Romanos 1:2 - Dios Iwene

² Ja̧ otiwa jawa baledakwa̧ wene tjiwȩyudinobe, damötjö Dios yöawi̧ yöbawadöma, Dios yöawi̧ tjiwȩyudenama.

Romanos 1:2 ပူးပေါင်းရင်းမြစ်များ

Mateo 1:22

Jejenö baledi̧ma baledinobe, Duluwo̧ yöawinadanö baledakobetjö̧. Dios yöawi̧ yöbawo̧ma ja̧ Duluwo̧ yöawina damötjö iwȩyudinobe, baikwö:

Lucas 1:70

damötjö iteda yöawi̧ yöbawadönötjö yöawinadanö.

Hechos 10:43

Okobe deinö Dios yöawi̧ yöba̧ladöma damötjö yöbawijadötö, Jesúsnö ösödadöma suli̧ jwibadö batjibakwedö, jö̧ba̧lö. Ja̧danö, yöbawijadötö, Jesúsnö ösödadö tjusuli̧ma, Jesús ujulunö söbebö loobetjö̧ suli̧ jwibadö batjibakwedö, jö̧ba̧lö— yöbawijetö Pedroma Cornelio eju okwa ja̧dönöma.

Hechos 13:32

Ina yöbawijetö: —Chömöledö ökwödöma ökwödönö Dios otiwa jawa wene yöbawö dichatö. Ja̧ otiwa jawa wenema biya̧: Diosma damötjö ökwödö da'dödöminenö yöbawö junijetö isabenö iyakwa̧ wenema. Babema ökwödönö yötawa. Ja̧ yöbawö junö iyakwa̧ma ida̧ökö iyijetö Diosma, ökwödö dö̧ji̧ma. Diosma da'dödöminenö, Chiyocha, jö̧ba̧lö, jö̧a̧linama, ökwödönö, jobadötjö tupadanö jojodönö iyijetö. Ja̧danö, Jesúsnö, wobajo̧nö yemidanö tjeachajinö ja̧enama Diosma ökwödönö iyijetö da'dödöminenö, Chiyocha, jö̧ba̧lö, jö̧a̧linadanö. Damötjö Dios yöawi̧ yöbawadö tjiwȩyudinatjö yöawi̧danö iyijetö Diosma. Baikwö laebobe Dios iwenetjö, Salmos mikwa'yetjö, capítulo dosnö: Ökwöma ötjö chitji̧ja. Babe mölema jweinö chi̧sebobe, ötjöma ökwö kwabe'dosa. jö̧ba̧lö, laebobe Dios iwenetjö—yöbawijetö Pabloma—.

Hechos 26:6

Babema chuluwo̧, ökwö kwöba a'otjö chö̧ja, chatadi̧ma kwa̧ja̧kwobö. Ötjöma Dios da'dödöminenö junö yöawina wene chösödobetjö̧, Wobinadö yemidanö tjeachajinö ja̧takwo̧sa, jö̧ba̧lö, wene chösödobetjö̧ judío jojodöma do̧batö tje'ewijatö ötjönöma, kwöba a'otjö tjujunobö, chuluwo̧.

Romanos 16:26

jo̧kwaijayonö babema wajuwanö i̧sekwobe, okobe deinö a̧ja̧kwö tjösödo jö̧ba̧lö, ba̧kwȩlö̧jatebö jo̧ Dios weinadanö. Damötjö Dios iwene wȩyudinadö tjiwȩyudinobe ja̧ wenema, ja̧danö babema wajuwanö i̧sekwobö weinobe Diosma, okobe deinö böjȩ ju̧kwadö ösödö, Dios wei̧ ja̧tjo jö̧ba̧lö.

Romanos 3:2

Isabenö mikwawinobe chömöledö, baikwö yötawa: Judío jojodönöda iyinobe Diosma, iteda iwene tjite'ada̧lobö, te'ada̧lakwawa luwedö baibanö tjite'ada̧lobö. Ju'wedönö iyinokobe, judío jojodönöda iyinobe chömöledö.

Romanos 3:21

Chömöledö, babema Diosma iteda ja̧i̧ma i̧sebinobe, suli̧ jwibadö badibobö. Ja̧ suli̧ jwibadö baibakwawama, Moisés iwȩyudina ja̧bö ichikwokobe chömöledö. Jo̧kwaijayonö, Moisés iwȩyudina ja̧bö ichikwököjayonö, Moisés iwȩyudinabi, ju'wedö Dios iwene yöbawadö tjiwȩyudinabi yöawinobe Dios jejenö jojodö suli̧ jwibadö badibanö ja̧akwa̧ma.

Tito 1:2

Ja̧danö, Dios omudawö ujuninawö̧nö chöba̧ja̧dobe, Diosnö tjo̧'wo̧ wana̧lö tjomukwatobö, Aaa, isabenö ökwödöma ba̧kwȩlö̧jatebö ja̧kwawa dujuna̧lakwedösa, Dios jö̧a̧li̧danö, jö̧ba̧lö tjomukwatobö. Ja̧ ba̧kwȩlö̧jatebö ja̧kwawa dujuna̧lakwa̧ wenema omöna yöba̧lö̧kö̧ Diosma yöbawö ujuninobe, ina böjȩ otidakwa̧ abönö.