Jo̧kwaijayonö chedemi kwuluwo̧ Isabenö Jo̧ Diosma Asiria la'aka luwo̧ yöawi̧ yöbawo̧ yöa̧laja̧ a̧ja̧kwajena, 'yaba̧lo̧ Diosnö obö sulabenö yöa̧laja̧ma. Ja̧danö a̧ja̧kwajo̧, kwuluwo̧ Isabenö Jo̧ Diosma öpöjödö, jobadönö lȩebena. Jo̧kwajabetjö̧ ökwönö ateba Isaias, Diosnö akebobö, ökwödö Juda niji ju̧kwadötjö ina 'ya̧ba̧ladönö pjaatakobetjö̧, –jö̧ba̧lö yöa̧lobe duluwo̧ Ezequiasma, —jö̧ba̧lö Isaiasnö yötja̧linobe.
Romanos 11:5 - Dios Iwene5 Babe mölebi ja̧danö tjuju̧kwobe chömöledö. Ba̧jekwadö tjöpöjödijayonö, Israel jojodötjö ina ja'yubenö tjuju̧kwobe, Dios omudawö ujuninawö̧ma. Jobadönö Diosma mikwa jwiinö otiwa jawa iyö, iteda ömöledö batjibanö ja̧inobe. အခန်းကိုကြည့်ပါ။ |
Romanos 11:5
7 ပူးပေါင်းရင်းမြစ်များ
Jau, isabenö Jerusalen comunidad söbebö lotjakobe, jo̧kwaijayonö bakobe okobe deinö jobe ju̧kwadönö kwabawö lotjoböma weökakwo̧ Diosma, o̧bukwedönö tjö̧jibinö pjaatakobe. Ja̧danö, ja̧ möle jobadö tjö̧jibobö Dios pjaatinawö̧, ina Sion mösa'o comunidad Jerusalennö ju̧kwadönö ötjabikobe, —Diosda ömöledö, —jö̧ba̧lö.
Ja̧danö, jobadönö jemakwa̧ abönö, otiwanöbi, sulabenöbi ina ja̧tjakwa̧ abönö, Diosma jobadönö yöawinobe Rebecanöma. Baikwö laebobe Dios iwene, Rebeca ji̧tji̧munöma: Abönö pöema öjawo̧ wei̧da ja̧akwo̧, jö̧ba̧lö laebobe, Dios Rebeca ji̧tji̧munö yöawina, ina jemakwa̧ abönö. Jejenö yöbawö, Diosma i̧sebö yöawinobe, Ötjödasa omudawö juno̧ma, jö̧ba̧lö. Ja̧danö, iteda omukwati̧danöda, jobuju ji̧tji̧mutjö, bakwo̧nö omudawö ujuninobe. Jau chömöledö, jobadö ja̧tji̧ jawa omukwatökönö, Diosma itedada omukwati̧danöda omudawö ujuninobe.
Ja̧danö, Dios iwene wȩyudina Isaíasma Israel jojodönö iwȩyudinobe. Baikwö iwȩyudinobe Isaíasma, Israel jojodönö: Duluwo̧ Diosma juluwanö böjȩ jojodönö labinö lȩebakobe. Ja̧danö, lȩebenama, Israel jojodö tjöba̧jekwijayonö, ojwe ö'öbö ba̧pu̧ so̧bi̧ya̧pu̧danö tjöba̧jekwijayonö, ja'yubenöda tjö̧jibakwedö, Israel jojodöma, jö̧ba̧lö iwȩyudinobe Isaíasma.
ကြော်ငြာတွေ