Romanos 1:9 - Dios Iwene

⁹ Jau chömöledö, ba̧kwȩlö̧jatebö ökwödönö omukwatö Diosnö atebobe. Isabenö abebo̧sa ökwödönöma, omöna yöta̧lökö. Diosda atebobe waiso̧, jo̧bada a̧ja̧kwobetjö̧. Jau chömöledö, ötjö chuluwo̧ma Diosda, jwaikwöda otiwa jawa wene, Dios itji̧ jawa wene yöbawö kwebacho̧sa jo̧ba wei̧danö. Jo̧ba chuluwo̧ Diosma ökwödönö atebobe a̧ja̧kwo̧.

Romanos 1:9 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 16:19

—Chöwaisa, ja̧bö chö̧ji̧ waiso̧ma mölejebe jo̧, –Jobma isabenö wene jwibo̧, –jö̧ba̧lö lȩekwa luwo̧ öba a'o yöbawo̧ma, ja̧danö yöawakwo̧, isabenö Dios ösödi̧danö chö̧ji̧ wenema.

Marcos 1:1

Ötjöma, Marcos mikwo̧sa. Biya̧ wene chiwȩyuda, otiwa jawa wene yöbawö. Ja̧ otiwa jawa wenema Jesucristo ö̧jina wene, Dios Itji̧. Abönö yötawa, ja̧ otiwa jawa wene ajayi baledina.

Lucas 18:1

Ju'wi möle Jesúsma iteda öba̧ja̧di̧ waisachadönö ba̧ja̧dö yöawinobe, me'dawachibökönö ba̧kwȩlö̧jatebö Diosnö atjebobö. Ja̧danö, ba̧ja̧dö, jobadönö wanedö yöawinobe baikwö:

Hechos 12:5

Jo̧kwaobetjö̧ Pedroma ka̧lena ba̧kwaweju okwa bi̧jetö. Jobe ö̧bonö Jesúsnö ösödadöma kabatökönö abebijadötö Diosnö, Pedronö pjaatobö.

Hechos 19:21

Ikenama ja̧ baledinemi tupakwöma Pabloma, o̧'wo̧ ösöwanö jö̧ba̧lijetö: —Aaa, ötjöma babema Jerusalénbe chi̧'yocha. 'Ya̧jo̧ma kwetachocha Macedoniabebi, Acayabebi. Ikenama, Jerusalénnö kwebachö kabatiböma Romabe yöbawö chi̧'yocha— jö̧ba̧lijetö.

Hechos 24:14

Jo̧kwaijayonö jweinö yötawakwö: Bidö, ötjönö jwöbeba̧ladöma, Pabloma Jesúsnö ösödo̧, jö̧ba̧lö, jweinö yötja̧lobe. Ja̧danö Jesúsnö ösödadö, ji̧kwa mananö kwebachadö ötjabiwö̧ tjomukwati̧danö omukwato̧sa, Jesúsnö ösödö. Jo̧kwaijayonö Jesúsnö chösödijayonö ina da'dödömine yötjawinabi chösödobe. Jo̧kwaijayonö Jesúsnö chösödiawö̧ bidöma tjöpöjöda, Ja̧ ösödakwawama wainö ji̧, jö̧ba̧lö. Chuluwo̧, yötawakwö, ötjöma, bidö tjomukwati̧danö, Moisés iwȩyudinabi, Dios yöawi̧ yöbawadö tjiwȩyudinabi chösöda, Jobadö tjiwȩyudina jweinö tjiwȩyudinobe, jö̧ba̧lö.

Hechos 27:23

Jo̧da yö̧te ötjö Chuluwo̧ Dios, cho̧'wo̧ chöwana̧lökwe Dios weajökwe ángelma ötjönö öwawachö

Hechos 3:26

Jo̧kwaobetjö̧ Diosma webijetö Jesúsnö iteda weina ja̧akwo̧nö. Webijetö Jesúsnö ökwödönöma, judío jojodönöma abönöma, ökwödönö pjaatobö, okobe deinö sulabenö kwujuna̧laduwi̧ kakatibaduwinö— yöbawijetö Pedroma.

Romanos 9:1

Chömöledö, ötjöma isabenö ötjöda chömöledönö, Israel jojodönö jwiinö cho̧'wo̧ tjo̧acha, Diostjö 'da̧bachibö tjuju̧kwobetjö̧. Ja̧danö, kabatökönö chomajade niobedanö ichejekwa chömöledö, jwiinö cho̧'wo̧ tjo̧achobetjö̧. Ja̧ yötawaja̧ma Jesúskwö ja̧nö jweinö yötawobe, omöna yöta̧lökö. Ja̧danö, Dios O̧'wo̧ Luwo̧ma yötawi̧ a̧ja̧kwö, Jau jweinö yökawobe, jö̧ba̧lö chomajadenö yöawobe. Ja̧danö jejenö yöawobetjö̧, chöwaisa, Jweinö yötawobe chömöledönö cho̧'wo̧ tjo̧achi̧ma, jö̧ba̧lö. Jau chömöledö, isabenö chömöledö Israel jojodönö chösödobe. Ja̧danö jobadönö ösödö baikwö chomukwatobe: Chömöledö Israel jojodö tjö̧jibo jö̧ba̧lö, Diosma balekwo̧nö ötjönöda lȩbebö, ötjönö Cristo ö̧jelötjö 'da̧batö loitjö̧ma, otiwena, jobadö tjö̧jibobö, jö̧ba̧lö chomukwatobe.

2 Corintios 1:23

Jau chömöledö, chi̧'yakwa̧ jö̧ta̧lina waekwinama baikwö jweinö yötawaduwakwö, ja̧danö chuluwo̧ Diosma öwaisa, biya̧ yöta̧li̧ma jwei̧ wene jö̧ba̧lö. Sule chomukwati̧ chöbalewabobetjö̧ chi̧'yobö chomukwati̧ma waekwijökötö chömöledö, ju'wida, sulabenö ja̧köbinaduwa wene cha̧ja̧kwijatö. Ja̧danö jejenö cha̧ja̧kwitjö̧ kwiteboduwi Corintiobema chi̧'yijökötö chömöledö, labinö ökwödönö lȩtebapji jö̧ba̧lö, ja̧danö labinö lȩtebawö̧, nöinö kwo̧'wo̧ tjo̧achaduwapji jö̧ba̧lö.

Gálatas 1:20

Biya̧ ökwödönö yötawaja̧ma, Dios öba a'otjö ja̧nö yötawaduwakwö, omöna yöta̧lökö chömöledö.

Efesios 6:18

Ja̧danö chömöledö, ba̧kwȩlö̧jatebö Dios O̧'wo̧ Luwo̧ ökwödö kwo̧'wo̧ luwo̧duwinö öba̧ja̧da̧lonö a̧ja̧kwö akebaduwo Diosnöma, okobe jwiinö pjaataduwokwö. Kwö'wachibaduwoko chömöledö, Diosnö aekwama. Ba̧kwȩlö̧jatebö, ö'wachibökönö akebaduwo Diosnöma, iteda ömöledö babibadönöma pjaatobö.

Filipenses 1:3

Chömöledö, ba̧kwȩlö̧jatebö ökwödönö chomukwatenama, Chuluwo̧ Diosnö ösödö atebobe, jwiinö otiwa jö̧ba̧lö.

Filipenses 1:4

Jau chömöledö, ajayinö Jesúsnö kwösödinaduwelö baikwöma, ba̧kwȩlö̧jatebö otiwa jawa wene yötawobö otiwanö pjakatinaduwobe. Jo̧kwajabetjö̧, ba̧kwȩlö̧jatebö Diosnö atebenama, cho̧'wo̧ ösöwanö atebobe ökwödönö.

Filipenses 2:22

jo̧kwaijayonö Timoteonö kwöwaisaduwökwe, bakwo̧ iteda abe'dokwö otidaji̧danö, Timoteoma bakobe ötjökwö otiwa jawa wene otidajibo̧ jö̧ba̧lö.

1 Tesalonicenses 1:2

Chömöledö, ba̧kwȩlö̧jatebö Dabe'do Diosnö adebenama, ökwödönö adebobe. Jau chömöledö, Jesúsnö kwösödaduwobetjö̧, jo̧ba wei̧ ja̧bö kwotidaduwobe, ja̧danö ju'wedönö ösödö pjabatö kwö̧jaduwobe, ja̧danö jwaikwöda kwo̧'wo̧ wana̧lö kwö̧jaduwobe, isabenö Duluwo̧ Jesucristoma yemidanö ichakwo̧ jö̧ba̧lö. Ja̧danö, jejenö kwö̧jaduwi̧ omukwatö, kabatökönö ökwödönö omukwatö Dabe'do Diosnö ösödö adebobe, otiwanö ökwödö Tesalónicanö ju̧kwadönö pjaatinobe jö̧ba̧lö.

1 Tesalonicenses 3:10

Ja̧danö, mölebi, yö̧tebi nöinö Diosnö adebobe, döbabiyakwena yemidanö ökwödönö dedobö weo jö̧ba̧lö. Ja̧danö Jesúsnö ösödö kwö̧jaduwo jö̧ka̧laduwi̧danö isabenö kwö̧jaduwinö pjadatobö weo jö̧ba̧lö adebanö Diosnöma.

1 Tesalonicenses 5:17

kabatökönö Diosnö akebaduwo,

1 Timoteo 2:7

Ja̧danö, Diosma okobe deinö tjö̧jibobö ösödo̧obetjö̧, ötjönö weinobe, Jesús webawo̧ batibanö, ja̧danö judío jojodöböködönö yöbawo̧ batibanö. Ja̧danö, ötjönö weinobe judío jojodöböködönö isabenö wene yötawobö, Jesús jawa isabenö wene yötawobö weinobe. Ja̧ yötawi̧, judío jojodöböködönö yötawobö weinobe jö̧ba̧lö yötawi̧ma, jweinö yötawa, omöna yöta̧lökö.

2 Timoteo 1:3

Timoteo, kabatökönö ökwönö omukwatö Diosnö ösödö yöta̧lobe, otiwa jö̧ba̧lö. Jau Timoteo, cha'dödömine otiwanö Dios wei̧ ja̧bö tjö̧jinadanö, ötjöbi chomajadenö otiwanö chöwaisi̧danö, jwaikwöda Dios wei̧ ja̧bö jo̧sa. Ja̧danö jo̧ba wei̧ ja̧bö chö̧jonö, mölebi, yö̧tebi kabatökönö ökwönö omukwatö atebobe chuluwo̧ Diosnö.

Filemón 1:4

Filemón, ökwönö otiwanö cha̧ja̧kwajabe, isabenö otiwanö Duluwo̧ Jesúsnö ösödö kwö̧ji̧bi, jo̧ba yöawi̧ ösödö kwö̧ji̧bi, ja̧danö isabenö okobe deinö dömöledö Jesúsnö ösödadönö ösödö kwö̧ji̧bi. Ja̧danö, jejenö cha̧ja̧kwobetjö̧ kabatökönö ökwönö omukwatö Diosnö atebenama, ökwönö ösödö atebobe, Isabenö otiwanö pjakatajabe, jö̧ba̧lö Diosnö atebobe.

1 Samuel 12:23

Tupakwö yöawinobe Samuelma, —Ja̧danö ötjöbi chömöledö, isabenö ökwödönö abebö katatoböma jwiobe, ökwödönö Diosnö abebö katatitjöma, isabenö sulabenö Isabenö Jo̧ öpöjödi̧nö katatena. Jo̧kwajabetjö̧ isabenö jwaikwöda Diosnö atebocha ökwödönö, ja̧danö ju'wibi kabatökönö ökwödönö ba̧ja̧dö chö̧jakwo̧sa, otiwanö jweinö ja̧kwawama.