Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Proverbios 6:14 - Dios Iwene

14 Yelösöda, jo̧ba sulabenö omukwato̧ma sulabenö öwaedakwa̧da ajayinö omukwatö juno̧ o̧'wo̧ okwanö. Ja̧danö, jo̧bama ju'wedökwö wene tju̧juna̧loböda wene jwöbebo̧ ba̧kwȩlö̧jatebö.

အခန်းကိုကြည့်ပါ။ ကော်ပီ




Proverbios 6:14
22 ပူးပေါင်းရင်းမြစ်များ  

Ja̧danö, ju'wibi yötawa: Jojodötjö ju'wedöma sulabenö tjöwaedakwa̧ tjo̧'wo̧ junö omukwatadö. Ja̧danö, jobekwö tjo̧mukwatobetjö̧ jelobekwö omukwatö tji̧'yakwedö, le'dewadö tji̧'yi̧danö. Jobekwö tjö̧jokobe pjatjatakwa̧ tjo̧'wo̧ junö omukwatadöma. Ja̧danö, jobadöma jojodönö pjabatö tjö̧jobetjö̧ pjabatakwawö tjö̧ji̧ balekwa mikwa jobadönö ba̧kwȩlö̧jatebö ösödö pjabatadöma tjö̧jakwedö.


Ja̧danö, ju'wibi yötawa: Sulabenöda omukwato̧ma ju'wedönö wene jwöeboböda omukwato̧. Wanedö yötawa: Ökwöla ubola jwale'ewö jelobekwö emibi̧danö sulabenö omukwato̧ yöa̧li̧ma okobe jwiinö ubi̧, nöinö wene jwöbebö.


Ja̧danö, ju'wibi yötawa: Bakwo̧ o̧'wo̧ sulinö edo̧ma la'akatjöda otiwanö ö̧jökakwo̧. Ja̧danö, ju'wibi: Ba̧kwȩlö̧jatebö omöna yöba̧lo̧nöma jwiinö labi̧ jawa baledakwo̧.


Ja̧danö, jobadöma jobekwö sulabenö omukwatö tjö̧joböma jwiinö ösödadö. Isabenö, jwiinö ösödadö sulabenö ja̧bö tjö̧ji̧ma, otiwa jö̧ba̧lö.


Ja̧danö, ju'wibi yötawa, wanedö: Mana wi̧so̧ama sulabenö ja̧badö tjö̧ji̧ wanekwachobe, jweinödamaö̧kö̧ kwetjachi̧ma. Ja̧danö, bakwo̧ sulabenö omukwatö ja̧bo̧ma ja̧ma wi̧so̧ama ji̧danö kwebacho̧, sulabenöda omukwatö. Jobekwö kweachokobe Dios wei̧ a̧ja̧kwö, otiwanö omukwatö jo̧ma. Jo̧bama ba̧kwȩlö̧jatebö mana jweamanö ji̧danö kwebacho̧, otiwanöda ja̧bö.


Ja̧danö, ju'wibi yötawa, wanedö: Bakwo̧ öbatjonö sulejewa ujunitjö̧ma sulejewada pokwena ¿jö̧tö̧? Ja̧ ji̧danö bakwo̧ jojodönö sulabenöda ja̧itjö̧ma weneda baledena jo̧banöma, nöinö. Ja̧danö, jo̧bama itedada wene jwöebakwo̧, jojodönö sulabenö ja̧obetjö̧. Jobekwö wene nöinö baledökwema usula emawobetjö̧ jojodönö sulabenö ja̧i̧ma bajaliyanöma kaatibakobe.


Jemi ikena jweinö omukwatadö yötjawinama baikwö laebobe, bakwo̧ iteda itji̧nö jwebebö yöawi̧danö: Chitji̧, yötawakwö: Jojodöma tjöwaisachibakwedö sulabenö ja̧akwa̧ o̧'wo̧ junö omukwato̧nöma, wene jwöbebo̧, jö̧ba̧lö.


Ja̧danö, ju'wibi jwebebö yötawakwö chitji̧: Kwipjeanö jo̧nöma suli̧ ja̧köbakwa̧ kwomukwatoko. Jo̧bama ökwönö otiwanö omukwatobe, ja̧danö la'akatjöda omukwatokobe sulabenö ja̧köbakwa̧ kwomukwatobema jo̧banöma. Jo̧banö sulabenö ja̧köboböma jwiyobe chitji̧.


Chitji̧, Isabenö Jo̧ma jwiinö öpöjödobe jelobekwö sulabenö omukwatö jo̧nöma. Jo̧kwaijayonö Isabenö Jo̧ma, iteda wei̧ a̧ja̧kwö jo̧nöma nöinö ösödo̧, yö̧ne ötjö chömöledöso̧, jö̧ba̧lö.


Suli̧ waedadöbi ja̧danö, jobadönöbi otiwanö tjomukwatobö jwiobe. Jobadöma sulabenö omöna yöba̧lö jojodönö suli̧ waedadö, ja̧danö sulabenö ja̧tjo̧bö omukwatö junadö. Usula emawadönö suli̧ tjöwaedotö jö̧ba̧lö, sulabenö omöna yöba̧ladö. Jwibo̧ma lȩekwa luwo̧ öba a'o ja̧nö, jweinö yöawenabi, yayonö jo̧banö suli̧ tjöwaedotö jö̧ba̧lö omöna yöba̧ladö, suli̧ waedadöma.


Jo̧kwaijayonö sulabenö ja̧bö ju̧kwadöma, wene jwibö, tjo̧'wo ösöwanöma jö̧kö̧dö. Jobadö tjö̧ji̧ma, jwaibalawa kabatökönö loidanö ichejekwobe. Jwaibalawama lobajibö, ba̧kwelöjatebö lete'obi, sula'wobi, ko̧ko̧dö ödobe jwaibalawa ö'öbönö, jö̧tö? Jobekwö ichejekwobe sulabenö ja̧bö ju̧kwadö tjö̧jima, jö̧ba̧lö yöawobe chösödökwe Diosma.


Chömöledö, ökwödönö budekwö ateba, te'ada̧lakwawönö kwuju̧kwaduwo chömöledö. Suli̧ waedadöma tjuju̧kwobe, jojodö idöda tjömöledökwö tjölakwabikwawo jö̧ba̧lö isakwadö. Ja̧danö, jobadöma Jesúsnö ösödadönö omöna yöba̧ladö, Duluwo̧ weökö jawa tjomukwato jö̧ba̧lö. Jau chömöledö, isabenö wene kwa̧ja̧kwinaduwa wene laebi̧danöma omukwatöködö jobadöma, ja̧danö jobadötjö 'da̧bachibö kwuju̧kwaduwo chömöledö.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ