Proverbios 6:35 - Dios Iwene

³⁵ Ja̧danö, jilekwenö juna̧lujukwö ji̧nama omukwatena, jilekwenö balada chimiditjö̧ma ödameakwi̧ söawena, jö̧ba̧lö. Jo̧kwaijayonö jilekwema jwiinö öpöjödo̧, chemökö, jö̧ba̧lö, ilekwokwö ji̧nanö lȩbeböda lȩtebakwo̧, jö̧ba̧lö omukwato̧. Nöinö baladabi emokobe jilekwema, ja̧ ilekwokwö sulabenö ja̧ina o̧'wo̧ jwiiboböma.

Proverbios 6:35 ပူးပေါင်းရင်းမြစ်များ

2 Reyes 5:1

Bakwo̧ Naaman mikwo̧, siria jojodötjö ölakwabikwawadö tjuluwo̧ ö̧jinobe. Jo̧ba Naamanma, isabenö juluwo̧ ö̧jinobe, ja̧danö Isabenö Jo̧ma iyinobe, Naaman weonö, Siria jojodö tjujuluwobö. Jo̧kwajabetjö̧ Naaman uluwo̧ Siria inesö la'aka luwo̧bi, ju'wedö jojodöbi otiwanö tjomukwatökwe ö̧jinobe Naamanma. Isabenö juluwo̧ ö̧jinobe Naamanma, jo̧kwaijayonö ju'wibi, inesö labi̧ tjö'wöchi̧ lepratjö 'dö̧achinobe Naamanma.

Proverbios 4:3

Chi̧tji̧mu̧ ötjöbi ökwödödanö chabe'donö juna̧linasa̧, jo̧ba chabe'doda jö̧ba̧lö yöawinökwesa. Ja̧danö, chojo'do ile nijebinökwesa, iteakwo̧da ji̧tji̧chobetjö̧. Ja̧danö, ina tjȩmu̧bayo̧, chö̧jayima

Proverbios 6:34

Jao chitji̧, jobuju jilekwema jobujunö ile niebobetjö̧ yelösöda ö'wiyawö labo̧ ilekwokwö ji̧nanöma. Isabenö, ilekwokwö ji̧nanöma sulabenö ja̧ina mikwa baibanö lȩebakwo̧, lȩ lö̧jö̧könöda.

Proverbios 7:1

Baikwö laebobe Salomón iteda itji̧nö möayo̧nö jwebebö yöawinama: Chitji̧, ökwönö weti̧ma a̧ja̧kwö kwö̧jo. Ja̧danö, ötjö jwebebö yötawi̧ma kwomajadenö anawö kwö̧jo, jwiinö mikwawobe, jö̧ba̧lö.

Proverbios 7:13

Ja̧danö, jobujuma möayo̧ jeju ichajo̧nö wo̧ba̧lö du̧du̧buju. Ikenama, taba̧lökönö möayo̧nö öbajalenö jweinö edö yöja̧linobe jobujuma möayo̧nöma:

Proverbios 8:25

Ja̧danö, ötjöma Isabenö Jo̧ mö'ösa'iju otidakwa̧ abönö ida̧ökö Isabenö Jo̧ ötjönö 'yata̧lobö ujuninokosa.

Isaías 13:17

—–Jau, medo jojodönö wetocha, Babilonia jojodönö metjibakwa̧ tjomukwatobö, ja̧danö jwaikwöda Babilonia jojodönö söbebö lotjobö tjösödakwedö. Jobadö medo jojodöma platabi, orobi ösödöködö, jo̧kwajabetjö̧ midö tjö̧jibobö jö̧ba̧ladöbi ji̧kwawa jwitjakwedö.

Isaías 2:9

Jobekwö sulabenö ja̧tjiökwe, mikwawöködö batjibanö webo̧ Diosma, okobe deinö nijakwönönö meatö lobo̧ jobadönö, taba lö̧jawö̧ tjö̧jakobetjö̧. Chuluwo̧ Dios, jobekwö o̧'wo jawa ösödadönö meatö loköbobö otiwa, jobadöjayedönö lȩlöjinö edökönö, jweinö lȩkebodönö chuluwo̧ Dios.