Proverbios 31:17 - Dios Iwene

¹⁷ Isabenö juluwuju, ba̧kwȩlö̧jatebö dösölö̧jinö, labinö otiduju. Jöjabiyabi juluwuju ba̧kwȩlö̧jatebö labinö jotidobetjö̧.

Proverbios 31:17 ပူးပေါင်းရင်းမြစ်များ

Génesis 49:24

Jo̧kwaijayonö Diosma jobadönö pjaatakwo̧, chuluwo̧ Diosma, Jwiinö Juluwo̧ Diosma. Ja̧danö, jo̧ba Diosma jwiinö te'ada̧lo̧, jwiinö pjabato̧. Jo̧bada ökwötjö tupadanö jojodönö pjaatobetjö̧ tju̧kwa 'böpöma tjö̧bawökönö, ja̧danö tjöjabiyabi tjö̧bawökönö labinö sedatö 'bötjakwedö tjöpöjojodönöma.

1 Reyes 18:46

Jo̧kwaijayonö, juluwanö ö'öakwawijayonö, ö'öakwawi̧tjö bajalekwönönö juluwanö ö'öakwawinobe Eliasma. Juluwanö mebökönö ö'öakwawakobetjö, Eliasma ö̧kamijido̧ di̧atinobe, ja̧danö di̧batajo̧, ö'öakwawinobe Eliasma Jezrelbe. Ja̧danö Isabenö Jo̧ ujuluwachibanö pjaatiökwe, Acab ichibakwa̧ abönö Jezrel comunidadbe ichibinobe Eliasma.

2 Reyes 4:29

Yöja̧liökwe, Giezinö weinobe, —Juluwanö kwö̧ka̧mijido̧ di̧batakwawi, juluwanö ö'öbakwawö kwi̧'yakobetjö̧, ja̧danö chotokwöte e'ewö, jejube kwi̧'yo. Jobekwö kwi̧'yonö, jelo̧nö kweditjö̧ma, dokwa jö̧ba̧lökönö, jwaikwöda tupakwö kwi̧'yo, ja̧danö bakwo̧ ökwönö edö, dokwa aebitjö̧bi, atadökönö jwaikwöda juluwanö kwi̧'yo. Ja̧danö, ichibajo̧, chotokwöte tjemu öbanö kwöwano, —jö̧ba̧lö.

Diosnö ösödo̧ Job mikwo̧ usula emawina jawa 38:3

Babema ökwönö abebö cha̧ja̧kwakwo̧sa, jadanö ötjönö kwatadakwo̧ja, jo̧kwajabetjö̧ jojo juluwo̧ otidobö a̧la̧ibi̧danö, chöba a'o a̧la̧ibi, kwatadakobetjö̧, —jö̧ba̧lö yöa̧linobe Diosma, Jobnö.

Proverbios 31:16

Ikenama, niji tjiyemima 'ya̧nö eduju. Ja̧danö, jemima edö, otiwemi, jö̧ba̧lö jösöditjö̧ma mido jemena. Jemima jujunobö midö emuju isuda jotidaja̧ tjiyina mikwa baladanö. Ja̧danö, jemima jöbatjonöma uba jujunakwuju.

Proverbios 31:18

Ja̧danö, jobujuma jotidina mikwama jöwaisobe, biya̧ chotidawa nöinö mikwawobe, jö̧ba̧lö. Nöinö jotidobe, yö̧te ja'ö baibanö.

Isaías 44:12

Baikwö labebö lobö yöta̧la, —Diosbedönö otidadösa, —jö̧ba̧ladö tjotidi̧ jawama. Bakwo̧ 'dii jawatjö otido̧ma, ökwöla ubö̧'a wame 'dii jawatjö otido̧. Martiyunö bȩbö, o̧'wo jawa baibanö, iteda ujulunö labinö otidobe. Ja̧danö, lekwe otidajabetjö̧, a̧wi̧chi̧ tjöbö, ime'dawachibobe. Ja̧danö ojwiyo owökönö ja̧nö, 'dö̧achibobe, jo̧ba Diosbo̧nö otido̧sa jö̧ba̧lo̧ma.

Lucas 12:35

Tupakwö yöawinobe Jesúsma: —Yemidanö chichakwa̧ te'ada̧lö kwö̧jaduwo chömöledö. Baikwö wanedö yötawa: Bakwo̧ luwo̧ma tji̧lȩkwa̧munö emawa pjiesta junö i̧'yena, ja̧danö jejenö i̧'yitjö̧ma, ömöayedöma ȩwa̧jakwa̧ te'ada̧lö tjö̧jena, ¿jö̧tö? Tjuluwo̧ ȩwa̧jakwa̧ te'ada̧lö, otidadö 'dutjawado̧ kamijido̧ 'dubawajadö, ja̧danö dejewa'yu̧ nötedajadö tjite'ada̧lena, tjuluwo̧ ichibenama juluwanö apjude po̧bebö tetjatobö.

Efesios 6:10

Babema bajaleapo yöbawö chiwȩyuda, chömöledö. Duluwo̧ma jwiinö juluwo̧ ¿jö̧tö? Ja̧danö, iteda ujulunö pjaatobetjö̧ kwo̧'wo̧ luwo̧duwinö jemi tupakwö juluwachibanö kwi̧'yaduwo.

Efesios 6:14

Jo̧kwaobetjö̧ yötawaduwakwö. Dios jawa, otiwa jawa wene, isabenö wene, kwo̧'wo̧ luwo̧duwinö do̧batö omukwata̧lö ju̧kwaduwi chömöledö, ba̧kwȩlö̧jatebö, jemi tupakwö juluwachibanö kwi̧'yaduwo. Wanedö yötawa: 'Bötjabikwawakwedöma koleasö̧jȩma 'diinö di̧batakwawadö, otiwanö tji̧'yobö. Ja̧danö ökwödöbi, chömöledö. Dios iwene, otiwa jawa iwene, isabenö iwenema, kwo̧'wo̧ luwo̧duwinö 'diinö do̧ba̧lakwawö 'ya̧duwi. Jejenö otiwanö kwi̧'yaduwakwedöja, kwo̧'wo̧ luwo̧duwima juluwachibanö jemi tupakwö. Ja̧danö chömöledö, ju'wibi yötawaduwakwö. Jweinö, otiwanöda omukwatö ju̧kwaduwi. Jejenö kwö̧jaduwena Awetjama sulabe ujuluwotö jö̧ba̧lö weijayonö tjöbeba̧lakwawö kwö̧jaduwakwedöja. Ju'wi wanedö yötawa: 'Bötjabikwawakwedöma 'dii̧ jawa wamenö 'dubawadö, tjomuko tjöeba̧linö. Ja̧danö, jobadö tjomuko tjöeba̧li̧danö, ökwödöma, Awetja sulabenö wei̧ma tjöbeba̧lakwawö ju̧kwaduwi, jweinö, otiwanöda omukwatö.

1 Pedro 1:13

Ja̧ wenema isabenö wene chömöledö, ja̧danö ja̧ wene omukwatö kwö̧jaduwo, otiwanö ja̧bö kwö̧jaduwakobetjö̧. Ja̧danö jweinö omukwatö jwaikwöda ja̧ Dios ökwödönö iyakwa̧ jawa kwo̧'wo̧ kwöwana̧laduwo chömöledö, isabenö Jesucristo yemidanö ichenama, Dios otiwanö iyakwawö̧sa jö̧ba̧lö.