Romanos 1:31 - Dios Iwene

³¹ Jobadöma ja'yubebi otiwanö omukwatöködö, yötja̧li̧danöma ja̧böködö. Ja̧danö, ju'wedönöma ösödöködö, ja'yubebi lȩlö̧jinöma edöködö jojodönöma.

Romanos 1:31 ပူးပေါင်းရင်းမြစ်များ

Proverbios 18:2

Ja̧danö, ju'wibi yötawa: Jweinö omukwatö̧kö̧ma ¿di̧ya sulojobö jö̧ba̧lö, di̧ya otiwojobö jö̧ba̧lö öwaisoböma isakwö̧kö̧. Iteda omukwati̧da yöawobö ösödo̧.

Isaías 27:11

Towi ötjebiya kököbachibö 'debawö meakobe, ja̧danö ya̧döma ko̧ko̧dö tjichakobe, imi baibanö tjujuwobö. Jobekwö baledakobe ditebo israeltjö, dömöledö israel jojodöma okwa jawa omukwatökönö tjö̧jobetjö̧. Jau, jweinö omukwatökönö, Dios wei̧ a̧ja̧kwöködö israel jojodöma, jo̧kwajabetjö̧ ökwödönö otidina Diosma lȩlöjinö edökakwo̧, ökwödönö dadö otidinama, dösölö̧jinö pjaatökakwo̧ ökwödönö.

Isaías 33:8

Jalama manama, jojodö deama jo̧be, yebabinö kwebachöködö dömöledö Juda jojodöma. Döpöjojodökwö wene jwiinö dö̧jakwa̧ wene yöbawö dujuninajayonö, yöbawö tjujunina wene kabatibadö. Jau, ju'wedö tjöba a'otjö öwawinö yöbawö tjujuninajayonö, —Yöbawö dujuninama mikwawökö ji̧, —jö̧ba̧lö kabatibadö, ja̧danö —Ja̧kwawama mikwawökö ji̧, —jö̧ba̧lö, jojodönö kwabö lobadö sulabenö.

Mateo 15:16

Aebökwe, Jesúsma yöa̧linobe: —¿Ökwödöbi ju'wedö wajwitji̧danö ina wajwibadö kwö̧jaduwiji̧?

Marcos 7:18

Jejenö abebö tja̧ja̧kwökwe Jesúsma jö̧ba̧lijetö jobadönöma: —Ökwödöbi ¿tajawedö kwa̧ja̧kwaduwököda? ¿Wajwiköbaduwaji̧ bakwo̧ kwakwawa ukwenama Dios öba a'otjö suli̧ jwöebökö, jö̧ba̧lö, yötawaja̧ma?

Romanos 3:11

Ja̧danö, isabenö waisadöbi deobe, Diosnö isakwö ösödadöbi deobe.

2 Timoteo 3:3

Ja̧danö, jojodönö ösödabikwawöma tjö̧jökakobe, ja̧danö jojodönö lȩlö̧jinöma tjedökakobe, ja̧danö ju'wedönö omöna yötja̧lakobe, sulabenö ja̧badö jö̧ba̧lö. Ja̧danö, idöda tjösödi̧da ja̧tjakobe, ja̧danö jojodönö tjölabikobe, ja̧danö otiwanö ja̧awama tjöpöjödakobe.