbajale yi̧tjatobö weajabe, jadanö tupakwö baledakwa̧ edadö tjuu umuchebajabe, ja̧danö jobekwö weobetjö̧, jwiinö bö̧ti̧ lö̧jinö kwö̧jaduwobö weajabe.

Isaías 6:9

Chatadiökwe, —Jau, 'ya̧wi. Israel jojodönö yöbawaji baikwö: –Tupakwönönö yötawi̧ kwa̧ja̧kwaduwakwedöja, jo̧kwaijayonö yötawaja̧ okwa jawama, wajwiköbaduwakwedöja. Ja̧danö chi̧sȩbi̧ jawa kwedaduwakwedöja, jo̧kwaijayonö chi̧sȩbi̧ okwa jawa edöma kwöwaisachibaduwökakwedöja, –jö̧ba̧lö yökawodönö.

Lucas 8:10

Atjebökwe, Jesúsma jobadönö yöawinobe: —Diosma ökwödö chöba̧ja̧di̧ waisachadönö iyinobe, jojodö wajwitji̧ jawa, mölejȩbe jo̧ Dios la'aka luwo̧ ö̧jakwa̧ jawa kwöwaisaduwobö, jo̧kwajabetjö̧ ökwödönö jweinö yöbawö labebö lobö yötawocha. Jo̧kwaijayonö ju'wedönö sule wanedö yöbawöda yötawobe, labebö lobökönö. Jejenö jobadönö yötawobe, Dios iwene damötjö tjiwȩyudinadanö badekwachakobetjö̧, Baikwö laebobe Dios iwene damötjö tjiwȩyudinama: Jobadöma tjedijayonö, waisachibanö tjedoböma jwitjakwedö, ja̧danö tja̧ja̧kwijayonö, waisachibanö tja̧ja̧kwoböma jwitjakwedö, jö̧ba̧lö laebobe Dios iwene damötjö tjiwȩyudinama. Ja̧ laebachi̧ma bidönö wanekwachobe, jo̧kwajabetjö̧ ökwödönö labebö lobö yötawijayonö, ju'wedönö sule wanedö yöbawöda yötawobe— jö̧ba̧lö yöawinobe Jesúsma iteda öba̧ja̧di̧ waisachadönöma.

Hechos 28:26

Isaías, israel jojodönö yöbawö kwi̧'yo. Biya̧ yötawi̧ma yökawo jobadönö: Ökwödöma kabatökönö kwa̧ja̧kwaduwijayonö kwomajadeduwinö do̧kataduwokobe. Wajwiköbaduwobe. Kabatökönö kwedaduwijayonö otiwanö waisinö kwedaduwokobe.

Deuteronomio 29:4

Jo̧kwaijayonö, ujulu öwawinö kwedinaduwajayonö, babe möle baibanö Isabenö Jo̧ma ina pjaatinokobe, i̧sȩbina okwa jawa kwöwaisachibaduwobö,chömöledö.