Proverbios 30:19 - Dios Iwene

¹⁹ Wi̧yu̧li̧nö deayu bolenö edö chöbajale jalakanö eda̧lo̧sa, dakwö köba̧lo̧jö, jö̧ba̧lö. Ju'wbi: A̧ko'danö inawanö tjö̧bawo̧nö edö chöba̧ja̧le jalakanö eda̧lo̧sa, dakwö tjö̧bawo̧jö̧, jö̧ba̧lö. Ju'wibi: Isowi nöowi jwai balawanö 'yo̧wi edö chöbajale jalakanö eda̧lo̧sa ¿dakwö 'yo̧wijö jö̧ba̧lö? Ju'wibi: Bakwo̧ iso̧ma isujunö, chomajadenö jwiinö chösödoko, jö̧ba̧lo̧nö edö chöbajale jalakanö eda̧lo̧sa iso̧ isujunö omajadenö ösödi̧ma ¿dakwö baledenajö jö̧ba̧lö? Ja̧ ö'wejemu jawa jwiinö chösödijayonö dakwöjö waiya, jö̧ba̧lö, chöwaisachibobö do̧tatibokobe.

Proverbios 30:19 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 39:27

Ökwöda weköbajawö̧, wiyulima mö köba̧lajadö, möemi tja̧'do̧ tjotidobeji̧?

Éxodo 22:16

Ina webijetö Isabenö Jo̧ma Moisésnö: Ju'wi wanedö yötawa: Bakwuju möayuju jö̧jobe, ina iso̧kwö jö̧kö̧ju, ja̧danö, ina jobujunö chilekwo baibanö chemocha, jö̧balö, yöbawö juno̧nö debujuma. Ja̧danö, jelo̧ma jobujunö obö jobujukwö bakobe ö̧jitjö̧ma jobujunö ilekwo baibanö emobö jo̧be. Ja̧danö, jabe'donö jobujunö emi̧ mikwa imidobö jo̧be, iso̧nö jö̧kujunö ilekwo̧ bajibanö midaitjadanö.

Proverbios 30:18

Ja̧danö, ju'wibi yötawa, chöbajale jalaka baibanö jawa chedima. Chöbajale jalaka baibanö jawa chedi̧ma, ö'wejemu jawa jo̧be. Ja̧danö, ja̧ chedi̧ma jwiinö chösödijayonö dakwöjö waiya, jö̧ba̧lö, chöwaisachiboböma do̧tatibokobe. Baikwö laebobe:

Isaías 40:31

Jo̧kwaijayonö Isabenö Jo̧nö tjo̧'wo wana̧ladöma, Dios pjaatawö̧ yemidanö tjujuluwachibakwedö. Wanedö yötawa, wiyuli möakwö kabekwö köi̧danö, tjujuluwachibanö katjekakwedö, ja̧danö ödö ö'ötjakwawijayonö, tji̧me'dawachibökakwedö, ja̧danö ödö kwetjachijayonö, 'dö̧tjachibökakwedö.

Deuteronomio 28:49

—Jo̧banö öpöjödö kwö̧jaduwiökwe, Isabenö Jo̧ma ödö ju̧kwadö ju'wedö tjitebo ju̧kwadönö jwiinö ödöobetjö öibakobe, ökwödönö metji̧bobö. Ja̧danö, jobadö tjiwene wainö yöba̧ladöma, wiyuli mötjö juluwanö nijakwö jwibachö meibi̧danö, jobadöma ödötjö ichajadö juluwanö ökwödönö metjibakobe.