Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Proverbios 31:4 - Dios Iwene

4 Ju'wi jawabi jwebebö yötawakwö chitji̧: Ökwöma inesö la'aka luwo̧ja. Ja̧danö, inesö la'aka luwedöma ubasobu o̧'do̧bu nöinöma, 'dukwachinö tjowobö jwiobe. Ja̧danö, ju'wibi ju'wi o̧'do̧bu tjowobö ba̧kwȩlöjatebö isakwakwawama jwiinö sulobe chitji̧.

အခန်းကိုကြည့်ပါ။ ကော်ပီ




Proverbios 31:4
16 ပူးပေါင်းရင်းမြစ်များ  

Jemi ikenama, ömöayo̧ Zimri mikwo̧ma uluwo̧ Elanö kwabö loobö omukwatö ujuninobe. Ela ömöayedö kolukiyanö ölakwabikwawajadö tjuluwedö la'aka luwedöma duju̧taja tjö̧jinobe, Zimri mikwo̧ma jobadötjö ja'ö la'aka luwo̧ ö̧jinobe, ja̧danö jelo̧ ju'wedönö webö ö̧jinobe. Ja̧danö, baikwö laebobe Zimri Elanö kwabö loina wenema. Ju'wi möle Elama iteda ömöayo̧, eju teada̧lakwawa luwo̧ Arsa mikwo̧ ejunö ö̧jinobe, ja̧danö Arsa ejunö ja̧nö, nöinö o̧walinobe Elama, jwiinö 'dukwachökwe baibanö.


Acab yöa̧la̧ja̧ Ben-adadnö yötjawenama, Ben-adadma ömöayedö la'aka luwedökwö, ejunö ja̧nö tjowa̧linobe. Ja̧danö, Acab yöa̧laja̧ a̧jakwajo̧, iteda ömöayedönö weinobe, —Tjo̧wi, Samaria comunidad medibakwa̧ jawa kwotidaduwo, juluwanö medibakobetjö̧, —jö̧ba̧lö. Ja̧danö, weaja̧danö tjölakwabikwawakwa̧ jawa tjotidinobe.


Baikwö laebobe ju'wi Salomón jwebebö yöawakwawa jawanö wanekwachi̧ jawa: Isabenö yötawa: 'Dukwachawö̧ma jweinö omukwatöködö. Jobadöma ubasobu o̧'do̧bu, ja̧danö ju'wi nio ojwiyo owajadö 'dukwachawö̧ma jojodönö tjo̧'wo sulachibanö edö obadö. Ja̧danö, jojodönö ölakwabikwawö jwöbeba̧ladö 'dukwachawö̧ma. Isabenö jweinö omukwatöködö.


Yelösöda 'dukwachökwema isowi ojwenö lo̧wi jwale'epjo doibajabe bölebö li̧danö jö̧kwe. Ja̧danö, isowi jelobekwö jelobekwö pjaekwabidanö pjaekwabiökwe aböködanö jo̧ 'dukwachökwema.


Isabenö usula tjemawakwedö, nöinö nio ojwiyo owa̧ladöma. Jobadöma sulabenö omukwatadö, —Ju'wedötjö bajalekwönö nöinö ubasobu o̧'do̧bu dowa̧lobö dujuluwobetjö̧, otiwadösa, ja̧danö ju'wi nio ojwiyokwö, ju'wi nio ojwiyokwö pjabatö wiwodakwawa döwaisobetjö̧, otiwadösa, —jö̧ba̧lö omukwatadö.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ