Romanos 1:15 - Dios Iwene

¹⁵ Ja̧danö, ökwödönö Roma jojodönöbi otiwa jawa wene Dios iwene yötawobö jö̧ta̧la.

Romanos 1:15 ပူးပေါင်းရင်းမြစ်များ

1 Reyes 8:18

Ja̧danö, jejenö otidobö ösödiökwe, Isabenö Jo̧ma chabe'donö yöawinobe: –Ötjönö otiwanö omukwatö, cheju baibanö o̧do kwotidobö jö̧ka̧li̧ma, isabenö otiwanö ösödö omukwato̧ja.

Isaías 6:8

Jemi ikenama Isabenö Jo̧ yöa̧lobe cha̧ja̧kwijatö, baikwö yöa̧li̧ma: —Tinö wetakwa̧da, chömöledö israel jojodönö yöa̧lobö? Jobadönö yöda̧lo jö̧da̧lima, tinö wetakwa̧da, jo̧bada yöawakobetjö̧? —jö̧ba̧lö. Jobekwö abebö a̧ja̧kwi̧tjö̧, ötjö Isaiasma chatadijatö, —Chuluwo̧, ötjöma bai kwöba a'o jo̧sa, ötjönöda webi, yökawo jö̧ka̧li̧ma yötawakobetjö̧, —jö̧ba̧lö.

Mateo 9:38

Jo̧kwajabetjö̧, ja̧ wa̧ji̧ emawa luwo̧ Diosnö akebaduwo, emö otidadönö weo jö̧ba̧lö— yöawinobe Jesúsma.

Marcos 14:8

Bisu isuju tojebi̧ma otiwanö omukwatö jujuna̧li̧tjö tojebatö ötjönöma. Ötjönö omeasobu chuunö tojebaja̧ma wobajo̧ tjödakwo̧nö totjebi̧danö ötjönöma tobebuju, wotakwo̧nöma.

Juan 4:34

Ja̧danö Jesúsma yöawinobe jobadönö: —Ötjö chukwi̧ kwakwawama biya̧: Ötjönö webo̧ ösödi̧ma, iteda wei̧ a̧ja̧kwo̧sa. Jejenö iteda wei̧ a̧ja̧kwö chö̧jena, otiwanö chö̧ja, jojodö tjukwaja̧ ikena otiwanö tjö̧ji̧danö— yöawinobe.

Hechos 21:13

Jejenö lȩdeabijayonö Pabloma jö̧a̧lijatö: —Kwubudekwabiduwatjö chömöledö. Jejenö kwubudekwabiduwobema jwiinö cho̧'wo̧ tjo̧tekwobe. Ötjöma Duluwo̧ Jesús ja̧ina yötawobetjö̧ jobetjö Jerusalénbetjö ötjönö do̧tjatitjö̧ma wainö do̧tjatakwo̧sa. Jesús ja̧ina yötawobetjö̧ kwabö lotjitjö̧bi wainö kwabö lotjakwo̧sa. Jejenö ötjönö baleditjö̧ma ötjöma, Jau kwatjö̧ma, do̧tjatena, kwabö lotjena, jö̧ba̧lo̧sa— jö̧a̧lijatö Pabloma.

Romanos 10:15

Ja̧danö, ¿dakwö yöawobö yöbawo̧ma, jo̧banö, Yöbawaji, jö̧ba̧lö wetjokobema? Waekwena, ¿jö̧tö? Dios iwene baikwö laebobe Dios iwene yöbawadönöma: Otiwa jawa wene yötjawakwedö tjichi̧ma jwiinö otiwobe, jö̧ba̧lö laebobe.

Romanos 12:18

Ja̧danö ju'wedökwö wene jwiinö kwö̧jaduwobö ji̧tjö̧ma, wene jwiinö kwö̧jaduwo chömöledö.

Romanos 15:20

Ba̧kwȩlö̧jatebö ju'wedö yötjawokobe yötawobö chisakwijatö. Baikwö wanedö yötawa: Dios iwene yöbawadöma, o̧do tjotidobedanö otidadö, ja̧danö jelo̧ otidaja̧ wame chotidapji jö̧ba̧lö, ba̧kwȩlö̧jatebö ju'wedö yötjawokobeda yötawobö chisakwijatö.

1 Corintios 9:17

Jau chömöledö, ötjöda otiwanö omukwatö yöbawö chö̧jitjö̧ma, Aaa, Dios, kwimidotjö jö̧ba̧lö atebo jö̧ta̧lena. Jo̧kwaijayonö, ötjöda omukwatö yötawokobe chömöledö, Diosda ötjönö weinobe, ju'wedönö yökawo jö̧ba̧lö. Ja̧danö, chuluwo̧ wei̧da ja̧bö chö̧jobetjö̧, chotido jö̧ta̧li̧da chotidobe chömöledö.

2 Corintios 8:12

Jau chömöledö, isabenö iyö pjakataduwobö jö̧ka̧laduwitjö̧ma otiwa, baikwö yötawa: Isabenö iyö pjakataduwobö ösödö, kwujuna̧laduwi̧tjö kwiyaduwitjö̧ma, Diosma edö ösödakobe, jo̧bama kwujuna̧laduwi̧ öwaisobetjö̧. Jau chömöledö, Diosma sule kwujuna̧laduwi̧da edo̧, kwiyaduwi̧ otiwojobö jö̧ba̧lö, ja̧danö kwiyaduwobö kwujuna̧laduwi̧danö kwiyaduwenama, edö ösödo̧ Diosma, bidöma otiwanö pjatjatobö ösödadö jö̧ba̧lö.