Proverbios 8:28 - Dios Iwene

²⁸ Ja̧danö, chö̧jijatö Isabenö Jo̧ ojwiyo'wiju ö̧nena, bö̧jȩ möakwö nönö. Ja̧danö, bö̧jȩ okwa ojwiyoma 'diinö lo̧obö weena jobe chö̧jijatö ötjöma.

Proverbios 8:28 ပူးပေါင်းရင်းမြစ်များ

Génesis 1:7

Ja̧danö, Diosma jwai balawa 'da̧batijetö ö'weje wa̧jo̧ baibanö. Jejenö wa̧jo̧emi wame ojwiyoma li̧nö nönijetö Diosma. Ja̧danö wa̧jo̧emi teebe jwai balawa lijetö. Jejenö baibijetö, Dios wei̧danö.

Génesis 1:9

Ikenama: —Niji öwawachö, jwai balawa öibajinö babibi, bakwödöda baibanö— jö̧ba̧lö webijetö Diosma. Jejenö baibijetö, Dios wei̧danö.

Génesis 7:11

Ja̧ o̧ba, Noé seiscientos a̧yo̧ ujuna̧lina o̧bama, ja̧wo̧dö du̧ju̧taja tjöbaledaja̧ bajalekwö diecisietenö möle baibena jwai balawa okwatijetö böjȩnöma. Niji 'wabachibö, ojwiyo niji okwatjö döi̧danö okwatibijetö. Ja̧danö, mölejȩbetjöbi nöobu o̧bijetö, jwai balawa okwatinö.

Génesis 8:2

Ja̧danö, niji okwatjö ojwiyo döaja̧bi 'dö̧ibajijetö, döökönö. Mölejȩbetjö o̧baja̧bi o̧bijökötö.

Diosnö ösödo̧ Job mikwo̧ usula emawina jawa 26:8

Ja̧danö, ojwiyo ko̧ko̧dö 'di̧batö ojwiyo'wo böa'wonö ano̧, ja̧danö yelösöda nöinö ojwiyo a̧ji̧jayonö, kȩachibökö'wo, di̧ataja̧ ojwiyoma.

Diosnö ösödo̧ Job mikwo̧ usula emawina jawa 38:16

—Bakwötanöbi jwaibalawa la'aka edö kwȩwa̧jinaji̧? Delö laebojobö jö̧ba̧lö edö kwȩwa̧jinaji̧? Inesö da̧kwobe kwekachinaji̧?

Proverbios 3:19

Ju'wibi yötawakwö chitji̧, Isabenö Jo̧ ajayinö ö̧jina jawama: Isabenö Jo̧ma jweinö omukwatö Jo̧. Ja̧danö, jweinö omukwatö Jo̧obetjö̧ böjȩma otidinobe. Ja̧danö, mölȩjȩnö lö̧jadönöbi öninobe, isabenö mikwawadö, jö̧ba̧lö waiso̧obetjö̧.

Proverbios 8:27

Ina yöbawuju: —Ja̧danö Isabenö Jo̧, mölȩjȩ önena ötjöma jobe chö̧jijatö. Jao, mölȩjȩma jwai balawa ichibinö isȩbö ö̧nena jobe chö̧jijatö ötjöma.

Proverbios 8:29

Isabenö Jo̧ma jwai balawa lo̧obö weena, jo̧ba wei̧danö li̧nobe, tupakwö baledökönö. Jobekwö weenama jobe chö̧jijatö. Ja̧danö, ötjöma chö̧jijatö bö̧jȩ okwa la'aka ujunena— yöbawuju isudada, jweinö omukwatö ja̧kwawa wanekwachujuma.

Mateo 8:26

Jejenö yötja̧lökwe, Jesúsma atadinobe: —¿Tajawedö Diosnö kwo̧'wo̧ wana̧lökönö yekabiduwobedaja̧?— jö̧ba̧lö. Ikenama, a̧laibö Jesúsma weinobe jwa̧lȩ'epjo yöachibobö, ja̧danö balawa loaja̧bi yöachibobö. Jejenö weenama, ja̧ jwiinö baibinobe, ja̧danö o̧pesobuma yöachibinobe.